Во Специјалниот суд во Белград денеска продолжи судењето на Урош Блажиќ, кој изврши масовно убиство во селата Мало Орашје и Дубона. Паралелно, во негоавата куќа во Мало Орашје која ја обезбедува полицијата фрлена е запалива течност на тревата, но немаше никаква штета, ниту пак некој беше уапсен, јави дописникот на МИА од Белград.

Како и на сите претходни рочишта и денеска дојдоа бројни членови на семејствата и пријателите на загинатите и повредените во селата кај Младеновац.

Освен Урош Блажиќ, кому му се суди за убиство на девет и ранување на 12 лица, обвинет е и неговиот татко Радиша Блажиќ за недозволено поседување оружје, муниција и експлозивни материјали.

Урош Блажиќ ја призна вината и рече дека е подготвен да одговара за стореното дело. При изнесувањето на својата одбрана рече дека нелегално набавил оружје, а неговиот татко, Радиша Блажиќ кој е пензиониран офицер за безбедност, не знаел дека син му го поседува, како и дека не знаел од каде е пронајденото оружје во неговата куќа по масовното убиство на 4 мај.

За денешното рочиште имаше распит на вештаци и прикажување на одредени видео снимки, меѓу кои и видеото во телефонот на Урош Блажиќ, облечен како каубој.

-Капа на глава, а револвер во рака. Некој од домаќините го снима Радиша Блажиќ, кој арогантно влегува со сончеви очила до елка, а проследено со смеа на сите домашни, па се движи кон друга соба. Потоа се гледа како Радиша Блажиќ вели „Добриот, лошиот и злобниот “, пишува Курир.

Медиумите го наведуваат и сведочењето на д-р Марија Паниќ за психијатриската пороценка на Урош Блажиќ која кажа да „смета дека осомничениот Урош Блажиќ немал причина да го стори кривичното дело, поточно немал психички и психолошки пречки да го стори“.

Вишото јавно обвинителство во Смедерево предложи максимална казна затвор од 20 години за Урош Блажиќ и неговиот татко, бидејќи тој не може да биде осуден на доживотен затвор, оти во моментот кога го извршил делото немал 21 година.

Од безбедносни причини, судењето од Смедерево беше преместено во судницата на Специјалниот суд во Белград, поради инцидентот што се случи во мај 2024 година на самиот почеток на прелиминарното рочиште во Вишиот суд во Смедерево.

Антитерористичката операција е спроведена во 45 области, меѓу кои Адана, Анкара, Анталија, Бурса, Ескишехир, Истанбул, Измир и Коџаели.

Турција во 2013 година беше една од првите земји што ја вклучи ИД на листата на терористички организации. Оттогаш, земјата постојано беше цел на ИД со најмалку десет самоубиствени напади, седум бомбашки напади и четири вооружени напади, при што загинаа најмалку 300 луѓе, а стотици беа повредени.