Македонија

Во прекин сообраќајот на магистралниот пат Штип-Кочани, кај село Тркање, загина пешак

Сообраќајот на магистралниот пат Штип - Кочани во близина на село Тркање е во прекин поради сообраќајна незгода.

Од Авто мото сојузот на Македонија информираат дека возилата се пренасочуваат по експресниот пат.

Во тешка сообраќајна несреќа што се случи утринава во 07:50 часот загина пешак на региоанлниот пат Штип-Кочани во близина на селото Тркање.

Од СВР Штип во изјава за МИА информираат дека собраќајот се пренасочува по експресниот пат и во тек е увид од страна на истражните органи.

Сообраќајот на државните патишта се одвива непречено, по претежно суви коловози.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.

РАБОТИ НА ПАТ:

Од 09.07.2024 11:00 часот, на десна коловозна лента на автопат Скопје - Куманово извршена била времена измена на режим на сообраќај, при што во должина од 1000 метри (пред НС Миладиновци до НС Миладиновци), сообраќајната лента за принудно запирање и сообраќајната лента за возење ќе бидат затворени, додека сообраќајот ќе се одвива по левата сообраќајна лента за претекнување.

Жикол Дооел Струмица известува дека поради вршење на градежни активности на објект: Реконструкција со проширување на регионален пат Р1109 делница Понов мост - влез во Богданци, сметано од 24.06.2024 година ќе биде поставен времен режим на сообраќај.

Времена измена на режим на сообраќај на регионален пат Р1306 делница Прилеп-Крушево -Сладуево, заради започнување со градежни активности во врска со проект Санација на оштетувања на регионален пат Р 1306 делница Прилеп-Крушево-Сладуево, во вид на слегнувања на трупот на патот на стационажа од км 15+100 до км 15+600. Заради тоа од 07.06.2024 год. сообраќајот ќе се одвива според одобрен сообраќаен проект за времен режим на сообраќај.

Времена измена на режим на сообраќај на автопат А1, делница Петровец - Катланово, заради извршување на градежни активности. Измената на режим на сообраќај ќе започне да се применува од петок, 31.05.2024, а во врска со проектот за завршување на работите на рехабилитација со проширување на наведената делница од автопатот.

Времена измена на режим на сообраќај на регионален пат Р1101 делница Прилеп - Битола заради интезивирање на градежни активности во врска со проект "Санација на трупот на патот кај мост на река Шемница на Државен пат Р1101 км 85+903, делница Прилеп - Битола", и тоа од 27.03.2024 ќе има целосно затворање на делницата.

На 26.03.2024 година од 14.15 часот извршена е времена измена на режимот на сообраќајот на делницата од автопатот 300м после надвозник „Маџари“ до клучка „Белви“ за време на поправка и рехабилитација на државен пат А1/А2 делница Скопје-Куманово (десна коловозна лента) каде што со ветикална сообраќајна сигнализација во должина од 200м сообраќајот се канализира и успорува од левата (за претекнување) сообраќајна лента во средната (за возење) сообраќајна лента за да потоа во должина од 1500м целиот сообраќај ќе се одвива по сообраќајната лента за претекнување (левата), а средната и сообраќајната лента за принудно запирање ќе бидат затворени за сообраќај.

Од 18.03.2024 г. има измена на режимот на сообраќај на државниот пат Р1101, делница Прилеп – Битола, заради интезивирање на градежните активности во врска со проект Санација на патот, кај мост на река Шемница.

Започнувајќи од 11.12.2023 год. ќе биде изменет режимот на сообраќај на магистралниот пат A3, делница Прилеп - Битола поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект. Времениот режим на сообраќај е со важност од 6 месеци, односно се до завршување на градежните работи.

Започнувајќи од 05.12.2023 год. е изменет режимот на сообраќај на државен пат A2, делница Тетово - Гостивар во двата правци на движење поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект. Времениот режим на сообраќај е со важност од 6 месеци, односно се до завршување на градежните.

Oд 24.11.2023 година од 16:00 часот режимот на сообраќајот на делницата од автопатот А-1, Куманово – ГП „Табановце “поточно кл. Куманово-кл. Кр. Паланка, десната сообраќајна лента за присилно запирање и застанување ќе биде затворена за сообраќај во должина од 500м, додека сообраќајот ќе се одвива по сообраќајната лента за возење и претекнување.

