Здравје

Депресијата се препознава по очите

 – Еве како според стручњаците може да ја воочите безволноста кај луѓето!

Според новото истражување, депресијата може да се утврди преку очите.

Тестот со зениците покажува промени во однесувањето за неколку секунди.

Кога ќе видите пари пред вас, зениците на очите заради чувството на исчекување во просек се шират и светкаат околу шест секунди. Сепак, новата студија за која пишуваше порталот „sciencealert“ покажа отсуство на чувството на исчекување на наградата и ширење на зениците кај луѓе со клиничка депресија.

Колку повеќе симптоми на безволност пријавувале луѓето, толку нивните зеници биле помали кога им била понудена шанса да освојат едно евро.

Авторот на студијата Енди Брендлер објаснил дека намалената реакција на зеницата е особено забележлива кај луѓе кои не чувствуваат задоволство и им недостасува енергија. Проширувањето на зеницата е одговор на возбуда или стрес, што го стимулира симпатичкиот систем одговорен за неволните движења на мускулите на зеницата и оттаму оваа реакција.

Кај депресивните луѓе кои не доживуваат чувство на радост, недостатокот на ширење на зениците укажува на нарушена низа на дејствија во мозокот. Експертите кои работеле на студијата забележуваат дека ова откритие помага подобро да се разберат физиолошките механизми кои стојат зад безволноста.

Во новата студија, 40 депресивни луѓе без лекови и 31 здрава личност решавале три различни компјутерски задачи. Величината на нивните зеници била мерена со помош на „око за следење“ во внатрешноста на МР скен.

За време на испитувањето, екранот сигнализирал дали постои можност за финансиска награда со помош на слики, а по блесокот, испитаникот требало да одговори. Кога лицето било најбрзо, на екранот се прикажувала награда од едно евро.

Истражувачите сметаат дека следењето на очите може да биде корисно како клинички тест за класификација на луѓето со депресија. Во студија од 2018 година, кај 46 луѓе без дијагноза на депресија, истата истражувачка група открила дека паричните награди го поттикнуваат ширењето на зениците кај учесниците, пишува овој портал.

Извор: srecna.republika.rs

Македонија

Состојба на патиштата

Интензитетот на сообраќај на патните правци надвор од градските средини е зголемен. 

СОСТОЈБА: Сообраќајот на државните патишта се одвива непречено, по суви коловози.

ФРЕКВЕНЦИЈА: Интензитетот на сообраќај на патните правци надвор од градските средини е зголемен. Се бележи поголем интензитет на сообраќај на граничните премини Богородица и Табановце.

На останатите гранични премини од македонска страна, нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.

АМСМ ИНФОРМАТИВЕН ЦЕНТАР

Тел. (02)15-555

Фудбал

Гвардиола: Не исклучувам дека ќе ми биде продолжен договорот

Тренерот на англискиот фудбалски шампион Манчестер сити, Пеп Гвардиола не ја исклучува можноста за продолжување на договорот.

- Разговараме со клубот многу години. Не исклучувам дека договорот ќе биде продолжен. Реков дека би сакал да останам затоа што навистина го мислам тоа. Девет години во еден клуб е вечност. Сакам да бидам сигурен дека ова е вистинската одлука за клубот, за играчите, изјави Гвардиола за британските медиуми.

Шпанецот го води тимот од 2016 година. За тоа време, Манчестер сити шест пати стана шампион на Англија, а ја освои и Лигата на шампионите, Суперкупот на Европа и Светското клупско првенство.

Свет

Во Франција и утринава нарушен железничкиот сообраќај

Одредени возови во Франција и денеска беа во прекин, еден ден по „масовниот и добро подготвен“ напад врз мрежата на брзите возови (ТГВ), извршен неколку часа пред церемонијата на отворање на Олимписките игри (ОИ) во Париз.

Состојбата се подобрува, но железничкиот сообраќај и денеска ќе биде нарушен, со доцнење на возовите од најмалку еден час.

Француската железница СНЦФ синоќа соопшти дека ќе биде обезбеден превоз за олимписките спортисти и нивниот персонал.

Неколку пожари избувнаа ноќта меѓу четвртокот и петокот на мрежата на ТГВ. Пресечени и запалени се некои кабли, а запалени се и сигнални кутии. Таа опрема покрај специјалната пруга за тој тип возови дава безбедносни информации за машиновозачите.

СНЦФ го означи нападот како саботажа, а париското обвинителство отвори истрага.

Нападот се случил неколку часа пред церемонијата на отворање на Олимпијадата, во време кога многу патници планирале да патуваат во Париз.

За време на викендот околу 800.000 патници ќе бидат погодени од нарушениот железнички сообраќај, кој е омилено и најпрактично превозно средство за Французите.

притисни ентер