Македонија

Која е причината за вчерашниот сообраќаен колапс во Маврово?

Несовесните возачи се главна причина за синоќешниот сообраќаен колапс кај Маврово, каде со часови во колони возила беа заглавени голем број граѓани.

Ова е објаснувањето на полицијата по вчерашните застои кон и од овој туристички центар. Од СВР Тетово денеска информираат дека вчера биле ангажирани дополнителни дваесетина полициски службеници кои излегле на терен за да воспостават ред. Дополнително велат дека уште пред почетокот на сезоната неколку пати имале состаноци со сопствениците на угостителските објекти каде им ја предочиле обврската да имаат доволен број паркинг места за гостите. Од полицијата апелираат до граѓаните, да ги почитуваат сите правила во сообраќајот, да не ги паркираат нивните возила на коловоз, да се движат согласно предвидените правила и да не тргнуваат во правец на овие локалитети без соодветен зимска опрема..

-Како секоја измината година така и оваа година начинот на постапувањето тече согласно планот, при што на подрачјето на Маврово се воведува кружен тек на движење на возилата за да се избегне секој вид на блокирање на патот, но поради одредени неодговорни возачи кои не го почитуваат тоа правило доведува и до целосно блокирање на сообраќајот, исто така друг проблем претставува и паркирањето на возила покрај патот, што го оневозможува целосното прочистување на патот од страна на надлежните институции поради нивниот широк габарит, при што им се оневозможува постапувањето при расчистување и проширување на коловозот и тоа уште повеќе го отежнува движењето во сообраќајот, затоа што и во летни услови на тие делници не е во можност да се одвива двонасочен сообраќај. – Фатмир Реџепи – Портпарол на СВР Тетово

Овој настан беше повод за партиски реакции. Од СДСМ прстот го вперија кон владата и нејзините кадри.

„Поради неисчистени патишта од страна на државното претпријатие Македонија пат и задоцнета реакција на СВР Тетово бројни граѓани со часови беа заглавени во километарски колони во Маврово. Само пред неколку дена се случи хаос и на патот Тетово – Попова Шапка. Како што падна првиот снег патиштата ширум државата останаа целосно неисчистени а граѓаните се оставени сами на себе., соопштија СДСМ…

Инаку, според податоците на МВР од 3ти јануари до денеска утринава, преку граничните премини Табановце и Богородица државава ја напуштиле околу 39 000 македонски државјани, а влегле 29 илјади. Од полицијата велат дека во функција се ставени сите капацитети за да се забрза протокот на патиници но и да се направат задолжителните проверки.

Шоу биз

Џеј Ло и Бен Афлек се договараат за деталите за разводот, секој ќе си ја задржи заработката

Пет месеци откако Џенифер Лопез и Бен Афлек ја шокираа јавноста со веста дека се разведуваат, тие успеаја да ги договорат сите детали и поделбата на имотот и покрај тоа што не потпишаа предбрачен договор, пишува Дејли Мејл.

Тие на 20 февруари ќе потпишат официјални документи за развод, а секој ќе го задржи она што поединечно го стекнал за време на двегодишниот брак. Успеале да се договорат и за вилата на Беверли Хилс вредна 61 милион долари, која ја купиле заедно, но деталите се уште не се познати на јавноста.

ТМЗ, исто така, објави дека Афлек ќе го задржи својот удел во продуцентската компанија „Artists Equity“, која ја основа во 2022 година со пријателот Мет Дејмон. Компанијата стои зад филмовите „Air“, „The Accountant 2“ и „Unstoppable“.

Џеј Ло заработи повеќе за време на нивниот брак

Кога се појави веста за нивното раскинување, многумина беа изненадени што парот не потпишал предбрачен договор. За време на нивниот брак нивното богатство изнесувало вкупно 550 милиони долари, од кои 400 милиони заработила само Џенифер.

Таа сними четири филма откако се омажи за Бен, вклучувајќи го и самофинансираниот проект „This Is Me... Now: A Love Story“, финансиран од 20 милиони долари, кој ја документира романсата на парот. Таа лансираше и коктели Делола и требаше да оди на светска турнеја, која на крајот беше откажана.

Бен, кој имаше нето богатство од 150 милиони долари за време на нивниот брак, глумеше во филмовите „Air“ (2023.) и „Hypnotic“ (2023). Тој, исто така, ја заврши продукцијата на продолжението на „The Accountant“ од 2016 година во тоа време.

Љубов која пропаѓа цели 20 години

За потсетување, Лопез и Афлек се венчаа повеќе од 20 години откако се запознаа на снимањето на комедијата Џигли. Двојката првпат се вери во ноември 2002 година. Неколку дена пред да се венчаат во септември 2003 година, тие ја откажаа венчавката наведувајќи го „прекумерното медиумско внимание“. Во јануари 2004 година тие официјално раскинаа, но 16 години подоцна и дадоа на својата љубов уште една шанса, која не траеше долго.

Извор: Индекс.хр

Фудбал

Араухо би можел да замине на позајмица во Јувентус

Одбранбениот фудбалер на Барселона, Роналд Араухо може да се пресели во Јувентус на позајмица, пренесува „La Gazzetta dello Sport“.

Според италијанскиот весник, 25-годишниот Уругваец веќе се согласил на трансферот за да добие поголема минутажа на натпреварите.

Барселона сè уште не ја прифатила понудата на торинскиот тим, но може да се согласи поради високата плата на дефанзивецот.

Араухо се пресели во Барселона во 2018 година. Сезонава поради повреда одигра само еден натпревар за Каталонците во Купот на Шпанија, постигнувајќи една асистенција.

Вредноста на Араухо на порталот „Трансфермаркт“ се проценува на 55 милиони евра. Неговиот договор со Барселона е до летото 2026 година. /МИА

Живот

И 23 години по воведување на еврото, се уште не се разменети 12 милијарди германски марки

Речиси четврт век по воведување на еврото, Германците сè уште разменуваат големи суми од нивната поранешна валута.

Германската централна банка соопшти дека во 2024 година размените биле околу 53 милиони марки, вредни околу 27,2 милиони евра.

Еврото беше официјално воведено на 1 јануари 2002 година, а 23 години подоцна, Германската централна банка проценува дека околу 12 милијарди марки сè уште не се разменети.

Според соопштението на бундесбанк, дел од парите најверојатно биле скриени, а потоа заборавени или на друг начин уништени, но се сомневаат дека дел од оваа сума веројатно се чува намерно, вклучително и во странство. Според германските закони, бундесбанката сè уште е обврзана бесплатно да ги заменува марките - без временско или ограничување на сумата.

притисни ентер