Македонија

Економски експерти: Проекцијата за буџетот за следната година е преоптимистичка

Проекцијата за новиот Буџет за следната година е преоптимистичка - тоа е добра најава, но сепак и годинава загрижува расходната страна, оценува економскиот аналитичар Абил Бауш.

Очекува стабилизација на инфлацијата, но вели со вакви неоперативни трошења можен е скок на прокетираната инфлација и со тоа ќе се наруши и економскиот раст. Бауш вели потребна ни е реформа и поголема реализација на капитални инвестиции, која доколку се случи ефектите ќе почувствуваат за две три години.

„Расходната страна е некако ноперативна никако не успеавме барем таму да направиме некоја реформа, да имаме некој развоен буџет. Занете ептен трошења на некој не оперативни работи, а од друга страна барате да имате економски раст и развој. Тука е таа замка на која што ние секоја година влегуваме па потоа ќе ни треба да направиме ребаланс, па од тој ребаланс пак да намалуваме капитални инвестиции тука е таа поента која ние секогаш ја губиме. “-изјави Абил Бауш – економски аналитичар.

Буџет 2025 година:

Расходи – 6,5 милијарди евра

Приходи – 5,8 милијарди евра

Дефицит – 680 милиони евра

Капитални инвестиции – 813 милиони евра

Во предлог буџетот, владата планира да потроши 6,5 милијарди евра, а да собере 5,8 милијарди, односно дифицититот ќе биде речиси 700 милиони евра.. на високо ниво се прокетирани и капиталните инвестиции годинава, нешто над 800 милиони евра.

Предвидени се и повеќе пари за плати во јавниот сектор, а премеиерот Мицкоски најави дека освен договореното покачување за вработените образование, повеќе пари ќе има и во МВР, одбрана , високото образование, како и здравствените работници.

„Очекувам понеделник вторник следна недела да седенеме на маса со синдикатот за здравство да постигнеме со нив договор кој ќе биде дел од колективниот договор..... Во високото образование добиваат 30 % согласно колективниот договор, така што генерално пензионерите, младите, здравствство, образование, МВР и одбрана секако добиваат според колективниот договор... “ -изјави Христијан Мицкоски – претседател на Влада.

Средства во буџетот се предвидени и за мартовското линеарно зголемување на пензиите, од дополнителни 2 500 денари. Според надлежните буџетот за следната година содржи политики и мерки за фискална консолидација и дисцилинирано даночно трошење, како и мерки и политики за поттикнување на економскиот раст, кој е проектиран на ниво од 3,7 %, буџетски дефицит на 4 % и инфлација од 2,2 %.

Македонија

Рокас им го предаде извештајот за напредокот на Македонија на Сиљановска и Мицкоски

ЕК го објави најновиот извештај за напредокот на Македонија, кој евроамбасадорот Рокас попладнево го врачи до претседателката Сиљановска Давкова и премеирот Мицкоски.

Пред Владата е Маја Стојановска. Маја како еврамбасадодорот во земјава и премерот Мицкоски го оценија извештајот на Европската Комисија?

Свет

Расте бројот на загинати во поплавите во Шпанија, речиси сите жртви се во Валенсија (ВИДЕО)

Најмалку 73 лица загинаа во најголемата поплава на векот во Шпанија.

Според извештајот до 18 часот, 70 лица загинале во Валенсија, едно во провинцијата Малага и две во Кастиља-Ла Манча.

Министерот за територијална политика, Ангел Виктор Торес, прогласи тридневна жалост и најави дека владата ќе го прогласи подрачјето за „силно погодено“ од студениот фронт и вети дека ќе ги мобилизира „сите национални и европски ресурси“ за помош.

Министерството за одбрана ангажира воздухопловни сили, воени психолози и специјално обучени кучиња за пронаоѓање на жртвите. Десетици луѓе ја поминаа ноќта во Валенсија над камиони или автомобили, на покривите на продавници или бензинските пумпи или беа заробени во возилата на пренатрупани патишта додека спасувачите не ги извлекоа.

Обилните дождови предизвикаа прекини на електричната енергија кои погодија 140.000 луѓе, затворени патишта и прекинати брзите железнички услуги меѓу Мадрид и регионот на Валенсија и медитеранскиот коридор до Барселона. Невремето сега се движи кон Каталонија, Арагон, Екстремадура, Навара и западна Андалузија, каде Кадиз е под црвено предупредување за ризик од обилни врнежи.

Македонија

Варџиски: Нашиот пристап во дигитализацијата е ориентиран кон потребите на граѓаните

“Формирањето на Министерството за дигитална трансформација е стратешки чекор кој ја потврдува определбата на Владата да ја постави дигитализацијата како еден од своите највисоки приоритети.“

„Нашиот пристап е ориентиран кон потребите на граѓаните и токму затоа со интегриран систем сакаме да го олесниме пристапот на корисниците до онлајн услугите за граѓаните, до информациите поставени на официјалните веб страни на министерствата и Владата, како и да ја убрзаме и подобриме размената на податоци помеѓу институциите.” истакна Заменик министерот за дигитална трансформација Радослав Настасијевиќ Варџиски на дваесет и третиот состанок на Заедничкиот консултативен комитет меѓу Македонија и Комитетот на регионите на Европската Унија (ЗКК), во рамки на втората тема посветена на „Дигитална транзиција, особено во локалните и регионални јавни услуги.

“Во таа насока работиме на создавање единствена централизирана и унифицирана платформа на владини веб страници, кои ќе бидат заштитени преку еден софистициран систем, ќе бидат оптимизирани, и со поголема пристапност за лицата со попреченост. Наскоро ќе следи и редизајн на порталот uslugi.gov.mk согласно последните трендови и практики, со тенденција да стане единствена точка помеѓу јавните услуги во државата и граѓаните, а притоа да биде интуитивен и лесен за употреба.” истакна Варџиски.

Тој потсети дека преку апликацијата на програмата “Дигитална Европа” за изработка мобилна апликација за мобилни услуги – Супер апликација ЕЛИ се движиме кон револуционерна демократизација на јавните услуги.

“Со оваа апликација ќе се отвори можност за воведување на ИД - паричник, дигитална верзија на лични карти и возачките дозволи со кои граѓаните ќе се идентификуваат при користење на дигитални услуги преку својот мобилен телефон, а истата ќе биде поврзана и со порталот uslugi.gov.mk.” додаде тој.

Варџиски појасни дека со отворање на нови Центри за услуги на повеќе локации, услугите кои се достапни на порталот uslugi.gov.mk ќе бидат уште поблиску до граѓаните и на дофат на оние кои немаат техничка можност и вештини самите да гo користат порталот.

“Иако предизвиците се навистина големи, имаме јасна визија и конкретен план како да ги надминеме. Со систематски пристап и посветен тим, можеме да изградиме дигитален екосистем кој ќе ги следи последните технолошки трендови и успешно ќе им служи на граѓаните и на државата.” потенцираше Варџиски, се наведува во соопштението.

притисни ентер