Ферари зад себе остави многу успешна 2019 година во која претстави дури пет нови модели. „Roma“, „SF90 Stradale“, „F8 Tributo“, „F8 Spider“ и „812 GTS“ – сите тие дебитираа минатата година.
Освен тоа Ферари по прв пат во една календарска година на купувачите им ипорачал преку 10 илјади автомобили. Во 2019 се продадени 10.131 возила со знакчето на Ферари, а според сајтот „Fiat Group World“, Ферари во просек заработил дури 86.369 евра по автомобил.
И покрај проблемите педизвикани од пандемијата на коронавирусот, плановите за 2020 не се значајно променети кога станува збор за новите модели.
Двете светски премиеро ќе се одржат во втората половина на годината, пренесе „Autocar“. Иако Ферари не обелодени за кои модели станува збор, наведено е дека тие ќе и помогнат на компанијата да допре до купувачите кои до сега не купувале автомобило од овој бренд. На тој начин италијанскиот произведувач ќе ја прошири базата на своите купувачи.
Сепак, најавениот „SUV“ модел не е еден од нив, со оглед дека тој е предвиден дури за 2022 година.
Во 2020 веројатно нема да видиме директен наследник на „LaFerrari“, затоа што овој модел би требало да биде претставен по „SUV“ моделот според најавите на компанијата.
На форумите на Ферари може да се прочина дека еден од главните кандидати за 2020 е моделот „SF90 Stradale Spider“, но конечен одговор на прашањето што ни спрема италијанскиот произведувач ќе дознаеме во текот на летото.