Здравје

Еве кои промени ќе ги забележите ако еден месец не пиете алкохол

Со оглед на тоа што консумирањето алкохол оваа година достигна рекордни нивоа, многумина ќе размислат дали во текот на сувиот јануари, (анг. Dry January) да направат пауза со  алкохолот.

Д-р. Рос Пери објаснува кои промени ќе ги забележите по само една недела без алкохол, тој ги истакнува промените поврзани со прехранбените навики и промени во нивото на енергијата. По еден месец апстиненција, сонот целосно ќе се регулира, а кожата ќе ви се исчисти.

Д-р Пери нагласува дека прекумерното консумирање алкохол може да има сериозни последици, како што се зголемен ризик од заболување на црниот дроб, висок крвен притисок, мозочен удар, одредени видови на рак и срцеви заболувања. Покрај тоа, често доведува до незгоди, проблеми со меморијата, труење со алкохол и акумулација на алкохол во крвта што влијае на виталните органи.

„Еден повремен алкохолен пијалок нема да предизвика големи проблеми, но кога секојдневното консумирање ќе стане правило, долгорочно може да доведе до сериозни здравствени ризици“, посочува тој.

Што се случува кога ќе престанеме да пиеме алкохол?

Првата недела

Веќе по неколку дена без алкохол, телото почнува да се детоксицира. Главоболките и мамурлакот ќе исчезнат, и генерално ќе се чувствувате посвежо. Сепак, потребни се до 72 часа за ментално и физички целосно да се вратите во нормала.

Вашиот сон ќе стане подобар бидејќи организмот се регулира. Иако алкохолот може да ви помогне да заспиете побрзо, тој ја нарушува клучната РЕМ фаза на спиење, предизвикувајќи само една или две РЕМ фази во текот на ноќта, наместо препорачаните шест до седум.

Ќе забележите и промени во вашите навики во исхраната. Алкохолот го зголемува нивото на хормонот што го зголемува апетитот, поради што често посегнуваме по нездрави грицки. Без алкохол, ќе избирате поквалитетна храна и ќе внесувате помалку калории - ако, на пример, секоја вечер пиете чаша вино, во текот на една недела ќе внесувате околу 960 калории помалку. Исто така, стомакот ќе ви изгледа порамно, а чувството на надуеност ќе се намали.

Втора недела

За две недели, сонот дополнително ќе се подобри, а замената на алкохолот со вода ќе направи чуда за вашата кожа - ќе изгледа почисто, помалку суво, а фините линии ќе се намалат. Во овој период, исто така, најверојатно ќе забележите намалување на телесната тежина, намалување на темните кругови и помалку надуеност.

Трета недела

Во третата недела крвниот притисок почнува да се намалува, што е важно во превенирањето на долгорочни здравствени проблеми. Ќе забележите значително подобрување на вашите когнитивни способности и нивото на енергија.

Четврта недела

По еден месец без алкохол, кожата и очите ќе ви изгледаат посвежо и побистро. Кожата која можеби била сува и иритирана сега ќе изгледа хидрирано и здраво. Црниот дроб ќе ги намали мастите за дури 15 проценти, со што ќе се зголемува неговата способност да ги отстранува токсините. Ако некое лице целосно престане да пие, можно е целосно да се ослободи од поблагите заболувања на црниот дроб, како што е замастен црн дроб.

На крајот на четвртата недела сонот целосно ќе ви се регулира, ќе се чувствувате одморени, ќе имате повеќе енергија и веројатно ќе ослабете. Продуктивноста и расположението ќе бидат значително подобрени.

Македонија

Социјалдемократите ќе ја предводат новата влада на Романија

Претседателот на Романија Клаус Јоханис се очекува денеска да му го додели мандатот за формирање влада на Марчел Чолаку од Социјалдемократската партија (СДП), откако три проевропски партии постигнаа договор за парламентарно мнозинство.

Според договорот, СДП ќе раководи со осум министерства, вклучувајќи ги правосудство, транспорт, труд и одбрана. Повеќето од сегашните министри на партијата ќе ги задржат своите позиции. Центристичката Национално-либерална партија (НЛП) ќе има шест министерства, меѓу кои енергетика, внатрешни и надворешни работи, додека Демократската унија на Унгарците во Романија (ДУУР) ќе предводи две министерства, од кои едното за финансии.

