Утрово Куманово најзагаден град во Македонија

 Утрово и синоќа Куманово беше најзагаден град во Македонија. 

Нивото на ПМ десет честичките во моментов се неколкукратно зголемени и изнесуваат 242 mg/m3. Синоќа, пак беа уште повисоки и се движеа од 411 до 380 mg/m3. Во доцните вечерни часови во Куманово мирисаше на чад, но се ширеше и специфичен продорен мирис.

Граѓаните бараат бараат од властите засилени инспекциски контроли. Претходно во неколку наврати во годината, општината изврши аеросолизација еден од методите со кои се намалува арозагадувањето. Во изминатите денови ЈП „Чистота и Зеленило" ги миеше улиците во ноќните часови, што е исто така е дел од мерките за намалување на загадувањето.

Меѓу итните вонредни мерки е и садење садници и засилени инспекциски контроли, што на една од седниците ги донесоа советниците, а се почесто се барање на граѓаните. Изминатиот период беа засадени садници на повеќе локации во населната „Карпош" и „Тоде Мендол". Но, и покрај овие преземени краткорочни и среднорочни мерки за намалување на аерозагадувањето, Куманово синоќа беше најзагаден град во Македонија.

Според стручните и граѓаните, гасификацијата на домаќинствата и големите потрошувачи е клучна за намалување на аерозагадувањето. Општината субвенционира 10.000 денари за секое домаќинство кое ќе се приклучи на мрежата, а според последните најави на Министерството за здравство и болницата каде што е лоцирана мерната станица, ќе се гасифицира. 

На судењето за „Трезор" се репродуцираат снимки од главната расправа

Случајот го води судијката Женета Бегтовиќ и се наоѓа во доказна постапка.

Со репродуцирање на снимките од главна расправа од септември минатата година на која се изведуваат материјални докази, во Кривичниот суд  денеска продолжи судењето за набавката на опрема за следење на комуникациите за потребите на Петтата управа при УБК  Судењето за предметот „Трезор”, во септември оваа година започна одново, бидејќи од одржувањето на последното рочиште поминаа 90 дена.

Во „Трезор" првообвинет е поранешниот директор на УБК Сашо Мијалков, како и поранешниот шеф на неговиот кабинет Тони Јакимовски, поранешниот помошник-министер во МВР Небојша Стајковиќ и поранешниот началник на Петтата управа во МВР Горан Грујевски.

Тие се товарат за злоупотреба на службената положба и овластувања и предизвикување штета на Буџетот во висина од 862.045 евра за набавката на електронско-комуникациска опрема за потребите на Петтата управа при УБК и обука за нејзино користење од фирма од Велика Британија. /МИА

Макрон го уверил Пендаровски дека не нуди алтернатива на ЕУ за Скопје, но бара време

Претседателот на Македонија Стево Пендаровски, по средбата со неговиот француски хомолог Емануел Макрон, порача дека има „отворен и динамичен" разговор, но гаранции за датумот од Париз сѐ уште нема. Макрон бара време за внатрешната реформа на ЕУ.

Претседателот Пендаровски ги изложил своите аргументи пред Макрон, и ги слушнал неговите. Според Пендаровски, Франција веќе поднела неформален предлог (нон-пејпер) до земјите членки на ЕУ за реформата на методологијата на пристапните преговори за членство, реформа која Макрон ја бара пред да даде зелено светло за Македонија и Албанија.

– Претседателот Макрон веќе почнал со расчистување на новата методологија. Тие имаат предложено „нон-пејпер" до земјите членки пред една недела, и очекуваат во наредните месец, два, сѐ да заврши со коментари од другите земји членки, евентуално амандмани. Начелно тој мисли дека методологијата најдоцна треба да биде усвоена до март, изјави Стево Пендаровски по средбата со шефот на француската држава.

Пендаровски вели дека Макрон му рекол дека би можело да се очекува конечно одлука за отворање преговори во мај на Самитот во Загреб, но не му дал гаранции дека таа одлука ќе биде позитивна.

