Но, причините за често будење ноќе може да бидат кофеин или алкохол во доцните часови, лоша средина за спиење, нарушувања на сонот или друга медицинска состојба. Ако човек не може брзо да заспие, нема да има доволно квалитетен сон за да се чувствува свежо и здраво. Следат неколку поттикнувачки фактори за испрекинатиот сон навечер.

Општо земено, на возрасните им требаат околу седум до девет часа сон секоја вечер за подобро здравје и благосостојба. Спиењето е поделено на периоди на лесен, длабок и тн. РЕМ-сон. Поголемиот дел од длабокиот сон се случува рано ноќта. Пред утрото преовладува лесниот сон и РЕМ - она кога телото е најактивно, најчувствително и лесно може да се разбуди - а признакот за тоа е „рапидно (брзо) мрдање со очите" (Rapid eye movement - REM), пишува босанскиот порртал „Кликс“.

Физички причини за будење среде ноќ

Многу медицински состојби имаат симптоми коишто изгледаат и се чувствуваат полошо ноќе. Тука спаѓаат: Болка - особено кај артритис, срцева слабост, српеста анемија или рак; проблеми со дишењето поради астма, бронхитис или други белодробни заболувања; дигестивни проблеми - особено болка и кашлица поради враќање киселина или симптоми на нервозно дебело црево; хормони (жените често се будат ноќе кога нивото на хормоните се менува при менструација или менопауза); топли бранови и ноќно потење; болести на мозокот и нервите; често мокрење; или поради здравствени проблеми како што се дијабетес, срцеви заболувања или циститис.

И лекарствата за овие состојби може да влијаат и на сонот. Тука спаѓаат бета-блокатори, антидепресиви, лекови за АДХД, деконгестиви и терапии за дишење коишто содржат стероиди.

Доколку имате здравствен, но и психолошки проблем којшто често Ви го нарушува сонот, консултирајте и лекар за тоа.

Психолошки причини за будење во средината на ноќта

Стресот е една од главните причини за будењето навечер. И други проблеми со менталното здравје, исто така, може да предизвикаат проблеми со спиењето. Тука се спомнуваат: Анксиозни нарушувања, како што е посттрауматско стресно растројство; биполарно растројство; депресија; шизофренија.

Навики коишто влијаат на спиењето будењето навечер

И некои нешта што ги правите секој ден може лошо да влијаат на сонот. Во таа смисла се наведуваат: Распоредот на спиење, промените во времето за спиење и будење, коишто го отежнуваат одржувањето на Вашиот внатрешен часовник; електрониката - на пр. светлината од телефонот и компјутерот, меѓу другото; алкохол - пијалак пред спиење може брзо да Ве заспие, но ќе се разбудите среде ноќ кога неговото дејство ќе исчезне; тоа, исто така го попречува длабокиот и РЕМ-сонот; кофеин - стимуланс на којшто му се потребни осум часа за да се разгради; пушењето цигари...

Никотинот е стимуланс којшто може да ви наруши сонот. Многу пушачи се будат прерано бидејќи телото е навикнато на цигара. /МИА

Битола денеска беше домаќин на првата консултативна средба за најавените измени и дополнувања на Законот за локална самоуправа, организирана од страна на Министерството за локална самоуправа, а поддржана од проектот „Зајакнување на општинските совети“ финансиран од Владата на Швајцарија и Министерството за локална самоуправа, кофинансиран и имплементиран од Програмата за развој на Обединетите нации - УНДП, во соработка со други национални институции и ЕЛС.

