Министерката за енергетика, рударство и минерални суровини Сања Божиновска по повод Божиќ упати честитка до сите граѓани кои го слават денот на Христовото раѓање.

-Божиќ е празник кој нè потсетува на темелните вредности на верата и човечноста – љубовта, солидарноста, разбирањето и сплотеноста. Тоа е време кога ги отвораме нашите срца и домови, споделувајќи радост и топлина со нашите најблиски, но и подавајќи рака на оние на кои им е потребна поддршка и утеха, се наведува во честитката.

Таа ја подвлекува важноста од продолжување на градењето заедничка иднина врз основите на почитта, единството и меѓусебната помош.

-Во ова време на духовна радост, нека Божиќ биде инспирација за сите нас да продолжиме да градиме заедничка иднина врз основите на почитта, единството и меѓусебната помош. Да го негуваме семејството како столб на општеството и да ги засилиме вредностите на заедништвото кои се од исклучително значење за нашата заедничка благосостојба. Нека домот на секој верник биде исполнет со мир, благослов и надеж, а празникот донесе светлина и добрина во сите аспекти од животот, стои во честитката од министерката за енергетика, рударство и минерални суровини Сања Божиновска.

Саад Хаир Бек, службеник на аеродромот, изјави дека утрово од аеродромот полетале два авиони за Обединетите Арапски Емирати (ОАЕ), а првиот лет од Катар се очекува да слета напладне.

Авиокомпанијата „Катар Ервејс“ најави враќање на летовите за сириската престолнина по речиси 13 години, со три неделни летови, започнувајќи од денеска.

Државната сириска новинска агенција претходно соопшти дека аеродромот од денеска повторно ќе прима меѓународни летови, откако минатата недела беа завршени работите околу неговата обнова. Аеродромот беше оштетен и ограбен по падот на режимот на Асад.

Домашните летови на аеродромот во Дамаск беа обновени на 18 декември, десет дена откако беше соборен на 8 декември Ал Асад, кој владееше со Сирија повеќе од две децении, и ја напушти земјата додека бунтовниците напредуваа кон сириската престолнина./МИА

Мажите и жените од „Шарли Ебдо“ беа убиени поради она што го претставуваа - вредностите на Франција и Европа, слободата на изразување, демократијата, плурализмот, порача претседателката Европската комисија, Урсула фон дер Лајен по повод 10-годишнината од терористичкиот напад во францускиот сатиричен весник „Шарли Ебдо“.

- Да го почитуваме нивниот спомен. И да се бориме безмилосно против тероризмот и верскиот фундаментализам, додаде Фон дер Лајен во објава на Икс.

На денешен ден во 2015 година двајца исламистички терористи упаднаа во редакцијата на „Шарли Ебдо“ во Париз и убија 12 лица, поради објавувањето на карикатури на пророкот Мухамед во весникот, што предизвика жестоки реакции и гнев во муслиманскиот свет,

Следните денови, цели на напади во Франција беа полициски службеник и супермаркет за кошер производи, со што вкупниот број на жртвите на исламистичките терористички акти достигна 17./МИА