Трите партии, заедно со претставници на етничките малцинства, формираат минимално мнозинство во парламентот. На изборите одржани на 1 декември, СДП освои најмногу места, но три ултранационалистички и крајно десничарски партии, некои со проруски симпатии, добија околу една третина од мандатите.

Новиот кабинет ќе мора да одобри календар за нови претседателски избори, откако првиот круг од гласањето на 24 ноември беше поништен од Уставниот суд поради сомнежи за надворешна вмешаност и манипулации. Во вториот круг требаше да се соочат независниот десничарски кандидат Калин Георгеску и Елена Ласкони од центристичкиот Сојуз за спас на Романија (ССР).

Владата исто така ќе се соочи со сериозен економски предизвик: намалување на буџетскиот дефицит, кој е највисок во ЕУ, од 8,6 отсто од БДП оваа година на околу 7 отсто до 2025 година. Според аналитичари, тоа ќе бара зголемување на даноците./МИА

Живот

Некои чести навики кај жената што вообичаено го нервираат мажот

Иако секоја љубовна врска е единствена уникатна по своите одлики и својства, има одредени шаблони на однесување што може да предизвикаат фрустрација во односите. 

Следат неколку вообичаени навики кај жените, коишто не наидуваат на одобрување кај многу мажи... Иако не е правило, овие совети можат да бидат корисни за подобрување на меѓусебната комуникација и разбирање.

Премногу контрола

Иако жените најчесто имаат само најдобри намери, претераните обиди да го контролираат однесувањето на мажот може да предизвика тензија и недоверба во врската, велат познавачите. Тука спаѓа критикувањето на неговите одлуки, однесување, за пријателите, па дури и за облеката. Мажите ја ценат својата слобода и не сакаат да се чувствуваат како да се под постојан надзор. Кога партнерката почнува премногу да го насочува или управува со неговиот живот, тоа води кон чувство на задушување и намалена интимност во врската, пишува „Кликс“.

Премногу драма

Меѓу најчестите поплаки на мажите околу врската, е и „драмата“ поради ситници. Се чини, сите понекогаш минуваат низ тешки времиња и емоционалните испади се природни, но кога жената ќе почне секое мало недоразбирање да го претвора во голема работа, тоа преоѓа во емоционална манипулација, закани, па и уцени за да го добие она што го сака, а тоа е исцрпувачко.

Постојаната напнатост и драма на тој начин ги отежнуваат односите.

Постојано внимание и потврди

На многу мажи им е фрустрирачко кога партнерката постојано бара потврда за нивните чувства или изгледот. „Дали ме сакаш?“, „Зошто не ме забележуваш?“, „Дали ова ми изгледа добро?" и други необично чести прашања можат да создадат притисок врз партнерот. И тоа, едноставно, постојана несигурност што води кон чувство дека мажот постојано е „под лупа“, и кон емоционална исцрпеност.

Игнорирање на приватниот простор и време

На сите луѓе, без разлика на полот, одвреме-навреме им треба време за себе. Во врската, важно е да минувате квалитетно време заедно, но подеднакво е важно и да се почитува личниот простор и потребите за приватност на партнерот. И кога жената не го почитува тој простор и постојано сака да биде околу него или бара постојано негово внимание, тоа може да стане заморно. Мажот ги цени миговите кога може да биде сам, без разлика дали се работи за одмор, време за опуштање, хоби, работа во гаража или, едноставно сака време за себе во тишина.

Секоја врска се заснова на меѓусебно почитување, комуникација и разбирање. Свесноста за тоа гради постабилни и поздрави односи. /МИА

Македонија

Изминатата седмица санкционирани 155 непрописно паркирани возила на територија на Центар

Потсетуваат на почитување на сообраќајните правила од страна на секој учесник во сообраќајот со цел одржување на ред и безбедност на улиците. 

ЈП Паркинзи на Општина Центар во соработка со Сообраќајната полиција - Скопје во периодот од 16-ти до 22 декември 2024 година со помош на специјалните возила „Пајак“ отстраниле 155 непрописно паркирани возила кои го попречувале нормалното и безбедно одвивање на сообраќајот.

ЈП ПОЦ и Општина Центар, велат од јавното претпријатие, секојдневно водат грижа за да го доведат во ред сообраќајниот хаос настанат од непрописно паркираните возила на територијата на Општина Центар.

Потсетуваат на почитување на сообраќајните правила од страна на секој учесник во сообраќајот со цел одржување на ред и безбедност на улиците.

притисни ентер