– Сите опции се отворени со тоа што Макрон на средбата децидно кажа дека одлагањето е затоа што на ЕУ и треба повеќе време. Тој ми рече „моја стара заложба е продлабочување на ЕУ и промена на методолгијата, знам дека можат да одат паралелно, вие сега сакате само отворање тоа ми е јасно", му рекол Макрон на Пендаровски и во ниту еден момент не му споменал дополнителни реформи, ниту законот за обвинителство како услов за отворањето преговори.

Македонскиот претседател за време на средбата инсистирал на тоа дека Македонија не прифаќа никаква друга алтернатива на полноправното членство во ЕУ, со што се согласил Емануел Макрон.

– Прецизно ми рече дека никогаш не била неговата намера да ни даде алтернатива на полноправното членство, само сака да го подобри процесот, да не продуцира само бирократски успеси, а суштински неуспеси, рече Пендаровски.

Според него, за Македонија не претставува никаков проблем промената на методологијата.

– Нека ја менуваат како сакаат, ние стоиме зад принципот на реверзибилност. Дури во еден момент му реков дека и како полноправна членка кога би биле, да нѐ исклучите од членство во ЕУ, слободно направете го тоа, не ми е интерес мене да бидам членка таму, а да не бидам демократија, изјави претседателот Пендаровски за медиумите по средбата со Макрон.

За крај, претседателот Пендаровски соопшти дека Емануел Макрон му најавил дека ќе ја посети Северна Македонија во првата половина на 2020-та.

Пендаровски оствари средба со Макрон на маргините на Парискиот мировен форум, но и со рускиот министер за надворешни работи Сергеј Лавров, и со австриската канцеларка Биргит Бирлајн./МИА

Мицевски: Буџетот на Заев е најнеразвојниот буџет кој Македонија некогаш го имала

Зоран Заев и Нина Ангеловска денеска го презентираа најголемиот буџет во историјата на државата. Власта во 2020 година планира да потроши 3.9 милијарди евра, на популистички и неразвојни програми.

3.9 милијарди евра буџет, а ниту денар повеќе за капитални инвестиции, ниту денар повеќе за развој. Буџетот на Заев е најнеразвојниот буџет кој Македонија некогаш го имала.

Заев најде пари за се, само не за капитални инвестиции и други инфраструктурни објекти, кои креираат трајна вредност.

Одвојувањето на само 380 милиони евра за капитални инвестиции кога буџетот е проектиран на 3.9 милијарди евра е смешно.

Нема пари ниту за нови енергетски капацитети. Ништо од најавените Чебрен и Галиште, пренамената на ТЕЦ Неготино или вложувањата во РЕК  Битола и Осломеј. Последните ќе останат средства за испумпување пари за семејството.

И не само што крати од капитални инвестиции. Зоран Заев ги залажува и пензионерите. Првин им скрати три години по ред по 600 денари покачување, за сега да им ветува само 700 денари. Заев ги оштети пензионерите за 1.800 денари до сега, пари кои ќе ги имаа доколку Заев не беше власт.

Дополнително покачувањето на минималната плата со која се фали не се реализира во пракса, бидејќи работниците се принудени да враќаат дел од парите на рака, а институциите не преземаат ништо во однос  на тоа.

Во здравството имаме уште едно промашување. Заев вети бесплатно здравство за сите, а пари за тоа во буџетот нема.

Нема пари ниту за земјоделците, на кои им беше ветувана зелена нафта, а завршија со бонови од 500 денари за само 50.000 земјоделци, во услови кога во државата има над 100.000 земјоделци.

Очекувано е зошто Заев не инвестира во развој на државата. Тој инвестира во потенцијален изборен поткуп. Граѓаните нема да наседнат повторно на лагите на Заев. Без  разлика колку и да се труди Заев да купува гласови.

Никола Мицевски - член на ИК на ВМРО-ДПМНЕ

притисни ентер