ГД Гранит АД Скопје известува дека согласно ново издаденото одобрение за времен режим на сообраќај поради изведување на градежни работи на Автопат А4, делница ГП "Блаце" - Скопје (клучка "Стенковец") Подделница 1 – од 08.11.2023 г. постоечкиот локален пат до с. Блаце од магистраниот пат А4 пред граничниот премин ќе биде затворен, а пристапот до с.Блаце ќе биде обезбеден по привремен пат пред граничниот премин, согласно поставената сообраќајна сигнализација. Останува и претходно воспоставениот времен режим на сообраќај согласно кој на 2 км пред граничниот премин "Блаце" на местото на изведување на градежните работи сообраќајот се одвива по двонасочен режим на сообраќај (со два нови кружни тека) и поставена соодветна сообраќајна сигнализација.

На 07.11.2023 година од 13:00 ч. извршена е времена измена на режимот на сообраќајот на делницата од Автопат А1, Пeтровец – Катланово - рехабилитација со проширување на автопатот А1 (лево и десно коловозот во двата правца) во должина од 6000 м, сообраќајот ќе се одвива по новоизградената коловозна лента (Катланово - Петровец) двонасочно, со вертикално поставена сигнализација, додека коловозната лента Петровец - Катланово ќе биде затворена за сообраќај.

Oд 24.10.2023 година ќе се започне со реконструкција на регионалниот пат 1301 (Охрид-Свети Наум). Сообраќајот ќе се одвива непречено и ќе биде регулиран со содветна сообраќајна сигнализација.

ГД Гранит АД Скопје известува дека согласно издаденото одобрение за времен режим на сообраќај на Автопат А4, делница ГП "Блаце" - Скопје (клучка "Стенковец") Подделница 1 - проширување на постоен пат А4 од ГП "Блаце" до с. Блаце до ниво на автопат и изградба на дел од автопат со клучка за поврзување со локален пат до с. Блаце, на 2км пред Граничниот Премин "Блаце" од 06.10.2022 г. на местото на изведување на градежните работи се одвива нов времен двонасочен режим на сообраќај (со два нови кружни тека) со поставена соодветна соорбаќајна сигнализација. Сообраќајот се одвива континуирано без застој. Препорака до возачите за прилагодена брзина на движење и почитување на поставената сообраќајна сигнализација.

Oд 11.9.2023 г. воспоставен е времен режим на сообраќај во тунелот на патниот правец Блаце – Скопје, поради изведување на градежни работи – санација на тунелот. Поставена е светлосна сигнализација со наизменично пропуштање на возилата.

БИОН ДОО Тетово известува дека од 20.05.2023 година на патниот правец "Државен пат А3, делница: Буково - Охрид, подделница Буково - влез во Охрид" ќе има измена на времениот режим на сообраќај поради изведување работи што се предвидени на објектот "Поставување на сообраќајна сигнализација и опрема на државен пат А3, делница Буково - Охрид, подделница Буково - влез во Охрид". Режимот ќе биде според сообраќајниот проект. Работите на објектот се предвидени да завршат на 29.02.2024.

Од 14.06.2023 година почнува проектот „Санација на трупот на патот Р1303, делница Македонски Брод – Прилеп, премин Барбаpос. Сообраќајот на овој патен правец ќе се одвива непречено со ограничување на максимална брзина до 30 км/час.

Поради изведување на градежни работи (реконструкција на коловозот) на патниот правец Подмоље – Охрид на магистралниот пат А3, сообраќајот ке биде пренасочен преку регионалниот пат Р-1208. Работите започнуваат на 09.6.2023 г., а на местото ќе биде поставена соодветна сообраќајна сигнализација.

Почнувајќи од 06.03.2023 г., на автопатот А1, делница Петровец – Катланово, започнуваат градежни активности поради што има изменет режим на движење на возилата. Сообраќајот се одвива непречено и се препорачува внимателно пристапување.

