Други спортови

Во тек е Балканското првенство во одбојка на песок во Штип

Втор ден на натпреварите од Балканското првенство во одбојка на песок, чиј домаќин е градот Штип.

Манифестацијата традиционално се одржува секоја година, а годинава организацијата е доделена на нашата држава. На Првенството се играат 32 натпревари во машка и женска конкуренција, кои ги судат локални судии.

Големиот интерес за првенството го покажаа полните трибини во СЦ Џексон, од каде публиката верно ги следи натпреварите на одбојкарите од Србија, Романија, Косово, Турција и Македонија.

-Многу стари и познати одбојкарски имиња гледам на терените, меѓутоа и многу млади личности и токму целта на организацијата на вакви турнири е привлекување на млади лица коишто ќе ја засакаат одбојката и коишто ќе се активираат на спортските терени и ќе се занимаваат со спортски активности. Балканското првенство е една од тие убави можности, вели Никола Мицевски, меѓународен одбојкарски судија.

Свеченото отворање на Балканското првенство се случи вчеравечер, кога се одиграа два натпревара помеѓу репрезентациите на Турција и Србија.

Балканското првенство трае до утре, а финалните натпревари се очекува да бидат во 16:00 и 19:00 часот. Манифестацијата традиционално се одржува секоја година, а годинава организацијата е доделена на нашата држава. На Првенството се играат 32 натпревари во машка и женска конкуренција, кои ги судат локални судии.

Македонија

Пронајден 36 годишен затвореник во затворот во Шутка

36 годишен затвореник во затворот „Скопје“ во Шуто Оризари бил пронајден мртов во неговата ќелија, соопшти МВР.

Лекар од итна медицинска помош констатирал смрт без видливи траги од насилство, а по наредба на јавен обвинител телото на починатиот било дадено на обдукција.

„Вчера во 08.05 часот во СВР Скопје, од Казнено – поправната установа „Затвор Скопје“ било пријавено дека во притворското одделение, во просторијата во која престојувал, бил пронајден починат осуденикот В.В.(36) од Скопје“, пишува во полицискиот билтен.

Македонија

Од денеска поевтинување на дел од прехранбените производи

Од денеска стапува на сила владината мерка за намалување на дел од прехранбените приоизводи .

Одлуката за намалување на бруто профитната маржа на 73 производи вчера е објавена во Службен весник, а веќе денеска во маркетите и продавниците каде стојат овие производи ќе треба да имаат ознаки „ помалку трошоци, Повеќе за тебе“.

Цените на брашното, оризот, млечните и пекарските производи, месото, зеленчукот и овошјето треба да бидат намалени до 31 октомври. А веќе в петок треба да почне и примената на законот за забрана на нефер трговски практики, со кој се очекува да се стави крај на проблемите со цените. Освен рабатот, со законското решение беше донесена и листа со над 2 500 производи чии маржи ќе бидат ограничени до 10 %. .. Денеска инаку, треба да излезе и пресметката на ссм за минималната синдикална кошничка

Свет

САД: Треба да се спречи ескалација меѓу Израел и Хезболах

Соединетите Американски Држави не поддржуваат ескалација на конфликтот што се случи во последните денови меѓу Израел и Хезболах, изјави висок функционер на Стејт департментот.

„Не можам да се сетам, барем не во последно време, дека каква било ескалација или интензивирање на конфликтот доведе до деескалација. Стабилизацијата не може да се случи на таков начин“, рече претставникот, наведувајќи дека Вашингтон интензивно ќе разговара со своите сојузници за конкретни идеи за смирување на ситуацијата и спречување на проширување на војната.

Во понеделникот Израел изврши жестоки воздушни напади врз цели на Хезболах во Либан, при што загинаа 492 лица, повеќе од 1.500 луѓе беа ранети, а десетици илјади избегаа за да најдат побезбедно место.

По нападот, израелските власти изјавија дека во никој случај не се за проширување на војната, туку дека овој напад, како и претходниот, е осмислен за да ги принуди членовите на Хезболах да најдат дипломатски решенија за актуелната криза. Претставникот на Стејт департментот го отфрли овој став и изјави дека САД не го поддржуваат.

На прашањето дали Израел подготвува копнена инвазија на Либан, тој одговори дека таквата акција воопшто нема да придонесе за намалување на тензиите.

Вооруженото крило на Хамас објави дека еден од нивните команданти, Махмуд Ал Надер, бил убиен за време на израелските напади во понеделникот.

притисни ентер