Водел многу обичен живот, како и секој млад човек. Меѓутоа, по еден фестивал, неговиот живот се превртел.
Имено, тој работел со уште двајца машки модели на промотивниот штанд на културен фестивал во Ријад. Тогаш некои девојки го препознале и буквално се наредиле да се сликаат со него. Настанала гужва, а во едно интервју во 2015 година, тој рече дека „тоа не ѝ се допаднало на верската полиција“, што резултирало со следново - од него било побарано да го напушти фестивалот.
Според полицаецот, „членовите на Комисијата за промоција на доблеста“ и за спречување на пороците се плашеле дека посетителките ќе се заљубат во него.
Иако подоцна се верувало дека тој бил избркан од земјата, делегацијата на Саудиска Арабија подоцна објавила соопштение во кое појасниле дека Омар и уште две манекенки никогаш не биле замолени да ја напуштат земјата, туку само фестивалот, и тоа немало никаква врска со неговиот добар изглед. Но, тој веќе се поврзувал со голем број манекенки и женски посетители, што го довело во прашање обичајот во земјата жените да не комуницираат со мажи кои не се од нивното семејство.
Инцидентот станал една од највиралните приказни на Интернет откако неговите фотографии биле споделени на социјалните мрежи, тој бил поканет да дава интервјуа на различни телевизии и се појавил на насловните страници на разни списанија, меѓународниот печат го претставува како „најзгодниот Арапски човек во светот“.
Омар е роден во 1989 година во Багдад, но пораснал во Дубаи. Се интересирал за угостителство, па влегол во Меѓународниот институт за хотелски менаџмент, каде студирал хотелски менаџмент.
Во 2015 година се оженил со Јасмина Овеида со која добил син, но по три години раскинале. Живее и работи во Ванкувер, Канада.