Поради изведување на работи на експресниот пат од Градско до Дреново на државен пат А1, делница Велес-Неготино, ќе се применува времена измена на режим на сообраќај. Времениот режим ќе се применува во двата правци на автопат Е-75. Сообраќајот ќе се одвива непречено, со брзина од V=80km/h во зона на градилиште. Режимот ќе се применува се до целосна изградба на новата клучка Градско.

На патниот правец Градско - Прилеп се изведуваат градежни активности и затоа препорачуваме внимателно возење и прилагодена брзина на движење.

На патниот правец Кичево - Охрид, поради градежни работи на повеќе делници, сообраќајот се одвива со девијации. Поставена е соодветна сообраќајна сигнализација и затоа препорачуваме строго почитување на истата и прилагодена брзина на движење

Авто мото сојуз на Македонија

Македонија

Николоски во Будимпешта ги презентираше капиталните инфраструктурни проекти

Николоски во Будимпешта ги презентираше капиталните инфраструктурни проекти пред министрите за транспорт на земјите од ЕУ.

Капиталните инфраструктурни проекти што се реализираат во државава, а кои се од клучно значење за поврзување со земјите од Западен Балкан ги истакнал вицепремиерот и министер за транспорт Александар Николоски во рамки на министерскиот состанок на министрите за транспорт на Европската Унија. Состанокот на министри во Будимпешта е организиран од Унгарија во рамки на нејзиното претседателство со Европската Унија.

Како што информира Министерството за транспорт, Николски изразил задоволство што два дена заедно со министрите за транспорт од ЕУ разговараале на многу важни теми од оваа област.

- Презентирав што прави македонската Влада во овие два и половина месеци. Прво, во однос на авиолиниите дека имаме нова политика на субвенционирање што очекувам следната година да донесе нови дестинации кон Скопскиот и Охридскиот аеродром, но исто така и над 20 отсто повеќе патници, повеќе туристи во Македонија, а за македонските граѓани повеќе можности да патуваат надвор од државата, истакнал Николоски.

Во однос на железницата, како што се наведува во соопштението, приоритет број еден за државата е изградбата на брзата пруга Скопје-Солун со 200 километри на час, која целосно треба да ја промени економијата и да ја поврзе државата со главните пристаништа, а на север со Централна Европа.

- Интензивно работиме и на изградба на железничкиот Коридор 8, каде првата секција од пругата кон Бугарија е скоро готова, втората секција се работи во моментов, а на третата секција имаме технички предизвици, кои се надевам дека ќе ги решиме во следниот период, како и предизвици во однос на проектирањето, а и секако сите други пречки кои што ги спомнав во периодот што беше пред нас. Но, се надевам дека ќе најдеме и заеднички јазик со цел да немаме пруга која што завршува во тунел кој не води никаде, потенцирал Николоски.

Во однос на изградбата на автопатиштата, Николоски посочил дека до крајот на годината ќе биде завршен експресниот пат Куманово - Крива Паланка, како и експресниот пат Прилеп - Градско.

- Интензивно работиме на Охрид - Кичево и во наредниот период многу ќе се работи на Кичево - Букојчани, на Букојчани – Гостивар, на Гостивар - Тетово, како и на Прилеп – Битола. Ова е една одлична можност да се разменат мислења, но исто така да се поканат потенцијални донори и инвеститори да дојдат во Македонија, да донираат и да инвестираат со цел побрзо да ги изградиме проектите што се пред нас, порачал Николоски во Будимпешта.

Свет

Ниедно место не е како дома: Бајден е домаќин на лидерите на „Квад“

Ниедно место не е како домa за Џо Бајден - затоа американскиот претседател ги носи лидерите на Австралија, Јапонија и Индија во својот сакан роден град Делавер на проштален самит денеска.

France 24/AFP

Ниедно место не е како домa за Џо Бајден - затоа американскиот претседател ги носи лидерите на Австралија, Јапонија и Индија во својот сакан роден град Делавер на проштален самит денеска.

Состанокот во Вилмингтон на еднократното претседателствување на Бајден ја одразува важноста што 81-годишникот и ја даде на таканаречената група „Квад“ (Квадрилатералниот безбедносен дијалог) како противтежа на Кина во подем.

