Заситените масти предизвикуваат хаос во организмот.
Ако јадете колачиња, чипсови и хамбургери секој ден, во рок од три недели ќе почнете да го оштетувате вашето тело. Големото истражување на Универзитетот во Оксфорд покажа дека големите количини на заситени масти кои се наоѓаат во овие намирници се главна причина за кардиоваскуларни болести.
Во текот на истражувањето, учесниците биле поделени во две групи - едната јадела брза храна полна со заситени масти 24 дена, додека другата група имала поздраво мени, со риба и јаткасти плодови.
На крајот, резултатите биле многу интересни. Имено, иако испитаниците од двете групи не добиле на тежина, било откриено дека учесниците кои јаделе брза храна имале нагло опаѓање на квалитетот на основните телесни маркери и дури 20 отсто поголем ризик од срцеви заболувања.
Исто така, имале 20 отсто повеќе маснотии во црниот дроб, што драстично го зголемува ризикот од дијабетес, додека нивото на вкупниот и лошиот холестерол било зголемено за 10 отсто!
Од друга страна, групата што јадела поздрава исхрана имала неколку значајни подобрувања.
Нивото на холестерол паднало за 10 отсто, и имале поголема издржливост на мускулите.
- Важно е да се нагласи дека видот на маснотии, а не количината на маснотии е она што е значајно. Интересно е како се случува толку голема промена по само три недели. Ги замоливме луѓето кои јаделе храна со заситени масти да ја зголемат потрошувачката на путер, колачи и пецива. Побаравме од втората група да настојува да јаде риба, зеленчук, јаткасти плодови и житарки. Заклучивме дека исхраната богата со заситени масти негативно влијае на срцето, дури и кога човек не се дебелее – објаснува Никола Срниќ, главниот истражувач во оваа студија, пренесува Daily Mail.
Што се заситени масти?
Мастите се една од трите основни групи на макронутриенти, заедно со јаглехидратите и протеините. Постојат неколку видови масти. Најважни се токму заситените, додека другите видови вклучуваат мононезаситени и полинезаситени масти. Заситените или „лошите“ масти се главната причина за зголемување на нивото на лошиот холестерол, за појавата на дијабетес, дебелина, кардиоваскуларни заболувања, а може да бидат причина и за појавата на карцином. Заситените масти ги има во црвеното месо, јајцата, путерот, тврдите полномасни сирења, кајмакот, сладоледот, пишува eklinika.telegraf.rs.
Извор: srecna.republika.rs