Регион

Вучевиќ: На Курти му се присторуваат активности на ВС,се обидува да го замагли тоа што го прави

Премиерот на Србија, Милош Вучевиќ, денеска изјави дека шефот на привремените институции на Приштина, Албин Курти, се сомнева во активностите на војската на Србија.

Во врска со тврдењата на Курти за движењето на силите на Војската на Србија во близина на административната линија со АП Косово и Метохија, Вучевиќ рече дека Курти се обидува да го прикрие и остави настрана тоа што го прави, што доведува до ескалација на теренот, објави Телеграф.

„Војската на Србија е во секојдневна комуникација со командата на КФОР и ги имаме сите организирани линии на комуникација и заеднички патроли, а Албин Курти постојано бил изложен на активностите на војската на Србија, секако обидувајќи се да ја подигне тензијата, а над сето тоа да го прикрие и остави настрана она што го прави, а што води до ескалација на теренот, загрозувајќи ги човековите права и слободи на Србите во АП КиМ, особено на север“, изјави премиерот за новинарите по воената церемонија во Ниш, по повод 80-годишнината од формирањето на 63. Падобранска бригада.

Вучевиќ изјави дека оние „сили“ кои наводно се сретнале со припадниците на српските вооружени сили биле „крадци, криминалци и шверцери“, наведувајќи дека тие од територијата на АП КиМ влегуваат на територијата на централна Србија преку административната линија и се обидуваат да украдат што било.

Тој посочи дека нема дополнителни активности, дека „не подготвуваме ништо што може да доведе до влошување на теренот“.

„Напротив, ние сме многу мирни и претпазливи. Страдаме повеќе од кој било, затоа што сакаме да го зачуваме мирот и политичката стабилност и ќе се види што ќе подготви Курти утре“, рече Вучевиќ.

Фудбал

Минута молк на натпреварите во Германија

Германската фудбалска лига побара од клубовите да одржат едноминутно молчење пред почетокот на натпреварите во Бундеслигата и втората лига викендов, во знак на почит кон жртвите на нападот на божиќниот пазар во Магдебург.

Бундеслигата, исто така, соопшти дека играчите мора да носат црни ленти на рацете, пренесува агенција ДПА.

Најмалку пет лица загинаа, а над 200 се повредени откако маж влета со автомобил на божиќен пазар во германскиот град Магдебург во петокот вечер. Возачот на автомобилот е уапсен од полицијата.

Македонија

Инспектор нападнал началник во просториите на полицијата во Радовиш

Инспекторот Б.И. (39) од село Ињево, радовишко вчера бил уапсен откако бил пријавен дека физички го нападнал на О.Г (43) началник на Одделението за внатрешни работи Радовиш, соопштија денеска од СВР Струмица.

Според соопштението, началникот пријавил дека во службени простории на полициската станица инспекторот агресивно се однесувал кон пријавителот, кој извршувал службени задачи, а во еден момент и физички го нападнал, нанесувајќи му телесни повреди.

Во соопштението се додава дека за настанот биле запознати началникот на СВР Струмица, Одделот за внатрешна контрола, криминалистички истраги и професионални стандарди и јавен обвинител, по чии насоки биле преземени мерки за расчистување на случајот, а по целосно документирање на случајот против Б.Ј. ќе биде поднесена соодветна пријава.

Македонија

Почина универзитетскиот професор Љупчо Арнаудовски

Почина универзитетскиот професор, правник Љупчо Арнаудовски.

Арнаудовски oсновно и средно образование го завршил во родниот град Охрид. Дипломирал на Правниот факултет во Скопје (1960), а магистрирал на Правниот факултет во Загреб (1966). На Правниот факултет во Скопје ја одбранил докторската дисертација на тема „Вонзатворските воспитни мерки во југословенското кривично право“ (1975).

Работел како виш научен соработник во Институтот за социолошки и политичко-правни истражувања во Скопје (1963-1979). Бил избран за вонреден професор на Правниот факултет во Скопје по предметите криминологија и пенологија (1979), а потоа и за редовен професор на истиот факултет (1985). Од март 1944 година бил член на СКОЈ, а од мај 1949 година и член на СКЈ. Бил секретар на Градскиот комитет на СКМ (1969-1973). Ги вршел функциите член на РИС и секретар за внатрешни работи на СРМ (1971-1973). Од овие функции бил отстранет во периодот на „либерализмот” поради сфаќањата и јавните настапи од тие позиции.

Бил член на Републичкиот судски совет (1994-2000 година). Избран за претседател на Моралниот суд на РМ (2003).

Во периодот 1960-1986 година бил главен и одговорен уредник на списанието „Правна мисла“, орган на Здружението на правниците на Македонија. Долги години бил претседател на издавачкиот одбор на Ревијата за криминалистика, криминологија и кривично право „Безбедност" - Скопје и издавачкиот совет на Ревијата за казнено право и криминологија - Скопје. Во периодот 1983/1984 година бил претседател на Советот на заедниците за научно-истражувачките дејности на Југославија.

Бил почесен претседател на Македонското пенолошко друштво и Здружението за кривично право и криминологија на Македонија.

Во 1981 година добитник е на наградата „Гоце Делчев“. Објавил повеќе од 200 научни труда и неколку учебници.