Македонија

Јаневска: Интерес на државата е да ги поддржи младите да студираат на престижни универзитети

Интерес на државата е да ги поддржи младите да студираат на престижни универзитети, но целта е да се вратат дома .

Силно го поддржувам ЕУ концептот за преминување од „одлив на мозоци“ кон „циркулација на мозоци“. Ова значи дека студентите и професионалците кои стекнале знаења и вештини во странство, се охрабруваат да се вратат во нивните матични земји. Интерес на нашата државата е да ги поддржи младите да студираат на престижни странски универзитети, каде што се споделуваат врвни технологии, иновации и најдобри практики. Сепак, нашата крајна цел останува тие да се вратат дома, рече денеска министерката за образование и наука Весна Јаневска на отворањето на Саемот за студии во Франција.

Според Јаневска, со стекнатите знаења и вештини надвор, младите можат многу да придонесат за технолошкиот напредок и да го поддржат севкупниот раст на нашата економија.

-Уверена сум дека новата Влада со стимулативни мерки ќе ги поттикне завршените студенти во странство да се вратат дома и да учествуваат во градењето на иднината на својата земја, потенцира министерката.

Франција, напомена, има реноме како една од водечките светски дестинации за високо образование, со универзитети рангирани меѓу најпрестижните во светот.

-Тоа го постигнуваат со иновативните студиски програми кои комбинираат теоретско знаење и практична примена, како и со вклученоста во современи истражувања. Привлечноста ја прават не само можностите за личен и професионален раст на студентите, туку и богатата културна понуда на француските универзитетски центри. Министерството за образование и наука ја поддржува образовната мобилност, и за студирање на реномирани странски високообразовни установи доделува и стипендии, дополни Јаневска.

Саемот за студии во Франција го организираат Француската амбасада и Францускиот институт. Годинава се одржува 17. издание.

-Атрактивноста на студирањето е една од нашите најголеми акции на делување на надворешен план. За оваа академска година во Франција има 430 000 странски студенти, а целта ни е да привлечеме 500 000 наредната година или половина милион. Во моментов има 160 македонски студенти. Преку овие средби сакаме да ја унапредуваме размената. Навистина е возможно да се студира во Франција, не е комплицирано и не е толку тешко, рече францускиот амбасадор Кристоф Ле Риголер.

Амбасадорот го поддржа ставот на министерката Јаневска.

-Студентската атрактивност не треба да значи „одлевање на мозоци“, да ги земаме најдобрите студенти на друго место, зашто нашата цел е сите млади луѓе кои ќе стекнат вистински знаења, да се вратат во земјата од која дошле и да учествуваат во нејзината изградба, како и во европската иднина, нагласи Ле Риголер.

Шоу биз

Одложено е судењето на Жерар Депардје, обвинет е за силување жени

Францускиот актер Жерар Депардје неодамна беше обвинет за сексуален напад на две жени за време на снимањето на филмот „Les volets verts“ во јуни 2021 година, а судењето закажано за денеска, е одложено.

- Жерар Депардје е крајно погоден и, за жал, лекарите му забранија да присуствува на рочиштето, поради што бараме одложување за подоцна, за да може да присуствува - изјави неговиот адвокат Џереми Асус за „Франсинфо“.

Во април годинава полицијата го привела на разговор, но набргу потоа бил пуштен од полициска станица.

- Полицискиот притвор заврши. Тој не беше приведен - изјави тогаш неговиот адвокат Кристијан Сан-Пале, додавајќи дека актерот ги негира споменатите обвинувања и тврди дека е жртва на „медиумски линч“.

Инаку, на 9 јануари годинава жена поднесе тужба против актерот за сексуален напад пред 10 години, на снимањето на филмот „Le Magicien et les Siamois“. Жената, која сака да остане анонимна, во моментот на инцидентот имала 24 години. Работела како асистент и го обвинува Депардје дека ја пипкал по интимните делови, со груби навреди.

Пред тоа, актерот беше обвинет за слично однесување од уште 13 жени. Наводите биле изнесени од актерки, шминкери и продукциски персонал, од кои некои зборувале анонимно, а наводното малтретирање се случило за време на снимањето на 11 филмови помеѓу 2004 и 2022 година.

На 16 декември 2020 година, актерот бил официјално обвинет за силување и сексуален напад поврзан со тужба поднесена во 2018 година од актерката Шарлот Арну. Случајот беше отфрлен во 2019 година поради недостиг на докази, но повторно беше отворен во 2020 година, а во декември беше поднесена кривична пријава.

Македонија

Димитриевска: Распуштање на Советот на јавни обвинители не е опција

Распуштање на Советот на јавни обвинители не е опција, затоа што најголемиот број од членовите се избрани на непосредни избори од страна на јавните обвинител, изјави претседателката на Советот на јавни обвинители Душица Димитриевска. 

Македонија

Четврта јавна расправа за предлог законските решенија за реформи во јавната администрација

Јавната администрација ќе се реформира преку нови законски решенија за административните службеници, за вработените во јавниот сектор како  и преку академија за нивна обука и стручно усовршување која ќе се формира за прв пат во земјава. 

Универзитетскиот проферор Борче Давитковски очекува што поскоро овие законски измени да бидат усвоени, имајки во предвид дека по препорака од ЕУ за реформи во јавната администрација државата ветила дека измените ќе ги усвои уште минатата година. При изработка на законите меѓудругото тој апелира да се земат во предвид и одлуките на Уставниот суд.

-Би било добро при конечната одлука да ги земете двете одлуки на Уставниот суд. Едната одлука е во поглед на статусот на вработените во високото образование а втората одлука е т.н балансер. Тоа е многу битно прашање кое што се надевам дека дали со посебен закон или во овие закони ќе бидат импементирани,- Борче Давитковски- универзитетски професор.

Министерот за јавна администрација Горан Минчев вели дека процесот на носење на законите ќе биде целосно транспарентен

Синдикатите апелираат овие закони да се носат во интерес на работниците. Според претседалот на ССМ Слободан Трендафилов клучно е преку нив да се изготви нова методологија на платите на вработените во јавниот сектор регулирана со колективни договори. Дополнително тој очекува во законите да бидат вклучени и трошоци за превоз, бидејки според нивните податоци вработените трошеле и до 30% од платите за да пристигнат на работните места.

-Главна забелешка кон вас треба да биде токму уредувањето на платите со колективни договори. Ова го велиме од една причина а тоа е да се одземе улогата на моќта на креаторите на политиките самостојно без да се консултираат со работниците да ги утврдуваат платите на вработените,- Слободан Трендафилов – претседател на ССМ.

Со денешната 4та дебата во Собранието на која присуствуваа професори, експерти, припадници на синдикатите и останати релевантни чинители се заокружи циклусот на јавни расправи, по што Минчев најави изработка на 3те предлог законски решенија, а понатаму и нивна имплементација.

притисни ентер