Живот

Лејди Гага со скромни планови за свадбата со Полански: Прво општина,па нарачуваме кинеска храна

Актерката и пејачка Лејди Гага сподели невообичаено едноставни планови за нејзината венчавка со вереникот Мајкл Полански.

Во нејзиното неодамнешно појавување на „Џими Кимел во живо“, таа сподели некои изненадувачки скромни идеи за славење на толку голем ден, што е прилично некарактеристично за толку богати парови како овие двајца, објави ГалфТудеј.

- Ние всушност зборувавме дека само ние двајца одиме во општина и потоа нарачуваме кинеска храна - му рече Гага на водителот Џими Фалон: - Но, знаејќи ме мене, ова исто толку лесно може да стане циркус со еднорози.

Гага во истата емисија го откри и романтичниот начин на кој Полански ја запросил.

- Ме запроси веднаш по мојот роденден. Така, мојот роденден помина и си помислив: „Па, мислев дека ќе ме запроси, но изгледа дека нема“. А потоа ми приреди убава роденденска вечера, а потоа отидовме на качување по карпи, што беше супер забавно.

Џими Кимел ја прашал: „Навистина? Дали се качуваш по карпи?“.

- Мислам, сега да - рече таа, додавајќи на публиката низ смеа: - Сѐ би направила за љубов.

А потоа продолжи да зборува за запросувањето.

- И не ме запроси на врвот. Се искачивме на врвот ... направивме неколку фотографии и потоа се вративме надолу. И само што се се враќавме во собата и разговаравме, кога тој рече... Па, тоа беше типично за Мајкл, да ме праша дали може да ме праша. Сакаше да знае дали е во ред да ме запроси пред да ме запроси. А јас му одговорив: „Да! Може да го направиш тоа!"

- Па чекај... не го направи тоа на врвот? Дали си сигурна дека овој човек е добро? - се пошегува Кимел.

- Мислам дека беше паметно! Беше побезбедно долу - рече Гага: - И цело време имаше прстен во ранецот, па беше толку сладок.

Свет

Двајца пијани тинејџери украле автобус во Германија, во полициската потера се забиле во куќа

Две момчиња, наводно на 19 години, украле автобус во алкохолизирана состојба во Ахен и удриле во куќа во Северна Рајна за време на полициската потера.

Несреќата се случила во текот на ноќта, а од куќата каде што завршило возилото за среќа немало повредени.

Како што пренесува „Ахенер цајтунг“, пожарникарите биле повикани околу 2 часот и 30 минути по полноќ, кога автобусот веќе удрил во куќата. Брзата помош чекала на местото на настанот и во украдениот автобус пронашла две лица.

Возачот останал заробен во возилото и со тешки повреди е пренесен во болница, пишува Билд.

Повреден е и неговиот сопатник кој е пренесен во болница. Според првичните полициски информации, во автобусот во моментот на несреќата немало патници.

По проверка на статичката стабилност, експертите им дозволиле на жителите да се вратат во зградата.

Свет

Авион итно слета поради чуден мирис во кабината, стјуардеса заврши во болница

Стјуардеса на австралискиот Qantas била итно пренесена во болница откако „необичен мирис“ вчера довел до неочекувано пренасочување на летот.

Боингот 737 бил во воздух повеќе од два часа пред да слета на пистата на аеродромот Кингсфорд Смит во Сиднеј, нешто по 21 часот, според податоците објавени на веб-страницата Flight Aware.

Компанијата „Квантас“, која е национална авиокомпанија на Австралија, одговорила за Фокс Бизнис дека чудниот мирис во авионот предизвикал пренасочување на летот.

„Авионот од Сиднеј до Велингтон се врати во Сиднеј откако беа примени извештаи за необичен мирис во кабината“, рече портпаролот.

„Авионот безбедно слета и ќе биде прегледан од инженери пред да се врати во употреба“.

Портпаролот додаде дека стјуардеса била пренесена во болница на лекарски преглед, но не ги откриле нејзините симптоми или здравствената состојба. Патниците и пилотите не биле загрозени.

Наводно, немало чад во кабината и пренасочувањето не било третирано како итно слетување.

Претставник на компанијата додаде дека Qantas работи на обезбедување сместување и алтернативи за патниците погодени од пренасочувањето.

„На патниците ќе им биде обезбедено сместување и ќе бидат пренасочени на следниот достапен лет“, се вели во соопштението.

„Се извинуваме што им го прекинавме патувањето и им благодариме за разбирањето.“

Qantas активно го истражува инцидентот. Засега нема дополнителни информации.

Регион

Жител од поплавената Јабланица: Синот одеше зад мене, кога го однесе бран од три метри (ВИДЕО)

Мухамед Беговиќ од Јабланица го загубил синот во поплавите што рано утринава го зафатија овој град.

Тој за порталот „Аваз“ изјави дека сѐ се случило во рок од 15 минути.

„Во куќата беа син ми, невестата, сопругата, внукот и внуката. Почнавме да излегуваме од дома. Синот одеше зад мене, малку се сврте и дојде голем бран. Веројатно беше три метри. Синот само исчезна. Каде да одам сега? Освен мојот син, другите преживеаја, сите сме згрижени, има каде да спиеме.“