Македонија

Варџиски: Нашиот пристап во дигитализацијата е ориентиран кон потребите на граѓаните

“Формирањето на Министерството за дигитална трансформација е стратешки чекор кој ја потврдува определбата на Владата да ја постави дигитализацијата како еден од своите највисоки приоритети.“

„Нашиот пристап е ориентиран кон потребите на граѓаните и токму затоа со интегриран систем сакаме да го олесниме пристапот на корисниците до онлајн услугите за граѓаните, до информациите поставени на официјалните веб страни на министерствата и Владата, како и да ја убрзаме и подобриме размената на податоци помеѓу институциите.” истакна Заменик министерот за дигитална трансформација Радослав Настасијевиќ Варџиски на дваесет и третиот состанок на Заедничкиот консултативен комитет меѓу Македонија и Комитетот на регионите на Европската Унија (ЗКК), во рамки на втората тема посветена на „Дигитална транзиција, особено во локалните и регионални јавни услуги.

“Во таа насока работиме на создавање единствена централизирана и унифицирана платформа на владини веб страници, кои ќе бидат заштитени преку еден софистициран систем, ќе бидат оптимизирани, и со поголема пристапност за лицата со попреченост. Наскоро ќе следи и редизајн на порталот uslugi.gov.mk согласно последните трендови и практики, со тенденција да стане единствена точка помеѓу јавните услуги во државата и граѓаните, а притоа да биде интуитивен и лесен за употреба.” истакна Варџиски.

Тој потсети дека преку апликацијата на програмата “Дигитална Европа” за изработка мобилна апликација за мобилни услуги – Супер апликација ЕЛИ се движиме кон револуционерна демократизација на јавните услуги.

“Со оваа апликација ќе се отвори можност за воведување на ИД - паричник, дигитална верзија на лични карти и возачките дозволи со кои граѓаните ќе се идентификуваат при користење на дигитални услуги преку својот мобилен телефон, а истата ќе биде поврзана и со порталот uslugi.gov.mk.” додаде тој.

Варџиски појасни дека со отворање на нови Центри за услуги на повеќе локации, услугите кои се достапни на порталот uslugi.gov.mk ќе бидат уште поблиску до граѓаните и на дофат на оние кои немаат техничка можност и вештини самите да гo користат порталот.

“Иако предизвиците се навистина големи, имаме јасна визија и конкретен план како да ги надминеме. Со систематски пристап и посветен тим, можеме да изградиме дигитален екосистем кој ќе ги следи последните технолошки трендови и успешно ќе им служи на граѓаните и на државата.” потенцираше Варџиски, се наведува во соопштението.

Свет

Уште да им забранат да дишат- талибанците на жените им забранија гласно да читаат Куран

На жените во Авганистан им е забрането да се молат или гласно да го рецитираат Куранот пред други жени, според талибанскиот министер во владата.

Ова е последното ограничување за жените, бидејќи веќе постојат закони кои ги спречуваат да го кренат гласот и да го откриваат своето лице надвор од домот. Веќе по шесто одделение се исклучени од образованието, од многу јавни простори и повеќето работни места. Никој од Министерството за пороци и доблести не бил достапен да ги појасни забелешките на функционерот или да потврди дали и оваа забрана ќе стане дел од законот за моралност.

За време на настанот во источната провинција Логар во неделата, заменик-министерот за доблест Калид Ханафи рече: „Забрането е возрасна жена да рецитира стихови од Куранот пред друга возрасна жена. Дури и извикувањето на фразата „Алаху акбар“ не е дозволено“.

Тој потсети дека на жените не им е дозволено да го изведуваат езанот. „Значи, сигурно нема дозвола да се пее“, нагласи тој. Министерството ја сподели аудио снимката од неговиот говор на социјалните мрежи, но подоцна ја избриша, пишува Асошиејтед прес.

Министерството соопшти дека во тек е национална програма за подигање на свеста за законите. „Организирањето вакви програми ќе придонесе за обликување на јавната перцепција и зголемување на свеста за божествените одлуки“, додаваат тие.

Авганистанските провинции веќе им забрануваат на медиумите да прикажуваат фотографии од живи суштества, уште една контроверзна и нашироко критикувана карактеристика на законот за моралност.

Талибанците основаа министерство за „пропагирање на доблест и спречување на пороци“ по преземањето на власта во 2021 година. Оттогаш, министерството ги спроведува декретите издадени од раководството на Талибанците. Станува збор за прописи кои имаат непропорционално влијание врз жените и девојчињата, како што се кодекс на облекување, посебно образование и наоѓање машки старател при патување.

Македонија

„Само Интервју“ со Димитар Ковачевски

Дами и господа утре во Само Интервју ќе гостува поранешнито премиер и лидер на СДСМ, Димитар Ковачевски.

Од очекување за победа, до историскиот пораз на изборите - што му пресуди на СДСМ- политиките и кадрите или пак односот кон ДУИ?

Европските интергации им беа главниот адут, но дали францускиот предлог е вистинскиот пат или стана ќорсокак? Како неговото НЕ во Брисел, стана ДА во Скопје, без претходен поширок консензус?

Филипче призна дека измените на Кривичниот законик беа грешка... Кој и зошто ја направи?

Какви реформи и требаат на државата, а какви на партијата?

Утре во Само Интервју кај Гоце Михајлоски ќе гостува Димитар Ковачевски, по вестите во 18 часот.

Живот

Ја реновирале куќата, па во ѕидовите нашле купишта играчки (ВИДЕО)

Тиктокерот Конор Нијсе и неговата сопруга отстранувале дел од ѕидот во неговата столарска работилница кога наишле на бизарно откритие.

Конор и неговата сопруга живеат на островот Ванкувер во близина на западниот брег на Канада и објаснија дека ја купиле куќата пред една година. „Ние ја поседуваме куќата веќе една година и полека ја реновиравме. Ова беше еден од последните ѕидови од гаражата“, објаснија тие во коментарите под видеото на кое се гледа куп полнети играчки што ги нашле во ѕидот.

Шарената колекција на плишани играчки ги изненади сопствениците но и следбениците, а видеото стана вирално и собра 3,4 милиони прегледи. Луѓето во коментарите им пишувале дека не можат да поверуваат што пронашле сопствениците, а некои забележале плишани играчки од нивното детство и им понудиле да ги купат.

@c.c.woodwork Things you find… Part 1 #stuffedanimals #beaniebabies #reducereuserecycle ♬ original sound - Connor Nijsse

„Би го купил тоа кафеаво плишано мече долу десно! Мојот пријател има едно веќе 40 години и е прилично истрошено и се обидов безуспешно да го поправам“, напишал еден tiktoker, додека друг додаде: „Овие играчките вредат стотици долари“.

"Дали сум единствениот што жали за плишаните животни? Кога бев мал верував дека тие имаат чувства и ја заслужуваат мојата љубов и почит. Се надевам дека нема да бидат фрлени во ѓубре", напиша трет, додека четвртиот искоментира: „Само размислување за Toy Story и како препарираните животни сега викаат: Слободни сме! Некој дојде по нас!“

Откако го споделија своето необично откритие, парот во следното видео покажа како ги извадиле плишаните играчки од ѕидот и ги ставиле на маса.

@c.c.woodwork Part 2 - 110 stuffed animals used as insulation #stuffedanimals #renovatingourhome #fthisfarm ♬ MILLION DOLLAR BABY (VHS) - Tommy Richman

„Користеле играчки за изолација. Дали препознавате некоја од вашето детство?“ напишаа со видеото, а многу тиктокери коментираа дека такви играчки имале во детството.