Македонија

Во Собранието ќе заседаваат пет комисии

Во Собранието за денеска се закажани седници на пет комисии.

Во Собранието за денеска се закажани седници на пет комисии - Комисијата за транспорт, дигитална трансформација, животна средина и просторно планирање, Комисијата за економски прашања, труд и енергетска политика, Комисијата за финансирање и буџет, Комисијата за политички систем и односи меѓу заедниците и Законодавно правната комисија.

Членовите на Комисијата за транспорт, дигитална трансформација, животна средина и просторно планирање ќе расправаат по предлог законите за изменување и дополнување на Законот за електронско управување и електронски услуги, на Законот за електронски документи, електронска идентификација и доверливи услуги, на Законот за генетски модифицирани организми, на Законот за квалитетот на амбиентниот воздух, на Законот за управување со батерии и акумулатори и отпадни батерии и акумулатори, на Законот за управување со отпад. Исто така и за предложените измени на Законот за заштита од бучава во животната средина, на Законот за животната средина, на Законот за водите, на Законот за управување со пакување и отпад од пакување и на Законот за заштита на природата, сите во второ читање.

Пред членовите на Комисијата за економски прашања, труд и енергетска политика за рсправа е Предлог на законот за изменување на Законот за плата и други надоместоци на избрани и именувани лица во Република Македонија, по скратена постапка, а на Комисијата за финансирање и буџет Предлог на законот за изменување и дополнување на Законот за буџети, по скратена постапка.

Комисијата за политички систем и односи меѓу заедниците ќе расправа по предлог законите за изменување на Законот за платите на судиите, на Законот за платите на членовите на Судскиот совет на Република Македонија, на Законот за платите на јавните обвинители, на Законот за платите на членовите на Советот на јавните обвинители на Република Македонија, на Законот за пратениците, на Законот за управната инспекција и на Законот за инспекциски надзор, сите по скратена постапка.

Членовите на Законодавно правната комисија ќе дискутираат по Предлог на законот за изменување на Законот за плата и други надоместоци на избрани и именувани лица во Република Македонија, Предлог на законот за изменување и дополнување на Законот за буџети, предлог законите за изменување на Законот за платите на судиите, на Законот за платите на членовите на Судскиот совет на Република Македонија, на Законот за платите на јавните обвинители, на Законот за платите на членовите на Советот на јавните обвинители на Република Македонија, на Законот за управната инспекција и на Законот за инспекциски надзор, како и по Предлог на законот за изменување на Законот за пратениците, сите по скратена постапка.

Живот

Англиски свештеник им кажа на учениците дека Дедо Мраз не постои- родителите збеснаа

Свештеник од Хемпшир, Англија, ги растажи основците велејќи им дека Дедо Мраз не постои и дека нивните родители оставаат подароци под дрвото.

Минатата недела тој требало да одржи час по веронаука и да зборува за раѓањето на Исус, но некако приказната се префрли на Дедо Мраз. Децата, очигледно, не биле подготвени за „големото откритие“, пишува Дејли мејл.

Пред шестоодделенците изјави дека Дедо Мраз не е вистински, дека родителите купуваат подароци и слатки, а потоа ги оставаат под елката. Се тврди дека многу деца биле „потресени“ и плачеле.

Малите им кажале на родителите што слушнале, а нивната реакција била бурна. Тие го опишаа однесувањето на свештеникот како „погрешно“ и дека тој „ја уништил божиќната магија“.

„Не знам како може да се поправи ова? И мислам дека тоа е апсолутно одвратно“, рекла една мајка.

На крајот, свештеникот морал јавно да им се извини на децата, родителите и училиштето во Хемпшир.

„Откако зборуваше за Библијата, тој даде неколку коментари за потеклото на Божиќ. Ја сфати својата грешка и безрезервно им се извини на сите. Директорот на училиштето веднаш стапил во контакт со родителите“, соопшти епархијата Портсмут.

Свет

Со автомобил се забил во пешаци во Лондон, властите велат дека не е терористички напад

Маж (31) утрово со автомобил удрил во пешаци во лондонскиот Вест Енд.

Тој е уапсен под сомнение за обид за убиство, а Метрополитен полицијата соопшти дека четири лица се пренесени во болница, од кои едното е во животна опасност.

Од полицијата додаваат дека станува збор за изолиран инцидент кој не е поврзан со тероризам.

Шоу биз

Српска пејачка е уапсена на границата со Хрватска, имала распродаден настап

Уапсена е српската пејачка Гога Секулиќ.

Гога заедно со нејзиниот колега Ксандер, со кој често настапува, е запрен на границата меѓу Хрватска и Босна Херцеговина, дознава Курир. Тие се уапсени при обид да влезат во Хрватска.

Имено, Гога и Ксандер требало да настапат на однапред договорен состанок во еминентен локал во Хрватска, во градот Вргорац.

Според раководството на клубот, интересот за концертот на Гога Секулиќ бил огромен, па дури биле принудени да ги известат гостите дека ќе има промени во дневната програма и дека секој кој однапред си го обезбедил местото ќе мора строго да ги почитува времето на пристигнување.

притисни ентер