Живот

Најчестите причини за често будење навечер

Повеќето луѓе се будат еднаш или двапати во една ноќ. 

Но, причините за често будење ноќе може да бидат кофеин или алкохол во доцните часови, лоша средина за спиење, нарушувања на сонот или друга медицинска состојба. Ако човек не може брзо да заспие, нема да има доволно квалитетен сон за да се чувствува свежо и здраво. Следат неколку поттикнувачки фактори за испрекинатиот сон навечер.

Општо земено, на возрасните им требаат околу седум до девет часа сон секоја вечер за подобро здравје и благосостојба. Спиењето е поделено на периоди на лесен, длабок и тн. РЕМ-сон. Поголемиот дел од длабокиот сон се случува рано ноќта. Пред утрото преовладува лесниот сон и РЕМ - она кога телото е најактивно, најчувствително и лесно може да се разбуди - а признакот за тоа е „рапидно (брзо) мрдање со очите" (Rapid eye movement - REM), пишува босанскиот порртал „Кликс“.

Физички причини за будење среде ноќ

Многу медицински состојби имаат симптоми коишто изгледаат и се чувствуваат полошо ноќе. Тука спаѓаат: Болка - особено кај артритис, срцева слабост, српеста анемија или рак; проблеми со дишењето поради астма, бронхитис или други белодробни заболувања; дигестивни проблеми - особено болка и кашлица поради враќање киселина или симптоми на нервозно дебело црево; хормони (жените често се будат ноќе кога нивото на хормоните се менува при менструација или менопауза); топли бранови и ноќно потење; болести на мозокот и нервите; често мокрење; или поради здравствени проблеми како што се дијабетес, срцеви заболувања или циститис.

И лекарствата за овие состојби може да влијаат и на сонот. Тука спаѓаат бета-блокатори, антидепресиви, лекови за АДХД, деконгестиви и терапии за дишење коишто содржат стероиди.

Доколку имате здравствен, но и психолошки проблем којшто често Ви го нарушува сонот, консултирајте и лекар за тоа.

Психолошки причини за будење во средината на ноќта

Стресот е една од главните причини за будењето навечер. И други проблеми со менталното здравје, исто така, може да предизвикаат проблеми со спиењето. Тука се спомнуваат: Анксиозни нарушувања, како што е посттрауматско стресно растројство; биполарно растројство; депресија; шизофренија.

Навики коишто влијаат на спиењето будењето навечер

И некои нешта што ги правите секој ден може лошо да влијаат на сонот. Во таа смисла се наведуваат: Распоредот на спиење, промените во времето за спиење и будење, коишто го отежнуваат одржувањето на Вашиот внатрешен часовник; електрониката - на пр. светлината од телефонот и компјутерот, меѓу другото; алкохол - пијалак пред спиење може брзо да Ве заспие, но ќе се разбудите среде ноќ кога неговото дејство ќе исчезне; тоа, исто така го попречува длабокиот и РЕМ-сонот; кофеин - стимуланс на којшто му се потребни осум часа за да се разгради; пушењето цигари...

Никотинот е стимуланс којшто може да ви наруши сонот. Многу пушачи се будат прерано бидејќи телото е навикнато на цигара. /МИА

Шоу биз

Лиам Пејн пред смртта ѝ посвети песна на Наоми Кембел, постара 23 години од него

Пејачот на „One direction“ Лиам Пејн ја снимил својата последна песна, пред смртта на 16 октомври, како посвета на љубовта кон манекенката Наоми Кембел, објави денеска „Дејли мејл“.

Весникот наведува дека последната песна на Пејн „Closer to You“ е снимена само неколку недели пред неговата смрт.

Песната е поднесена до судот во Буенос Аирес како дел од документ на 91 страница со повеќе од 400 досиеја составени од адвокати кои го застапуваат блискиот пријател на Пејн, аргентинско-американскиот бизнисмен Роџер Норес, како дел од тековната истрага за неговата смрт.

Пејн се забавувал со Кембел неколку месеци во 2019 година и почнал да ја компонира „Closer to You“ набргу по нивното раскинување.

Текстот зборува за неговиот копнеж „да се доближи до неа“, а открива дека токму таа „заминала“.

Пејн и Кембел никогаш јавно не коментирале за нивната многу популарна врска, која се случила кога таа имала 48, а тој 25 години.

Лијам Пејн почина откако падна од балконот на третиот кат во хотелот „Каса Сур“ во Буенос Аирес на 16 октомври.

Аутопсијата открила дека во неговиот систем имало дрога, вклучително и крек и кокаин, а обвинителите откриле дека тој нарачал неколку шишиња шампањ и виски во последните часови во хотелската соба.

Свет

Трамп се закани: Европа мора да купува повеќе американска нафта и гас или следуваат царини

Новоизбраниот американски претседател Доналд Трамп изјави во петокот дека Европската унија може да се соочи со царини доколку не го намали растечкиот дефицит со САД со склучување големи трговски договори за нафта и гас со најголемата светска економија

Европската унија веќе го купува најголемиот дел од американскиот извоз на нафта и гас, но во моментов нема дополнителни количини на располагање, освен ако САД не го зголемат производството или ресурсите не се пренасочат од Азија, која исто така е голем потрошувач на американската енергија.

- Им кажав на ЕУ дека мора да го компензираат својот голем дефицит со САД со купување на нашата нафта и гас во големи количини. Во спротивно, дефинитивно воведуваме царински тарифи – напиша Трамп на Truth Social.

Европската комисија изјави дека е подготвена за разговори.

- ЕУ е посветена на постепено укинување на увозот на енергија од Русија и диверзификација на нашите извори на снабдување - рече портпаролот. Веќе во првиот квартал од 2024 година, САД обезбедија 47 отсто од увозот на ЛНГ и 17 отсто од увозот на нафта во ЕУ, покажуваат податоците на Евростат.

Трамп вети дека ќе воведе царини за повеќето, ако не и за сите, увозни производи и рече дека Европа ќе плати висока цена за деценискиот трговски суфицит со САД. Тој постојано го нагласуваше трговскиот дефицит на САД, но не и вкупниот трговски дефицит. Минатата година САД имаа трговски дефицит со ЕУ од 155,8 милијарди евра. Сепак, во услужниот сектор е забележан суфицит од 104 милијарди евра, покажуваат податоците на Евростат.

НБА

Учеството на Џејмс и Дејвис на мечот со Детроит доведено во прашање

Тандемот на Лос Анџелес лејкерс, Леброн Џејмс и Ентони Дејвис може да не настапи на натпреварот со Детроит пистонс.

Учеството на двете ѕвезди на Лејкерси на утрешниот натпревар на домашен терен е доведено во прашање.

Џејмс во последно време има проблеми со стапалото.

Дејвис, на средбата со Сакраменто ноќта сабота кон недела, ја влоши повредата на рамото што првпат ја заработи на 15 декември на натпреварот со Мемфис.

Лејкерс со биланс 16 победи и 12 порази во моментов се на 6.место во Источната конференција на НБА-лигата. /МИА

притисни ентер