Свет

„Сара“донесе поројни дождови во Америка- аларм за поплави опасни по живот (ВИДЕО)

Тропската бура Сара го погоди северниот дел на Хондурас доцна синоќа и се заканува да донесе обилни врнежи низ делови од Централна Америка и јужно Мексико.

Сара падна на копно на околу 100 милји западно-северозападно од Кабо Грацијас а Диос на границата Хондурас-Никарагва, според американскиот национален центар за урагани во Мајами. Тоа е во близина на Брус Лагуна, село со околу 13.000 жители. Во близина има уште неколку населени места.

Во 3 часот по локално време, центарот соопшти дека невремето се наоѓа на околу 100 километри источно, југоисточно од градот Белизе во Хондурас со ветрови од 75 километри на час.

Мексиканските власти предупредија дека бурата може да донесе „интензивни врнежи“ на полуостровот Јукатан преполн со одморалишта.

Сара донесе ветрови со брзина од околу 75 километри на час и се движи кон запад со 17 километри на час.

Се очекува бурата да остане приближно на таа патека пред повторно да излезе во морето и да го загрози брегот на Белизе.

Центарот соопшти дека Сара попатно ќе донесе од 25 до 50 сантиметри дожд, а во изолираните области може да наврнат и до 75 сантиметри дожд. Таков силен дожд може да доведе до поплави и лизгање на земјиштето опасни по живот.

Се прогнозира дека Сара во недела ќе помине над или многу блиску до туристичката дестинација Роатан во близина на брегот на Хондурас. Тогаш се очекува бурата да се сврти кон северозападно кон Белизе и полуостровот Јукатан.

Свет

Италијанец оперирал кила на приватна клиника и по неколку дена починал, истрагата е во тек

Маж (50) починал неколку дена по операција на кила во приватна клиника во Сиракуза.

Витo Адамo, по потекло од Кастелмар дел Голфо, требало да биде отпуштен на 28 октомври од клиника во Сиракуза, но тој ден почнал да се чувствува лошо, објави ТП24.

По неговата смрт, обвинителството наредило обдукција, бидејќи се сомневаат дека нешто „тргнало наопаку“ за време на операцијата.

Тој денеска е погребан на црковните гробишта Санта Рита на местото каде го поминал целиот свој живот.

Истрагата се уште е во тек, а посебно внимание е насочено на медицинската документација по операцијата, која, според лекарите, била успешна.

Други спортови

Колку ќе заработи Тајсон, а колку Пол од мечот што го очекува целиот свет?

Легендарниот боксер Мајк Тајсон (58) и Јутјуберот и боксер Џејк Пол (27) ноќеска ќе се соочат во професионален меч кој ќе се одржи на стадионот АТ&Т во Арлингтон, во американската држава Тексас.

Настанот за боречки вештини ќе има седум различни борби, а кулминацијата меѓу Тајсон и Пол треба да започне околу четири часот наутро по средноевропско време.

Иако конечната заработка од натпреварот ќе се знае дури по настанот, односно по расчистувањето на Нетфликс (борбата ќе биде прикажана на таа платформа), и двајцата борци неформално објавија колку пари треба да добијат. Така Пол ќе добие околу 40 милиони долари или двојно повеќе од Тајсон кој би требало да заработи 20 милиони долари.

Според Форбс, Тајсон во кариерата заработил околу 430 милиони долари. Најдоходовната борба против Ленокс Луис ја имаше кога заработи над 103 милиони долари, а според Форбс уште четири пати во кариерата заработил повеќе од 20 милиони долари. Пол во кариерата се борел 11 пати (сооднос 10-1), а се проценува дека на тој начин заработил околу 15 милиони долари.

Технологија

Кина го претстави новиот дизајн на ракетниот систем „Долгиот марш“, ќе се користи повеќе пати

Кинеската аерокосмичка научна и технолошка корпорација (CASC) го претстави новиот дизајн на ракетниот систем Long March 9 на најголемиот кинески саем за авијација во Жухаи.

Long March 9 е двослоен ракетен систем, а целта на кинеската компанија е двата дела од ракетата да можат повторно да се користат, објави Ројтерс.

Тоа значи дека, за разлика од претходните верзии, ракетата би можела да се користи повеќе пати, што значително би ги намалило трошоците за лансирање.

Првата верзија на ракетата, која била прикажана во 2018 година, била за еднократна употреба, што значи дека по употребата ќе падне на Земјата и ќе биде уништена. Компанијата верува дека овој систем ќе им конкурира на тешките ракетни системи на американската вселенска компанија SpaceX.

Во интервју за државната CCTV, претставниците на CASC изјавија дека новиот ракетен систем може да носи 100 тони носивост. Фалкон 9 на SpaceX може да носи 50 тони и досега е лансиран речиси 400 пати, со 349 успешно слетувања и 324 прелетувања.

притисни ентер