- Центарот за команда и контрола, кој беше вграден во комплексот што претходно служеше како училиште „Калед ибн ал-Валид“, беше користен од терористите на Хамас за планирање и извршување терористички напади против трупите на ИДФ и државата Израел, соопшти израелската војска.

Во соопштението објавено на социјалните мрежи, ИДФ не дава информации за жртвите. Војската соопшти дека „се преземени голем број чекори за да се минимизира ризикот од повредување цивили“.

- „Ова е дополнителен пример за систематска злоупотреба на цивилната инфраструктура од страна на терористичката организација Хамас што го прекршува меѓународното право, истакна армијата.

Палестинските власти соопштија дека најмалку 22 лица, претежно жени и деца, загинале во израелскиот напад врз училишниот комплекс. Портпаролот на Цивилната заштита на Газа, Махмуд Басал, рече дека проектилот го погодил училиштето Ал-Зајтун во близина на градот Газа, кое служело како засолниште за илјадници луѓе./МИА

Градовите Ваџима и Сузу, кои сè уште закрепнуваат од разорниот земјотрес што ја погоди областа на 1 јануари, беа меѓу најтешко погодените од поплавите. И двата града вчера регистрираа двојно поголема количина на дожд од вообичаеното за септември, јавија локалните медиуми.

Десетици реки се излеаја од коритата, отсекувајќи ги патиштата и изолирајќи повеќе од 100 заедници низ префектурата, се вели во извештаите. Околу 4.000 домаќинства денеска се без струја, информира компанијата Хокурику Електрик Пауер.

Јапонската метеоролошка агенција во саботата издаде највисоко ниво на предупредување опасно по живот за Ишикава и вчера го намали на нормално предупредување. Сепак, властите повикаа на дополнителна претпазливост.

Поплавите ги преплавија привремените населби изградени за луѓето кои ги загубија своите домови во земјотресот на Нова година. Снимките што ги емитуваше локалната телевизија покажаа цела улица во Ваџима под вода.

Регионот сè уште закрепнува од силниот земјотрес со јачина од 7,5 степени во јануари, во кој загинаа најмалку 236 луѓе, се урнаа згради и предизвика голем пожар./МИА

Австралиската министерка за надворешни работи Пени Вонг рече дека финансирањето ќе овозможи „помош за спасување животи, со фокус на жените и девојчињата“ преку агенциите на Обединетите нации УНИЦЕФ и УНФПА.

„Поддршката на Австралија ќе помогне во решавање на тешката хуманитарна ситуација со испорака на храна и основни хигиенски и здравствени производи“, рече Вонг.

Според неа, брза, безбедна и непречена хуманитарна помош мора да стигне до цивилите, а хуманитарните работници мора да бидат заштитени за да им се овозможи да спасуваат животи.

„Продолжуваме да вршиме притисок за прекин на огнот, заштита на цивилите и ослободување на заложниците“, рече таа.

Министерот за меѓународен развој и Пацифик Пат Конрој ја оцени ситуацијата во Појасот Газа како „катастрофална“.

„Цивилите не треба да бидат принудени да ја плаќаат цената за ужасните дела на другите“, рече тој.

Канбера додели 82,5 милиони долари хуманитарна помош од почетокот на војната во Газа. /МИА