Десетици се водат како исчезнати, во чија потрага се вкличиле околу 1.000 војници. Најпогодени се медитеранските региони Андалузија, Мурсија и Валенсија, кои се мошне популарни кај туристите. состојбата е страотна, откорнати кровови, однесени автомобили од надојдените води.
На многу места поплавени се и куќи и полиња, но и продавници. на објавените снимки може да се забележи како заглавени граѓани насилно се обидуваат да скршат излози за да спасат жива глава.
На истокот од земјата Наврнале и до 200 литри на метар квадратен, додека во југоисточните реони наврнале над 100 литри дожд. затворени за сообраќај се неколку автопати и локални патишта, а проблеми има и со воздушниот и железничкиот сообраќај. Брз воз со речиси 300 луѓе излетал од шините во близина на Малага, но за среќа немало повредени. Во многу училишта но и универзитети била прекината наставата. Жителите од погодените реони ужаснати од силното невреме.
-Куќата на влезот на градот едноставно исчезна по поплавите. Во неа има најмалку две лица кои се заглавени, а надлежните се уште не знаат каде се.
-Водата од реката дојде до ова ниво, можеше да ми ги покрие глуждовите. Потоа, не можеше да се движите тука. Водата беше до ова ниво, не можеше да се види мостот.
-Тука не врнеше дожд, поројната поплава дојде од планината. Со себе носеше дрвја, гранки и се останато во исто време. Водата дојде многу брзо и силно.
Премиерот на Шпанија, Педро Санчез рече дека владата ќе им помогне на сите погодени од силната бура
-Десетици домови се поплавени и многу мостови се уништени од поплавата. Приоритет е да им се помогне на сите погодени од ова невреме, а екипите на терен напорно работат и ќе дадеме се од себе да се опоравиме од оваа трагедија. Никој нема да биде оставен сам на себе. изјави, Педро Санчез – премиер на Шпанија.
Властите предупредија дека неповолните временски услови ќе продолжат и го повикаа месното население на претопазливост.
Инаку, метеоролозите анализираат дека во Шпанија се случил феномен познат како „ладна капка“.
Според познавачите, до тоа доаѓа кога ладниот воздух минува преку топлите води на Средоземното Море. Ситуацијата води кон атмосферска нестабилност, предизвикувајќи кревање на топол, заситен, воздух и создавање на облаци кои носат обилни дождови.