Македонија

Во Њујорк прва средба Муцунски - Герапетритис

 Министерот за надворешни работи и надворешна трговија Тимчо Муцунски денеска ќе има средба со министерот за надворешни работи на Грција, Јоргос Герапетритис. 

Ова е прва средба меѓу двајцата министри, која ќе се одржи на маргините на 79. Генерално собрание на ОН.

На средбата, како што соопштија од Министерството за надворешни работи и надворешна тровија, ќе се разговара за актуелните регионални и меѓународни теми, како и за понатамошното продлабочување на билатералните односи и економската соработка меѓу двете земји.

Средбата ја потврдија и од грчкото МНР, посочувајќи дека на маргините на Генералното собрание, Герапетритис ќе има одделни билатерални средби со министрите за надворешни работи на Боливија, Македонија, Бахреин и Саудиска Арабија.

Шефовите на дипломатиите на двете земји првпат ќе имаат билатерална средба. На средината на јули, Муцунски и Герапетритис остварија телефонски разговор, а во фокусот беше справувањето со пожарите што тогаш беа активни кај нас.

Муцунски и Герапетритис денеска ќе учествуваат и на Министерскиот состанок на неформалната група „Пријатели на Западен Балкан“, во присуство на министрите за надворешни работи на земјите од Западен Балкан.

Mинистерот Муцунски, како што најавија од МНРНТ, ќе има значајни средби со претставници на земјите од А5, земјите членки на ПСЈИЕ, ОБСЕ Тројката, и ќе оствари билатерални средби со министри за надворешни работи на повеќе земји. Исто така, тој ќе одржи бизнис средби поврзани со надворешната трговија и странските инвестиции.

Планирано е министерот да се обрати на „Интерактивниот дијалог 2“ на тема „Зајакнување на мултилатерализмот за меѓународен мир и безбедност“, што е клучен настан за повторно обврзување на глобалното единство според Повелбата на ОН.

Дополнително, Муцунски ќе учествува и на вториот состанок на министрите за надворешни работи на земјите од Г20, како и на отворената дебата на високо ниво на Советот за безбедност на ООН на тема: „Лидерство за мир: Обединети во почитување на Повелбата на ООН во потрага по безбедна иднина.“

Свет

Иранската револуционерна гарда им забрани на припадниците да користат комуникациски уреди

Минатата недела во нападите на комуникациските уреди на Хезболах загинаа 39 лица, а повеќе од 3.000 беа повредени. 

Иранската револуционерна гарда (ИРГЦ) им нареди на сите членови да престанат да користат какви било уреди за комуникација откако илјадници пејџери и воки-токи користени од членовите на либанската милитантна група Хезболах во Либан експлодираа минатата недела, изјавија двајца високи ирански безбедносни претставници. Еден од нив рече дека во текот на големата операција спроведена од ИРГЦ се проверуваат сите уреди, а не само опремата за комуникација.

Тој посочи дека повеќето од овие уреди се од иранско производство или се увезени од Кина и Русија. Официјалниот претставник рече дека Иран е загрижен за инфилтрацијата на израелски агенти, вклучително и Иранци на платниот список на Израел, велејќи дека во тек е темелна истрага насочена кон членовите на ИРГЦ од средна и висока позиција.

Тој додаде дека истрагата вклучува преглед на нивните банкарски сметки во Иран и во странство, како и нивните патувања и на членовите на нивните семејства.

Официјалниот претставник истакна дека Иран ја зголемил безбедноста на нуклеарните и ракетните локации.

Минатата недела во нападите на комуникациските уреди на Хезболах загинаа 39 лица, а повеќе од 3.000 беа повредени. /МИА

Свет

ИДФ изведе десетици воздушни напади врз јужен Либан

Израелските одбранбени сили (ИДФ) соопштија дека од рано утринава извршиле десетици воздушни напади во јужен Либан.

„Тајмс оф Израел“ пренесува дека ИДФ изведува „широки“ напади врз цели на Хезболах во јужен Либан.

Снимки на социјалните мрежи покажуваат големи експлозии во јужен Либан, за кои се верува дека се дел од засилените израелски напади, што ИДФ ги најави утринава.

Скај Њуз јавува за десетици воздушни напади во јужен Либан. Голем облак од чад може да се забележи и над либанско-израелската граница.

Израел наведува дека денешните напади се очекува да бидат посилни од вчерашното силно бомбардирање.

Армискиот портпарол, контраадмиралот Даниел Хагари, утринава изјави дека жителите на јужен Либан добиле порака да се држат настрана од позициите на Хезболах.

Последниот бран воздушни напади уследи по напнатиот вчерашен ден во кој Хезболах истрела повеќе од сто ракети врз северен Израел, од кои некои паднаа во близина на градот Хаифа./МИА

Македонија

Герасимовски: Поставивме 720 фотоволтаични панели на покривот на ООУ „Киро Глигоров“

Основното училиште „Киро Глигоров“ е вториот објект во Општина Центар кој доби фотоволтаични панели на покривот.

На кровната површина се поставени 720 панели со максимална инсталирана моќност од 396,00 Kw (киловати) за производство на електрична енергија. Нивниот приклучок се очекува наскоро, а градоначалникот на Општина Центар Горан Герасимовски информира дека целиот процес за набавка и инсталирање на фотоволтаичната централа е од општинскиот буџет и е во висина од 7.3 милиони денари.

„Според истражувањата на пазарот, за реализирање на оваа инвестиција од општинскиот буџет првично планиравме 18 милиони денари, ама на Јавната аукција цената се симна на 7.3 милиони денари. Со поставувањето на оваа фотоволтаична централа ние очекуваме значително да се намалат вкупните трошоци за електрична енергија, што нам како локална самоуправа ќе ни овозможи да вложиме повеќе средства во одржување на високиот квалитет на услугите за образование на децата, потенцира Герасимовски.

Минатата година Општина Центар по само неколку месеци од основањето на трговското друштво за производство и продажба на „Енергија Центар“ ја постави првата фотоволтаична централа на кровот на градинката „Пепелашка“.

Со почит,

Општина Центар

притисни ентер