Живот

„Тему“ обвинет за кршење на законите на ЕУ за заштита на потрошувачите

До „Тему“ е испратено барање за усогласување на своите практики со законите за заштита на потрошувачи на Европската Унија.  

Мрежата за соработка во заштита на потрошувачите (ЦПЦ) и Европската комисија по спроведената координираната истрага на европско ниво, заклучија дека сајтот за онлајн трговија „Тему“ користи голем број на практики со кои ги прекршува правата на потрошувачите на ЕУ.

До „Тему“, кој веќе е под истрага на Европската комисија поради продажба на нелегални производи, е испратено барање за усогласување на своите практики со законите за заштита на потрошувачи на Европската Унија.

Истрагата заклучи дека „Тему“ користи широк опсег на практики кои може да ги доведат потрошувачите во заблуда или несоодветно да влијаат на нивните одлуки за купување на стоки преку оваа е-продавница.

Како конкретни практики со кои се кршат законите на ЕУ се посочени наведувањата да се добие впечаток за намалени цени на одредени производи иако тие всушност не се на попуст, ставањето на потрошувачите под притисок купат одреден производ со лажни тврдења за ограничени количини или рокови, присилувањето на корисниците да играат игра на среќа, изнесување нецелосни и неточни информации за враќање на стоките и добивањето поврат на платените средства, како и оневозможувањето на лесно контактирање со „Тему“ за прашања или поплаки.

Дополнително, од „Тему“ се побарани информации околу исполнувањето на обврската за информирање на потрошувачите дали продавачот на одреден стока е трговец, за обезбедување на точна пресметка на наведените попусти, како и за утврдување на веродостојноста на наведените прегледи и оценки и на тврдењата за почитување на еколошките стандарди.

Со истрагата против „Тему“ раководеа белгискиот Генерален директорат за економска инспекција, германската Федерална агенција за животна средина и ирската Комисија за конкуренција и заштита на потрошувачите во координација на Европската комисија.

„Тему“ има еден месец да одговори на наодите од истрагата, по што врз основа на добиените одговори ќе се донесе одлука за следните чекори, кои може да вклучат и казни.

Мрежата ЦПЦ ја сочинуваат институциите за заштита на потрошувачите во 27-те земји членки на ЕУ, Норвешка и Исланд и нејзина задача е да го следи почитувањето на законите на Унијата за заштита на потрошувачите и таа има можност во координација со Еврокомисијата да иницира заеднички истражни и извршни постапки./МИА

Свет

Обвинение против Иранецот, кој планирал атентат врз Доналд Трамп пред изборите

Американското Министерство за правда денеска ги разоткри кривичните пријави поврзани со осуетениот ирански заговор за атентат врз новоизбраниот претседател Доналд Трамп пред претседателските избори.

Во кривичната пријава поднесена до федералниот суд на Менхетен се тврди дека неименуван функционер од иранската паравоена Револуционерна гарда го насочил контактот минатиот септември за да смисли план за следење и на крајот да го убие Трамп, објави Си-Ен-Ен.

Ако човекот, идентификуван како Фарјад Шакери, не го исполнел планот дотогаш, службеникот му рекол, според тужбата, дека Иран ќе го прекине својот план до по претседателските избори, бидејќи функционерот верувал дека Трамп ќе изгуби и потоа ќе биде полесно да се убие, се вели во обвинението.

Шакери му рекол на ФБИ дека не планирал да предложи план за убиство на Доналд Трамп во рок од седум дена што официјалните лица го побарале, според обвинението.

Заговорот, со обвиненијата само неколку дена по победата на Трамп над демократката Камала Харис, го одразува она што федералните власти го опишаа како континуирани напори на Иран да ги таргетира претставниците на американската влада, вклучително и Трамп, на американска територија.

Трамп беше цел на иранските екстремисти откако нареди убиство на иранскиот генерал Касем Сулејмани, кој беше убиен во воздушен напад во Ирак на 3 јануари 2020 година.

