ЛОИ Париз 2024

Филипинецот со две олимписки злата, ќе добие 16 милиони пезоси, стан, бесплатни колоноскопии...

Филипинецот Карлос Јуло освои два златни медала во гимнастика за два дена. Неговиот подвиг е најголемата сензација во земјата деновиве, а внимание привлекоа и наградите коишто тој ги доби. 

Поради неговиот одличен успех, и Владата и повеќе филипински компании одлучија да го наградат.

„Нема зборови со коишто може да се опише колку сме горди на вас. Не еднаш, туку двапати освоивте злато за Филипините. А, Филипинците ширум светот се обединети, навиваат за вас“, напишаа претседателот Фердинанд Маркос Помладиот и првата дама на својот интернет-простор.

Филипинската влада ќе му додели на гимнастичарот 10 милиони филипински пезоси (околу 160.000 евра). Тоа е наградата што им е ветена на сите златни медалисти. А пак, Претставничкиот дом вети дополнителни шест милиони пезоси (околу 95.000 евра). Дури и медицинските клиники и универзитетите се вклучија во наградувањето. И Градот Манила најави големо добредојде.

- Ќе го имаме најголемиот пречек за него и за сите наши олимпијци. Кога ќе пристигне, на Јуло ќе му врачиме парични помошти, награди и признанија на вечна благодарност, рече градоначалникот Хани Лакуна.

Покрај тоа, една тамошна агенција за недвижности му даде опремен стан со три спални соби во најголемиот станбен комплекс во главниот град Манила. Тоа не е сѐ... Гастроентеролог му понудил на Јуло бесплатни консултации и колоноскопии доживотно, додека Универзитетот на Минданао му ветил бесплатно образование. Тој, исто така, доби доживотно бесплатни залихи од пилешко на скара и друга храна.

Фудбал

Анчелоти: Валверде може да игра на неколку позиции

Тренерот на Реал Мадрид, Карло Анчелоти, по вчерашната победа во мечот од 14. коло на шпанското првенство со Леганес (3:0), го пофали настапот на играчот од средниот ред Федерико Валверде на десната бековска позиција.

- Валверде се истакнува како бек. Може да игра на многу позиции на теренот, а мојот проблем е да ја изберам најдобрата за него, изјави Анчелоти за „Marca“.

Реал Мадрид со 30 бода се искачи на второто место во Ла Лига, пред Атлетико Мадрид (29) и ја намали разликата од Барселона на четири бода. Во исто време, тимот на Карло Анчелоти има еден натпревар помалку.

Анчелоти исто така е задоволен и од Мбапе кој често беше на крилните позиции, како и од Винисиус кој атакуваше од централната позиција.

Свет

Во Германија се очекува Шолц да биде номиниран за кандидат за канцелар од социјалдемократите

Во Германија се очекува Шолц да биде номиниран за кандидат за канцелар од германските социјалдемократи

Околу три месеци пред предвремените избори во Германија, социјалдемократите официјално ќе го номинираат Олаф Шолц за свој кандидат за канцелар и покрај неговиот исклучително низок рејтинг, јави ДПА.

Неговата формална номинација доаѓа откако партијата беше поделена со двонеделна жестока дебата за тоа дали далеку попопуларниот министер за одбрана Борис Писториус треба да биде номиниран за кандидат на местото на Шолц, за кој многумина во левичарската партија веруваат дека треба да се откаже.

Во четвртокот, сепак, Писториус отворено потврди дека не сака да биде номиниран за канцелар, со што го отвори патот за номинација на Шолц.

Министерот за одбрана е еден од триесет и тројцата членови на извршниот совет на партијата со право на глас, кои денеска ќе одлучуваат за канцеларската кандидатура.

Шолц е третиот кандидат за канцелар што ќе го предложи една од партиите за претстојните избори на 23 февруари, откако веќе се објавени кандидатурите на лидерот на ЦДУ/ЦСУ, Фридрих Мерц и на вицеканцеларот Роберт Хабек од Зелените.

Извршниот одбор на екстремно десничарската партија Алтернатива за Германија се очекува да ја номинира лидерката на партијата Алиса Вајдел за свој кандидат за канцелар на 7 декември. Тоа значи дека за прв пат ќе има четворица кандидати за канцелар на сојузни избори.

Култура

Мешаниот хор на Тесалоники вечерва во Скопје

Амбасадата на Грција во Скопје организира специјален настап на Мешаниот хор на Тесалоники, што ќе се одржи вечерва со почеток во 19:30 часот во малата концертна сала на Националната Филхармонија.

Репертоарот вклучува класична музика и современи грчки песни.

Мешаниот хор на Тесалоники е основан во 1987 година. Неговиот широк репертоар вклучува дела од ренесансата, класичниот и романтичниот период, ораториуми, опери, мјузикли и дела на современи грчки и странски композитори. Хорот имал бројни настапи во различни градови во Грција и странство, освојувајќи златни, сребрени и бронзени медали на меѓународни натпревари во Атина, Ланголен, Рим и Тампере. Покрај тоа, добил и медал за најдобар грчки хор. Хорот го води диригентката Мери Констандиниду од неговото основање.

притисни ентер