И покрај јасните пораки од Илире Даути од Европскиот фронт дека нема намера да ја свика седницата на комисијата ако на истата не се најде и закон за припадниците на ОНА, ВМРО-ДПМНЕ смета дека таа е вистинската адреса... како што и најавија, со потписите на своите петмина пратеници – членови на комисијата, поднесоа формална иницијатива, која, според нив, е обврзувачка за Даути.

СДСМ не го прифатија повикот од ВМРО-ДПМНЕ, бидејќи според нив, овој потег е само трошење на време.. Сметаат дека спикерот Гаши е тој што треба да ја деблокира процедурата на ист начин како што тоа го направи со комисијата за финансирање и буџет за унгарскиот кредит.

Пратеничката Славјанка Петровска која е предлагач на законот најави дека преку друга комисија, за деловнички прашања, СДСМ ќе бара одговори зошто Африм Гаши не свика седница наместо Даути.

-Почитувани колеги пратеници од власта, овој предлог закон не е шаховска игра, не е ниту провокација, ниту обид за дестабилизација. Овој предлог закон е одговор на барањето за правда и правичност и тоа се мотивите заради кој овој закон е поднесен. Ќе побараме да се свика деловничко мандатно-имунитетната комисија која треба да расправа дали претседателот Гаши правилно го применува Деловникот,-Славјанка Петровска – пратеничка на СДСМ.

Претседателот на Собранието претходно одговори дека деловникот не му дозволува да интервенира за одредени закони, туку само кога претседателите на комисиите целосно одбиваат да закажат седница. Тој за Канал 5 веќе потврди дека решение за блокираниот закон за бранители ќе се бара преку комисијата за деловнички прашања, како што сега бара СДСМ.

За разлика од него, неговиот сопартиец, вицепремиерот Изет Меџити во интервју за РСЕ викендов кажа дека воопшто не очекува епилог за законот.

-Ние имаме конечен став дека не е добро за процесите и за државата и не е во приоритетите да се донесе таков закон. Тој сега е заглавен во Комисијата што ја води Илире Даути и очекуваме дека таму и ќе остане,-Изет Меџити – вицепремиер, коалиција Вреди.

Со предложениот закон се предвидува еднократен надоместок за нематеријална штета од 80.000 евра за семејствата на загинатите војници и полицајци од 2000та до денес. Покрај бранителите од конфликтот во 2001ва, се опфатени и случаите со авионската несреќа на претседателот Трајковски, хеликоптерските несреќи кај катлановско Блаце и Струмица, како и за Диво Насеље.

Сепак Мицкоски топката ја префрли во Собранието околу тоа кога и како законот ќе дојде на дневен ред.

„Дали и кога ќе дојде Законот за бранителите, не знам, тоа не зависи од мене. Јас сум сепак претседател на Владата. Но, кога ќе дојде, тој ќе ја има нашата поддршка. Го повикувам Гаши да ја свика Комисијата, што СДСМ бара еве го повикувам“, изјави Мицкоски.

Освен Законот за бранители нестабилност во владината колиција, според изјавата на Снопче може да предизвика и укинувањето на Законот за употреба на јазиците, чија уставност наскоро ќе се најде на дневен ред пред уставните судии.

„Поради руското влијание, ако влезат во такви авантури, ние ќе го решиме проблемот навремено. Тогаш за Вреди нема место во Владата. Значи, или ако се укине Законот за албански јазик или ако помине Законот за бранители“, рече Снопче.

Закани за можна длабока криза и најави за протести доколку се укине законот за јазиците вчера упати и лидерот на ДУИ Али Ахмети по вчерашните средби со претседателкта на албанското Собрание Елиса Спиропали, која исто така, надвор од дипломатската пракса, се впушти во коментири околу престојното одлучување на Устваниот суд..

Според, премерот Мицкоски темата за албанскито јазик е вештачка тема, бидејќи во земјава се почитувапосебноста на сите јазици и идентитети.

„Таман работа. Ние не сме како одделни земји членки коишто сакаат да го загрозуваат идентитетот на другите народи. Ние немаме таква намера. Напротив, го почитуваме тој идентитет и посебноста на албанскиот јазик, македонскиот јазик и сите останати јазици кои ги користат граѓаните во Македонија. Јас лично ги почитувам. Така што, не само што не е загрозен, туку и е надграден“, порача Христијан Мицкоски, Претседател на Влада.

За оценување на уставноста на Законот за употреба на јазиците поднесени се 13 иницијативи до Уставен и за нив судот ќе одлучува следниот месец, по цели пет години од поднесувањето.

Сериозни забелешки за него имаше и Венецијанската комисија, со оценка дека законот наметнува нереални правни обврски, но Тогашната владејачка коалиција СДСМ и ДУИ иакпо ветуваше дека ќе ги имплементираат препораките, тоа не се случи.

Ова го кажа партискиот портпарол Никола Мемов, прашан дали неносењето на законот за бранители може да блијае врз коалицијата.