Бајден ќе биде домаќин на индискиот премиер Нарендра Моди и на јапонскиот премиер Фумио Кишида на приватни, еден на еден состаноци во неговата куќа во градот на околу 176 километри од Вашингтон, откако таму се сретна со австралискиот премиер Ентони Албанес во петокот вечерта.

Сите лидери потоа ќе отпатуваат во поранешното средно училиште на Бајден во Вилмингтон на четиринасочна средба, по што ќе следи настан за неговата иницијатива „Месечината за ракот“, а потоа и вечера.

Додека Бајден се обидува да го утврди своето наследство по откажувањето од претседателските избори во ноември и предавањето на уздите на кампањата на Камала Харис, официјалните лица велат дека ќе има „испораки“ од самитот.

Тие ги вклучуваат првите заеднички вежби на крајбрежната стража меѓу четирите земји - клучен чекор во регионот каде што се присутни поморските тензии со Кина поради нејзините претензии кон Јужното Кинеско Море.

Висок претставник на администрацијата на Бајден инсистираше на тоа дека „ние на кој било начин нема да го сметаме ова за црвено знаме од каков било вид“ за Кина, нагласувајќи дека тоа е дизајнирано да го „подржува и спроведува меѓународното право“.

Белата куќа сепак соопшти дека Кина ќе биде „високо на агендата“ поради тензиите со Пекинг, особено поради серијата неодамнешни конфронтации меѓу кинеските и филипинските бродови во спорното Јужно Кинеско Море.

Но, самитот се одвива и во сенка на можното враќање на власт на Доналд Трамп, со неговата изборна трка против Камала Харис.

Групацијата Квад датира од 2007 година, но Бајден беше првиот што организираше лидерски самити и силно го турка како дел од акцентот на меѓународните сојузи по годините на изолационистичкиот Трамп.

„Ние сме доста уверени во фактот дека Квад ќе издржи“, рече висок претставник на администрацијата, додавајќи дека првите состаноци на министрите се одржаа во времето на администрацијата на Трамп.

За САД, Австралија и Јапонија, Квад е исто така долгорочно додворување на Индија. Њу Делхи традиционално инсистира на својот неврзан статус кога станува збор за натпревари меѓу суперсилите.

Белата куќа се соочи со критики за давање само ограничен пристап до печатот во текот на целиот викенд, при што новинарите се прашуваа дали тоа е на барање на медиумски срамежливиот Моди.

Но, пред се, самитот во родниот град на Бајден е „одраз на неговите длабоки лични односи со секој од четирите лидери“, рече портпаролката на Белата куќа, Карин Жан-Пјер.

Бајден е славно горд на својот дом во Вилмингтон и често ги поминува викендите таму, далеку од Белата куќа.

Долго време беше прибежиште за претседател кој отсекогаш се фокусираше на семејството, а во поголемиот дел од неговата обемна политичка кариера секојдневно патуваше во Вашингтон од таму.

Имотот се најде на насловните страници кога доверливи документи беа пронајдени во гаражата на Бајден, веднаш до неговиот спортски автомобил Корвета, во 2022 година. Бајден не беше обвинет.

Што ќе направат странските лидери за Вилмингтон - заедница од околу 71.000 луѓе чиј центар го има донекаде издлабеното и заморено чувство на многу американски градови по Ковид - останува да се види.

Македонија

ВМРО-ДПМНЕ:Љупчо Дон Николовски со народни пари плаќа 500 евра за една вечер во хотел

Љупчо Дон Николовски со народни пари плаќа 500 евра за една вечер во хотел.

СДС раскалашено се однесувале со народните пари.

На патување во САД, во Њу Јорк Дон Николовски изнајмил хотел, каде од вечер платил 500 евра, а во Чикаго 450 евра.

Дон Николовски не гледал како да помине по скромно, туку не штедел како парите да ги берел од дрво, заборавајќи дека всушност тоа се народни пари.

Во Рим Дон Николовски платил 300 евра хотелско сместување, а со Виена две вечери за 670 евра.

Дон Николовски живеел на висока нога со народни пари.

СДС наместо да работи за народот 7 години се луксузирале со нивните пари.

Со почит,

Центар за комуникации на ВМРО-ДПМНЕ

притисни ентер