Македонија

Ѓорѓиевски: Мега проектот за водоснабдување во Стаклара-Каменик станува реалност

Општина Кисела Вода ќе добие 600.000 евра, за реализација на капиталниот проект за изградба на водовод во Каменик-Стаклара, кој жителите го чекаат половина век. 

Средствата се обезбедуваат од страна на Владата на Република Македонија, која по мерката од 250 милиони евра, сега прави нова голема инвестиција во општините, наменета за управување со води. Заложбите утврдени со Меморандумот потпишан со ЗЕЛС кој сите претходните власти го игнорираа, веќе даваат конкретни резултати, а граѓаните се на прво место, истакна Претседателот на ЗЕЛС, градоначалникот Орце Ѓорѓиевски по денешната средба со Премиерот Христијан Мицкоски.

-Кога се работи чесно и посветено за народот, резултатите се гледаат. А за тоа најмногу зборуваат делата. Денес, на средбата со Премиерот Христијан Мицкоски бевме информирани дека се ставаат на располагање нови над 50 милиони евра кои ќе се слеат во општините, а ќе бидат наменети за управување со води.Чест ми е да напоменам дека, после мерката од 250 милиони евра, ова е втората најголема инвестиција во локалните самоуправи благодарение на посветеноста на Владата и меморандумот потпишан со ЗЕЛС кој сите претходните власти го игнорираа.

Општина Кисела Вода ќе добие 600.000 евра, пари за остварување на долгогодишното барање на мојот народ од Каменик-Стаклара, после 50 години да добијат чиста вода за пиење. Ова исто така ќе значи и дека после завршување на градежните активности, го затвораме поглавјето со подземна инфраструктура и Стаклара конечно, ќе биде последното населено место без соодветно водоснабдување.

Сакам да се заблагодарам на Премиерот Мицкоски и Владата на Република Македонија за нивните заложби за единиците на локалната самоуправа и за нивниот напор за поразвиени општини.Како никогаш во минатото, оваа Влада покажа и докажа дека граѓаните се на прво место.Посебно ме радува фактот што сега навистина постои еднаквост помеѓу општините и што нема апсолутно никакви поделби. Само така, ова наше парче земја ќе стане уште поубаво место за живеење. Продолжуваме!-изјави градоначалникот Орце Ѓорѓиевски, се наведува во соопштението.

Забава

Објавени се кандидатите за наградата „Греми“, Бијонсе со најмногу номинации

Греми наградите се еден од најгледаните музички настани кога станува збор за овој вид уметност.

Денеска беа објавени номинациите за сите категории.

Бијонсе, Сабрина Карпентер, Charli XCX, Били Ајлиш и Чапел Роан добија номинации за најдобра поп соло изведба.

За најдобар нов изведувач, номинирани се Бенсон Бан, Сабрина Карпентер, Доечија, Хруангбин, Реј, Чапел Роан, Шабузи и Теди Свимс.

Cowboy Carter, F-1, Deeper Well, Higher и Whirlwind се номинирани за најдобар кантри албум.

За песна на годината, Бијонсе "Texas Hold 'Em", Били Ајлиш "Birds of a Feather", Чапел Роан "Good Luck, Babe!", Кендрик Ламар "Not Like Us", Лејди Гага и Бруно Марс "Die With a Smile“, „Please Please Please, Shaboozey - A Bar Song (Tipsy)“ на Сабрина Карпентер и „Fortnight“ на Тејлор Свифт, пишува „Daily Mail“.

За најдобра кантри соло изведба се номинирани Бијонсе „16 Carriages“, Крис Стејплтон „It Takes a Woman“, Џели Рол „I Am Not Okay“, Кејси Масгрејвс „The Architect“, Шабузи „A Bar Song (Tipsy)“.

Филмовите „Американска фикција“, „Предизвикувачи“, „Виолетова боја“, „Дина: Втор дел и Шогун“ се номинирани за најдобра музика за визуелни медиуми (вклучувајќи филм и телевизија).

притисни ентер