Повеќе од 34.000 луѓе се пријавија за избор на 881 судија следната година во Мексико - првата држава во која гласачите ќе избираат судии на сите нивоа.

Левичарската претседателка на Мексико, Клаудија Шејнбаум, која ја брани реформата што ја освои нејзиниот претходник и ментор Андрес Мануел Лопез Обрадор изјави дека тоа е „историски потег“.

Пред трансферот на власта на 1 октомври, Лопез Обрадор ја спроведе реформата за борба против корупцијата во судството од окружните судови до Врховниот суд.

Левичарското движење за национална регенерација „Морена“, на власт од 2018 година, го обвинува правосудниот систем дека е во служба на конзервативната елита.

Опозицијата и вработените во судството, кои со недели штрајкуваат, го осудуваат оспорувањето на независноста на судството.

САД тврдат дека таа реформа ги загрозува приватните инвестиции во Мексико, на кои им е потребна правна стабилност.

За местата на девет судии во Врховниот суд регистрирани се 480 пријави, покажуваат денешните официјални извештаи.

Првото гласање за изборот на судии ќе биде на 1 јуни 2025 година, а потоа Мексиканците повторно ќе ги избираат во 2027 година.

Во текот на изминатата недела мобилни тимови и царински службеници на граничните премини спречија обиди за криумчарење на поголема количина облека, цигари, нови екрани за мобилни телефони, но и употребувани хардверски делови. Спречен е и нелегален влез на илегални мигранти од Иран и Сиера Леоне откриени при контрола на товарни моторни возила пријавени за увозно царинење, информираат од Царинската управа.

Царински службеници на влез на граничен премин Табановце и на граничен премин Богородица во три случаи спречиле обид за криумчарење на 442 парчиња облека.

-Во првиот случај при контрола на автомобил управуван од македонски државјанин, во патни торби и куфери сместени во багажникот и на задното седиште, пронајдени се 326 парчиња облека. При контрола на автобус кој сообраќал на релација Женева - Битола, управуван од македонски државјанин, во навлака за костум сместена на задните седишта пронајдени се 11 парчиња машка облека. Дополнително, при контрола на камион со косовски регистарски таблички управуван од македонски државјанин, на влез во државата на граничен премин Богородица царински службеници открија непријавени 105 парчиња облека. Против сторителите ќе бидат поведени прекршочни постапки, се вели во соопштението од Царинската управа.

Разни производи меѓу кои женски чанти, паричници, тоалетни води, бижутерија со вкупна вредност од 193 илјади денари биле откриени од страна на мобилните царински тимови, при контрола на македонски автобус пријавен за влез во државата на граничниот премин Богородица. Непријавените производи, сопственост на водичот на автобусот, инаку македонски државјанин, биле пронајдени во кеси сместени во просторот за багаж над патничките седишта, пред предните седишта и до возачкото седиште.

Како што информираат од Царинската управа во четири случаи спречен обид за шверц на 67 штеки цигари и пет штеки со патрони за електронски цигари.

Осумнаесет штеки цигари без акцизни маркички се откриени од страна на Службата за мобилни скенери, при контрола на цистерна со македонски регистарски таблички управувана од македонски државјанин, пријавена за влез во државата на граничниот премин Богородица. Цигарите се пронајдени во просторот за филтерот за воздух и во торба сместена на горниот кревет во кабината, велат од Управа.

Оттаму додаваат дека 12 штеки цигари и 32 килограми маџун без акцизни маркички биле откриени при контрола на камион со македонски регистарски таблички управуван од македонски државјанин, пријавен за влез во државата на граничниот премин Богородица. Возилото било натоварено со стока со потекло од Турција наменета за македонски увозник. Непријавените производи биле пронајдени во просторот под креветот за спиење и во фабричка празнина под тапацирот во горниот дел од кабината.

При контрола камион со чешки регистарски таблички управуван од чешки државјанин, пак, помеѓу лични предмети и облека на горниот кревет и во фабрички прегради во горниот дел од кабината, пронајдени се 21 штека цигари и пет штеки со патрони за електронски цигари.

Исто така, 16 штеки цигари без акцизни маркички се откриени при контрола на автомобил со словенечки регистарски таблички управуван од македонски државјанин, пријавен за влез во државата на граничниот премин Богородица. Непријавените цигари биле пронајдени во багажниот простор и под предните седишта на возилото.

Од Царинската управа соопштуваат и дека 569 разни производи со проценета вредност од вкупно 594,5 илјади денари, кои не биле опфатени со царинските документи се откриени во два одвоени случаи од страна на мобилни царински тимови, при контрола на стока пријавена за увозно царинење во царинската испостава Струга, наменета за две фирми од Струга. Во првиот случај биле откриени 365 разни употребувани производи меѓу коишто и таблети, конзоли за видео игри, рам-мемории, рачни часовници како и 15 нови екрани за мобилни телефони. Во вториот случај биле откриени 189 разни употребувани производи меѓу кои хард дискови, машина за исфрлување тениски топчиња, гуми, бандажи, катализатори, фрижидери.

Царински службеници од царинска испостава Гевгелија во два случаи спречиле нелегален влез на 8 илегални мигранти, државјани на Иран и Сиера Леоне при контрола на товарни моторни возила пријавени за увозно царинење. Четири илегални мигранти, државјани на Иран се откриени при контрола на товарниот дел на камион со турски регистарски таблички управуван од турски државјанин. Во друго товарно моторно возило во просторот за палети на камион со македонски регистарски таблички, управуван од македонски државјанин, се пронајдени четири илегални мигранти, државјани на Сиера Леоне.

Лицата се предадени на Одделот за гранични работи и миграции при Министерството за внатрешни работи за понатамошна постапка.

Тензиите меѓу Русија и Западот значително ескалираа во последните денови, откако американскиот претседател Џо Бајден ја овласти Украина да користи ракети со гомел дострел доставени од САД за да нападне цели во Русија.

„Монд“ вчера објави дека Франција и Велика Британија „не ја исклучуваат“ можноста за испраќање војници и приватни одбранбени компании во Украина, повикувајќи се на неименувани извори.

Дебатата за испраќање војници во Украина беше повторно разгорена по посетата на британскиот премиер Кир Стармер на Францијана 11 ноември, пишуваат француските весници.

Но, британскиот министер за надворешни работи рече дека ставот на Лондон е да не испраќа војници во Украина и - не е променет.

„Јасно е дека сме подготвени и дека продолжуваме да ги поддржуваме Украинците, особено со тренинзи, но постои долгогодишен став дека не испраќаме британски војници на местото на настанот“, изјави Лами за весниците Ла Република, Ле Монд и Велт на состанокот на министрите за надворешни работи на Г7 во Италија.

„Тоа е секако ставот на Обединетото Кралство и останува став на Обединетото Кралство во овој момент“, рече тој.

Официјалниот портпарол на Стармер рече дека „нема планови“ за испраќање војници во Украина.