Британските медиуми пренесуваат дека Чолаку ќе остане на функцијата премиер се до изборот на нов.

Претходно, поранешниот заменик генерален секретар на НАТО и независен кандидат на претседателските избори, Мирчеа Џоана, изјави дека ќе се повлече од активната политика по „изненадувачките и разочарувачките“ резултати во првиот круг од гласањето.

Десничарот Калин Ѓордеску и опозициската лидерка Елена Ласиони се пласираа во вториот круг од претседателските избори во Романија, покажуваат резултатите од првиот круг одржан во неделата врз основа на 99,9 отсто преброени гласачки ливчиња.

Ѓордеску освои 22,95 отсто од гласовите, а Ласкони 19,2 отсто, пренесоа британските медиуми.

Чолаку иако беше фаворит не успеа да се пласира во вториот круг на изборите и го освои само третото место со 19,16 отсто од гласовите.

Вториот круг од претседателските избори ќе се одржи на 8 декември./МИА

Царство небесно и вечен спомен! Датумот и времето на опелото ќе бидат дополнително објавени.

Кратка биографија на Митрополитот Тимотеј (1951 – 2024).

Митрополитот г. Тимотеј е роден на 20 октомври 1951 година во Младо Нагоричане, Кумановско. Потекнува од благородни и богољубиви родители Александар и Љуба Јовановски, кои уште од детски години го задоиле својот пород, меѓу кои и младиот Славе, со христијанска љубов и љубов кон Бога.

Почитта кон Бога придонесла, по завршувањето на основното училиште, под сестраната духовна грижа на протојереј–ставрофор Стојко Спасевски од Куманово и пастирските упатства на протојереј–ставрофор Спасе Стефановски, младиот Славе да се запише за редовен ученик во Македонската православна богословија „Св. Климент Охридски“, прво во манастир „Св. Илија“ во с. Бањане, крај Скопје, а потоа во Драчево. По завршувањето на Богословијата, се запишал на Богословскиот факултет во Белград, на кој дипломирал во 1976 година.

По дипломирањето, една година бил службеник во Македонската Архиепископија во Скопје. Потоа, заминува на постдипломски студии на Понтификалниот ориентален институт во Рим (од 1977 до 1979 година). Успешно магистрирал со тезата „Култот на Пресвета Богородица во Охрид и Охридско" и се здобил со магистерска диплома. На повик на САС на МПЦ – ОА, се враќа во Татковината и се вработува како предавач на Богословскиот факултет „Св. Климент Охридски“ по предметите: Литургика, Историја на уметноста и Патрологија. САС за МПЦ – ОА го назначи и за в.д. ректор на Богословијата „Св. Климент Охридски“ во Драчево - Скопје.

На 10 септември 1981 година во манастирот „Св. Јован Крстител“ – Бигорски од десницата на тогашниот Архиепископ Охридски и Македонски г.г. Ангелариј е замонашен со монашко име ТИМОТЕЈ; на 11 септември 1981 година е ракоположен за јероѓакон во истиот манастир; на 13 септември 1981 година е ракоположен во јеромонашки чин во манастирот „Св. Богородица“ – Пречиста кај Кичево, а за архимандрит е произведен во метохот на ман. „Св. Наум Охридски“ (ман. „Св. Наум Охридски“) во Битола. По изборот за епископ од страна на САС на МПЦ, на 20 септември 1981 година е хиротонисан за архијереј на МПЦ – ОА во црквата „Св. Димитриј“ во Скопје.

Од 21 септември 1981 година, со Одлука на САС на МПЦ, е назначен за Митрополит Австралиски. Тогашните услови налагаа да му биде доделена и упразнетата Дебарско–кичевска епархија која ја управуваше како нејзин Администратор, од кадешто со самопрегор и трпеливост ќе раководи со двете епархии: со Австралиската до 1995 година, а со Дебарско–кичевската епархија до неговото упокојување. Од 2016 година од САС на МПЦ – ОА е назначен да управува како администратор со Австралиско-сиднејската епархија.

Во изминативе 43 години како архијереј на Македонската Православна Црква – Охридска Архиепископија Митрополитот Тимотеј извршуваше и многу други одговорни задолженија: беше секретар на САС на МПЦ и Администратор на Повардарската епархија (1997 – 2000 год. и од 5. 7. 2002 до 1. 10. 2006 година), а до неговото блажено упокојување беше и портпарол на САС на МПЦ.

Канцеларија на Светиот архијерејски синод на МПЦ – ОА

Во соопштението од собраниската прес-служба стои дека на средбата Гаши го потврдил афирмативниот став на земјава за пристапување на Косово кон сите мултилатерални и регионални организации, како и дека во иднина Македонија ќе продолжи со ваквата поддршка.

Претседателот на законодавниот дом искажал подготвеност за македонското Собрание да ги сподели искуствата во процесот на усвојување закони и надзор врз извршната власт во контекст на реформските процеси, како на патот кон Европската унија, така и во однос на членството во НАТО.

Косовскиот премиер Курти, пак, истакнал дека денешната средба која следи непосредно по Втората меѓувладина конференција е индикатор дека односите меѓу Република Македонија и Република Косово добиваат на динамика, нагласувајќи дека економскиот напредок, соработката на бизнис заедниците и доближувањето на европските стандарди се темелот на соработката меѓу двете држави.

Искажа и подготвеност Собранието да ги сподели искуствата во процесот на усвојување закони и надзор врз извршната власт во контекст на реформските процеси, како на патот кон Европската унија, така и во однос на членството во НАТО. Како земја членка на НАТО, Република Македонија останува посветена на континуираниот ангажман на НАТО во Косово и на придонесот во КФОР.

Гаши нагласи дека иднината на Западен Балкан е во Европската унија и НАТО, а преку заеднички напори државите може да ги надминат предизвиците и да обезбедат просперитет и стабилност за своите граѓани.

Претседателот на Владата, Курти, истакна дека денешната средба која следи непосредно по Втората меѓувладина конференција е индикатор дека односите меѓу Република Македонија и Република Косово добиваат на динамика.

Курти нагласи дека економскиот напредок, соработката на бизнис заедниците и доближувањето на европските стандарди се темелот на соработката меѓу двете држави.

– Република Косово гледа сојузник, пријател и гласноговорник во Република Македонија, и затоа како премиер постојано ја поддржувам комуникацијата и продлабочувањето на соработката, како на парламентарно ниво, така и во сите сфери од интерес на регионот, нагласил Курти.