Други спортови

Ноќеска спектакл: Колкави се шансите на Мајк Тајсон против инфлуенсерот Џејк Пол?

Легендарниот боксер Мајк Тајсон (58) и инфлуенсерот-боксер Џејк Пол (27) ноќеска по европско време ќе се борат во егзибициски меч.

Борбата би можела да започне околу четири часот наутро. Тоа ќе биде прв професионален натпревар за Мајк Тајсон од 2005 година, кога се бореше против Кевин Мекбрајд.

Букмејкерите ширум светот ја имаат оваа борба во своите понуди. Според нив, Џејк Пол е фаворит со коефициент 1,60 на неговата победа. Тајсон е аутсајдер, коефициентот за него е 2,70. Ќе се борат по посебни правила, во осум рунди од по две минути. Тајсон пред натпреварот изјави дека повеќе би сакал рундите да траат три минути.

Тајсон се смета за еден од најдобрите тешкаши и најуништувачки ударач во историјата на боксот. Легендарниот Ајрон Мајк победил на 19 борби со нокаут, од кои 12 во првата рунда. Со само 20 години стана најмладиот шампион во тешка категорија во историјата и тој рекорд го држи и денес.

Џејк Пол започна како Јутјубер и во изминатите неколку години се испроба во рингот против бројни борци. Тој боксуваше против Тајлер Вудли, Андерсон Силва, Томи Фјури, Нејт Дијаз, Андре Аугуст, Рајан Бурланд и Мајк Пери, а беше победен само од Фјури. Се борел и со поранешниот кошаркар Нејт Робинсон и со ММА борецот Бен Аскрен.

Свет

Италијанец оперирал кила на приватна клиника и по неколку дена починал, истрагата е во тек

Маж (50) починал неколку дена по операција на кила во приватна клиника во Сиракуза.

Витo Адамo, по потекло од Кастелмар дел Голфо, требало да биде отпуштен на 28 октомври од клиника во Сиракуза, но тој ден почнал да се чувствува лошо, објави ТП24.

По неговата смрт, обвинителството наредило обдукција, бидејќи се сомневаат дека нешто „тргнало наопаку“ за време на операцијата.

Тој денеска е погребан на црковните гробишта Санта Рита на местото каде го поминал целиот свој живот.

Истрагата се уште е во тек, а посебно внимание е насочено на медицинската документација по операцијата, која, според лекарите, била успешна.

Други спортови

Колку ќе заработи Тајсон, а колку Пол од мечот што го очекува целиот свет?

Легендарниот боксер Мајк Тајсон (58) и Јутјуберот и боксер Џејк Пол (27) ноќеска ќе се соочат во професионален меч кој ќе се одржи на стадионот АТ&Т во Арлингтон, во американската држава Тексас.

Настанот за боречки вештини ќе има седум различни борби, а кулминацијата меѓу Тајсон и Пол треба да започне околу четири часот наутро по средноевропско време.

Иако конечната заработка од натпреварот ќе се знае дури по настанот, односно по расчистувањето на Нетфликс (борбата ќе биде прикажана на таа платформа), и двајцата борци неформално објавија колку пари треба да добијат. Така Пол ќе добие околу 40 милиони долари или двојно повеќе од Тајсон кој би требало да заработи 20 милиони долари.

Според Форбс, Тајсон во кариерата заработил околу 430 милиони долари. Најдоходовната борба против Ленокс Луис ја имаше кога заработи над 103 милиони долари, а според Форбс уште четири пати во кариерата заработил повеќе од 20 милиони долари. Пол во кариерата се борел 11 пати (сооднос 10-1), а се проценува дека на тој начин заработил околу 15 милиони долари.

Технологија

Кина го претстави новиот дизајн на ракетниот систем „Долгиот марш“, ќе се користи повеќе пати

Кинеската аерокосмичка научна и технолошка корпорација (CASC) го претстави новиот дизајн на ракетниот систем Long March 9 на најголемиот кинески саем за авијација во Жухаи.

Long March 9 е двослоен ракетен систем, а целта на кинеската компанија е двата дела од ракетата да можат повторно да се користат, објави Ројтерс.

Тоа значи дека, за разлика од претходните верзии, ракетата би можела да се користи повеќе пати, што значително би ги намалило трошоците за лансирање.

Првата верзија на ракетата, која била прикажана во 2018 година, била за еднократна употреба, што значи дека по употребата ќе падне на Земјата и ќе биде уништена. Компанијата верува дека овој систем ќе им конкурира на тешките ракетни системи на американската вселенска компанија SpaceX.

Во интервју за државната CCTV, претставниците на CASC изјавија дека новиот ракетен систем може да носи 100 тони носивост. Фалкон 9 на SpaceX може да носи 50 тони и досега е лансиран речиси 400 пати, со 349 успешно слетувања и 324 прелетувања.