Автомобилизам

Форд мора да ја плати втората највисока кзна во историјата поради камера со „празна слика“

Форд се согласил да плати казна која може да достигне 165 милиони долари.

Форд се согласил да плати казна која може да достигне 165 милиони долари откако американската Национална управа за безбедност на сообраќајот на патиштата (NHTSA) утврди дека компанијата чекала премногу долго за да ги повлече возилата со неисправни камери за рикверц и не обезбедила „точни и целосни информации за повлекување“.

Ова е втора најголема казна во историјата, веднаш зад казната од 200 милиони долари што Таката ја доби поради проблемот со воздушните перничиња, објави Детроит Њуз.

Повлекувањето, првично објавено во 2020 година, влијае на повеќе од 600.000 возила произведени од 2019 година, вклучувајќи ги и Ford F-150, Mustang, Escape, Ranger и Expedition, како и луксузните модели Lincoln Nautilus и Corsair. Проблемот е со камерите за рикверц кои повремено покажуваат „празна или искривена слика“. Од Форд тврдат дека поради овој дефект не се пријавени сообраќајни незгоди или повредени.

Според договорот со NHTSA, Форд треба веднаш да плати 65 милиони долари, со дополнителни 55 милиони долари кои треба да се платат подоцна, а уште 45 милиони долари наменети за развој на инфраструктура за безбедносни податоци и лабораторија за тестирање за компоненти на камерата за рикверц.

„Ја цениме можноста да го решиме овој проблем со NHTSA и остануваме посветени на континуираните подобрувања на безбедноста и усогласеноста“, рече Марија Бучковски, портпаролка на Ford. „Веќе се во тек обемни мерки за подобрување, вклучително и напредна анализа на податоци и нова лабораторија за тестирање во куќата“.

NHTSA дополнително побара од Ford да ги прегледа сите повлекувања на возила што ги има издадено во изминатите три години за да се осигура дека тие биле правилно имплементирани. Исто така, независна трета страна ќе ја следи усогласеноста на Ford со договорот.

Овој случај е уште еден потсетник за тоа колку е важно брзо да се реагира на безбедносните прашања на возилата, особено кога станува збор за технологии кои директно влијаат на безбедноста на возачите и пешаците.

Свет

Кинезите се обидуваат да го зголемат наталитетот, и претседателот Си со сериозна порака

Кинескиот претседател Си Џинпинг повика на повеќе напори за одржување на стапката на фертилитет и бројот на населението во Кина, објави државната новинска агенција Ксинхуа, бидејќи земјата се соочува со ефектите од стареењето на населението.

„Правниот систем што ги надгледува проблемите со населението и репродукцијата треба да се подобри за да помогне во зајакнувањето на демографијата“, Ксинхуа го цитираше Си во написот што ќе биде објавен утре во официјалното списание на Комунистичката партија на Кина.

Стапката на наталитет во Кина, со население од околу 1,4 милијарди, минатата година паднала на рекордно ниско ниво. Индија ја престигна Кина и стана најнаселена нација во светот.

Стареењето на населението го оптоварува кинескиот пензиски систем, и покрај тоа што земјата ја напушти својата 35-годишна политика за едно дете во 2015 година, таа се бори за зголемувањето на наталитетот, особено бидејќи руралното население мигрирало во градовите во потрага по работа.

„Кина треба да воспостави и подобри политики за поддршка на наталитетот за да промовира долгорочен балансиран развој на населението и треба да го зајакне развојот на човечките ресурси за да ја зголеми понудата на работна сила.“, рече Си.

Си рече дека Кина треба да ја подобри координацијата меѓу кинескиот народ, економијата и ресурсите за да обезбеди „безбедност на луѓето“.

Во последниве месеци, кинеските власти открија мерки за подобро планирање на семејството и родителство и повикаа на напори за изградба на „млада култура на бракови и раѓање деца“ во обид да се зголеми стапката на наталитет.

Свет

Италијанец оперирал кила на приватна клиника и по неколку дена починал, истрагата е во тек

Маж (50) починал неколку дена по операција на кила во приватна клиника во Сиракуза.

Витo Адамo, по потекло од Кастелмар дел Голфо, требало да биде отпуштен на 28 октомври од клиника во Сиракуза, но тој ден почнал да се чувствува лошо, објави ТП24.

По неговата смрт, обвинителството наредило обдукција, бидејќи се сомневаат дека нешто „тргнало наопаку“ за време на операцијата.

Тој денеска е погребан на црковните гробишта Санта Рита на местото каде го поминал целиот свој живот.

Истрагата се уште е во тек, а посебно внимание е насочено на медицинската документација по операцијата, која, според лекарите, била успешна.

Други спортови

Колку ќе заработи Тајсон, а колку Пол од мечот што го очекува целиот свет?

Легендарниот боксер Мајк Тајсон (58) и Јутјуберот и боксер Џејк Пол (27) ноќеска ќе се соочат во професионален меч кој ќе се одржи на стадионот АТ&Т во Арлингтон, во американската држава Тексас.

Настанот за боречки вештини ќе има седум различни борби, а кулминацијата меѓу Тајсон и Пол треба да започне околу четири часот наутро по средноевропско време.

Иако конечната заработка од натпреварот ќе се знае дури по настанот, односно по расчистувањето на Нетфликс (борбата ќе биде прикажана на таа платформа), и двајцата борци неформално објавија колку пари треба да добијат. Така Пол ќе добие околу 40 милиони долари или двојно повеќе од Тајсон кој би требало да заработи 20 милиони долари.

Според Форбс, Тајсон во кариерата заработил околу 430 милиони долари. Најдоходовната борба против Ленокс Луис ја имаше кога заработи над 103 милиони долари, а според Форбс уште четири пати во кариерата заработил повеќе од 20 милиони долари. Пол во кариерата се борел 11 пати (сооднос 10-1), а се проценува дека на тој начин заработил околу 15 милиони долари.

притисни ентер