Руски државјанин, кој на почетокот на годинава беше осуден за палење примерок од муслиманската света книга Куран, е осуден на дополнителни 14 години затвор поради предавство.

Никита Журавел е осуден на 14 години затвор во рускиот град Волгоград, јави руска државна новинска агенција, повикувајќи се на судски документи.

Според агенцијата, Окружниот суд во Волгоград му дозволил на осудениот да поднесе жалба на пресудата.

Руското државно обвинителство минатиот месец објави дека регионалната канцеларија во Волгоград го одобрила обвинението за случајот Журавел.

Според истражителите, Журавел ги понудил своите услуги на претставник на украинската служба за безбедност, се вели во соопштението.

„Во март 2023 година, Журавел (на украински претставник) испрати видео снимка од воз што превезува воена опрема на руските вооружени сили, воени авиони, како и податоци за движење на службено возило на една од воените единици“, се додава во соопштението.

Во февруари оваа година, Журавел беше осуден на три и пол години затвор, откако беше приведен во мај 2023 година за палење копија од Куранот пред џамија во Волгоград.

Во изјава за медиумите дадена денеска по примопредавањето на шест нови еколошки автобуси за потребите на ЈСП, Арсовска рече дека ситуацијата во државата е крајно полазирана и дека не планира да соработува со луѓе кои знаат само да саботираат и блокираат.

- Би сакала да им посакам барем еднаш да покажат и да докажат прво пред граѓаните дека она што го кажуваат, ќе можат да го реализираат за да на следните избори имаат поддршка. Јас кога се кандидирав за градоначалник, ја имав поддршката од ВМРО-ДПМНЕ којашто, за жал, не успеа да се надмине себеси. Суетите се преголеми за да дозволите некој да работи без да му кажувате што и како да прави. Благодарам, но јас со такви луѓе кои знаат само да саботираат и да блокираат не би сакала никогаш повеќе да работам, рече Арсовска.

Прашана дали со последните случувања со ЈСП е отпочната кампањата за локалните избори, Арсовска рече дека нема да навлегува во политичките агенди, но дека граѓаните се доволно патентни и ќе можат да проценат кои се оние кои можеле да го решат пробемот со јавниот превоз во изминатите три години.

- Ако некој кажува дека овој проблем ќе го реши следната година по локланите избори, прашајте го затоа што не го решил досега. Затоа што Советот е оној којшто можел одлуката за набавка на нови автобуси да ја донесе пред три години. Зошто таква одлука не е донесена треба да ги прашате нив. Да можеше без одлука на Совет, Град Скопје да функциоонира и да можеше да направи јавна набавка, досега ќе беше направена, рече Арсовска.

Покрај трофејните признанија, на овој натпревар Винарија Камник се здоби и со дополнителни два платинум, четири златни медали и десет други медали. Со овие награди, Винарија Камник доби уште една меѓународна валоризација за создавање премиум вина.

Во склоп на саемот што се одржа изминатиот викенд во Белград, беа оценувани над илјада вина од меѓународно реномирани вински судии, вклучувајќи седум „Masters of Wine“, под претседателство на Каролин Гилби MW, експерт за балкански вина и вина од Југоисточна Европа.

„Во овие 20 години постоење, вештината и знаењето во создавањето софистицираност и елеганција изразени во сегментот на премиум вина, Винарија Камник ги издигна до највисоко ниво и потврда за тоа се бројните награди и освоени трофеи. Токму овие признанија ја даваат дополнителната вредност на нашите вина, кои што се почесто се дел од винските листи на бројни ресторани во регионот, Европа и пошироко на странските пазари, и на тој начин го промовираат и македонското виногорје и квалитетните вина што ги имаме. За успехот создаван 20 години најзаслужен е целиот тим на Винарија Камник кој безрезервно е посветен на развојот на врвни вина“, велат од Винарија Камник.

Винаријата Камник е еден од најуспешните македонски производители на вино и оваа година одбележа 20 години јубилеј, посветени на уметноста на создавање исклучителни вина. Во овој период Винарија Камник го изгради реномето и лидерската позиција во производство на висококвалитетни премиум вина со повеќе од 25 различни етикети од сортите Syrah, Merlot, Cabernet Sauvignon, Cabernet Franc, Carmenere, Montepulciano, Sangiovese, Pinot Noir, Vranec, Pinot Grigio, Chardonnay, Sauvignon Blanc, Muscat Petit Grain, Moscato Giallo, Viognier, Greco di Tufo.

Во производството на своите вина, Винарија Камник применува иновативни енолошки процеси, во комбинација со традиционални техники. Приоритетно во создавање на вината на Камник е зачувување на автентичноста и уникатноста на македонскиот тероар. Со внимателното следење на процесот на зреење во буриња од француски и американски даб, Винарија Камник создава вина кои содржат единствени зачински ноти и елегантни, софистицирани вкусови.

Со значителните инвестиции во модернизирање на производствената технологија и во капацитетот, Винарија Камник достигна до годишно производство од 300 000 литри вино, и преработува повеќе од 500 тони грозје кои созреваат во 500 дабови буриња и дополнителни дабови танкови од поголем капацитет. Винаријата располага со 40 хектари сопствени лозови насади, дел од кои се и 22 хектари на единствена локација, на 550 метри надморска височина, на микролокацијата Војница, каде што созрева исклучително ароматично и богато концентрирано грозје. Винаријата Камник изминатите години успеа да воспостави извозни релации со регионот, Европа, САД, Кореа, Бразил.