„Како што најавивме, до изменет, подобрен и модернизиран Закон за локална самоуправа прилагоден на потребите на нашите граѓани и општини, ќе дојдеме преку широки, отворени и јавни дебати. Токму денешниот настан е првиот од низата планирани во процесот во кој безрезервна поддршка и партнерство добиваме од Владата на Швајцарија и Програмата за развој на Обединетите нации – УНДП. Вашето учество и конструктивни мислења ќе бидат од големо значење, бидејќи токму во оваа фаза на консултации ги обликуваме неопходните чекори за изменување и дополнување на Законот“, истакна министерот Златко Перински на отварањето на настанот на кој учествуваа градоначалници од Полошкиот и Југозападниот регион, домаќинот, градоначалникот на Битола, Тони Коњановски, дел од експертскиот тим вклучен во процесот за измените на Законот, проф. д-р Александар Спасеновски, проф. д-р Гордан Георгиев и проф. д-р Мемет Мемети, како и претставници од граѓанскиот и невладиниот сектор.

Според министерот Перински, причините поради кои ќе се менува, односно дополнува Законот за локална самоуправа, се идентификуваните слабости по неговата дваесетгодишната примена. Клучните аспекти на планираните измени, посочи Перински, вклучуваат зголемена транспарентност и отчетност, унапредување на учеството на граѓаните, воведување комунални редарски служби и развој на недоволно развиени подрачја.

Министерот истакна дека главната иницијација за отворање на Законот е можноста за отповик на градоначалник, со што ќе се зголеми транспарентноста и отчестноста во секојдневното работење на локалните самоуправи, како и воведување на комунален надзор под ингеренции на локалната самоуправа.

„Тоа треба да се доуреди со Законот за комунални дејности, бидејќи таму е опишана целата материја, но како обврска во иднина градоначалниците мора да ја имаат и затоа сакаме да ја имплементираме во ова ново законско решение со што ќе превенираме девијатните промени. Комуналните редари ќе бидат облигаторна работа за градоначалниците“, дополни министерот.

„Токму овие планирани измени, ќе бидат од голема полза за граѓаните и општините“, истакна градоначалникот на Битола, Тони Коњановски, кој изрази задоволство што министерот Перински одлучил подобрувањето на законската рамка да се врши транспарентно, преку јавни и широки дебати, кои стартуваат токму од Битола.

Во процесот на подготвка на подобрената законска рамка е вклучена и експертска група, ангажирана од страна на УНДП и швајцарската Влада, а еден од нив е и проф.д-р Александар Спасеновски, кој истакна дека сега имаме добро принципиелно законско решение кое го изржало тестот на времето.

„Сепак, како резултат на неговата дводецениска примена, природно се појавуваат одредени слабости кои се настојува да се надминат. Ние, како експерти ангажирани од УНДП, како дел од овој процес имаме за цел преку анализа на најдобрите компаративни европски практики, како и сугестиите на општините, да дизајнираме измени кои ќе го рефлектираат најширокиот консензус во општеството и во Собранието“, посочи Спасеновски.

Дел од експертскиот тим е и проф. д-р Гордан Георгиев, кој изрази благодарност до министерот Перински и УНДП за одлучноста да го отворат овој сложен процес.

„Волјата е силна, намерата е добра и искрена. Ние, како експерти, сакаме да докажеме дека станува збор за добра намера која верувам дека ќе вроди со плод“, рече Георгиев.

„Станува збор за отворен и инклузивен консултативен процес кој сака да адресира слабости кои ќе бидат прифатени од сите граѓани“, додаде проф. д-р Мемет Мемети, дел од експертската група.

На консултативната средба, беше појаснето дека процесот на работа на експертската група се состои од четири клучни методолошки чекори, односно ќе се врши темелна анализа на постојната рамка, ќе следи консултативен процес кој ќе резултира со изработка на нацрт-измени, кои финално ќе се презентират и достават на усвојување.

Според научниците, целта на оваа вакцина развиена во Белгија, би била контрола на ХИВ. Лекот, всушност, користи липидни наночестички што „содржат дополнителен стимулативен сигнал за имунолошкиот систем“, коешто ја зголемува делотворноста на вакцината, како што рече еден од истражувачите.

Тие велат и оти вакцината може драстично да ја намали зависноста од постојните секојдневни лекови.

Ако нејзината благотворност се докаже кај луѓето (засега е тестирана само на лабораториски глувци), оваа нова вакцина може да донесе значителна помош и надеж за луѓето кои живеат со ХИВ. /МИА