-Ако се сомневате, не сакате да се омажите или не знаете да кажете не, не грижете се, ќе ви ја откажам свадбата. Треба само да ми кажете време, место и датум и ќе се појавам на церемонијата. Ќе кажам дека сум љубовта на твојот живот и заедно ќе бегаме рака под рака.
Ова е пораката која во видео ја кажува Ернесто, средовечен Шпанец, кој верувале или не се занимава со уништување на туѓи свадби и за тоа е дебело платен.
Имено, тој уништува туѓи свадби - глумејќи дека е љубовник на младоженецот или невестата.
Како што вели, за повеќето луѓе денот на венчавката се доживува како најсреќниот ден во животот, за некои тоа е ноќна мора што чека да се случи. И токму таму се кријат неговите клиенти.
Ернесто за своите услуги им наплатува дури 500 евра, а за „инциденти“ дополнително наплаќа.
„Наплаќам 500 евра за расипување свадба, во која не се вклучени патните трошоци, но се доплаќа во случај на неочекувани инциденти. Секоја шлаканица вреди 50 евра. Се обидувам да побегнам, но свесен сум дека секој пат кога добивам удари, добивам повеќе пари.
Неговата услугата, вели Ернесто, почнала од шега, но откако бил преплавен со барања од заинтересирани клиенти, сфатил дека тоа е нешто од што може добро да заработи, пренесува порталот Интересни работи на денот, повикувајќи се на шпански портална антена3.
Колку приказната стана сериозна говори податокот дека тој наводно има полн распоред до 2 ноември.