Познат руски психолог ја истакнува суштината, но и проблемот на денешницата. Физичкиот изглед целосно го засенува поважното - душата и умот, но сепак постои момент кога обата пола почнуваат да го сфаќаат тоа.
Иако секој во главата има идеја за тоа каков треба да изгледа неговиот идеален емотивен партнер и кога сепак ни се чини дека „тоа е тоа“, се случува да се запрашаме во што е грешката. Но не, не постои единствена формула која би ни помогнала да привлечеме одредена личност, бидејќи не може секому да му се угоди.
На скалата на привлечноста кај мажите, честопати постојат неколку типа на жени: сериозни темнокоси, забавни русокоси и страсни црвенокоси, но што се случува кога умот ви „полудува“ на онаа која не е прва според вашите критериуми за привлечност? Токму ова е затоа што очите понекогаш бараат една работа и мозокот мисли дека токму тоа е она што го посакува - но душата знае што ѝ годи.
Затоа некогаш и покрај тоа што сите критериуми се исполнети, врската пропаѓа. И, иако тоа може да биде еден вид освестување за мажот, сепак се одразува и на жената. Тогаш жената почнува да размислува што точно не е во ред со неа.
Одговорот на ова прашање го дава познатиот психолог, Михаил Лабковски. Овој стручњак е убеден дека дури и најспектакуларната, најсексапилната, најсестрано образованата и шармантна девојка нема да може да го привлече и задржи вниманието на мажот што ѝ се допаѓа доколку не поседува еден квалитет.
Тајната на женската привлечност, според Лабковски, лежи во самопочитта и самољубието.
- Некои девојки - а ги има и во мојата публика - цврсто веруваат дека за да се заљуби мажот, 24 часа неделно треба да носат потпетици и кратки здолништа и, се разбира, да имаат посветла шминка. Не им паѓа на памет дека мажите кои се почитуваат себеси ги привлекува нешто сосема друго, имено, жени кои се почитуваат себеси – пишува овој психолог на својот Телеграм канал, а пренесува „kiz.ru“.
Жената која се труди да ги исполни стандардите на општеството или вкусовите на одреден тип мажи никогаш нема да го привлече нивното внимание. Таквите поединци, по правило, го слушаат мислењето на своите родители, пријатели, познаници, но немаат свое мислење. Затоа се жртвуваат да им угодат на другите, но не и на самите себе.
-Подготвена е да отстапи од себеси за да се „вклопи“: се исцрпува со диети, трча кај козметичарот, ја надградува косата, си вбризгува сенешто, па дури и оди под нож кај пластичен хирург - го коментира Лабковски механизмот на однесување на таквите жени.
Експертот е сигурен: оние кои не се почитуваат и сакаат себеси, не треба да сметаат на сериозна врска. Најверојатно, тие навистина ќе го привлечат вниманието на речиси секој маж со помош на импресивниот изглед, шминката и совршено избраната слика. Но, се воспоставило дека таквите романси се краткотрајни - мажот ќе излезе неколкупати со новата партнерка, ќе и понуди секс, а потоа ќе тргне во потрага по нова убавица.
Вака напуштена жена почнува да бара мани кај себе, неизбежно ги наоѓа и повторно оди на козметичар или на шопинг. Сепак, ни новото нешто, ни следната интервенција за разубавување нема да ѝ помогне во пронаоѓањето и задржувањето на достојниот избраник.
- За да станете жена по која мажите ќе „кршат врат“ и „ќе ја изгубат главата“, прво треба да научите да си се восхитувате на себеси, а потоа да очекувате восхит од другите. Ако вистински се сакате себеси, нема да ви биде важно дали другите ве сакаат или не - заклучува Михаил Лабковски.
Извор: srecna.republika.rs