Со тоа ќе поевтинат цените на брашното, оризот, млечните и сувомеснатите производи, зеленчукот и овошјето. На листата на таканаречената есенска кошница со намалени производи се најдоа 73 производи а ваквата одлука доаѓа откако Државниот завод за статискика објавил дека значително пораснале трошоците за живот од декември лани, до август годинава, а најголемо зголемување е забележано кај овошјето од дури 11,1 проценти и кај безалкохолните пијалоци од 9,4 проценти.
Намалените продукти ќе бидат обележани со ознаката „Помалку трошоци, повеќе за тебе, а одлуката ќе стапи на сила по објавување во Службен весник и ќе трае до 31 октомври.
Во одговор на нашето прашање, што по завршување на овој период, по загриженоста на економистите дека цените нагло може да скокнат, Дурмиши рече дека до тогаш ќе стапи на сила Законот за нефер трговски практики, со кој за 2.548 прозводи ќе се ограничи рабатот на 10%, со цел да се држат цените пристапни за крајните потрошувачи.
Ваквата мерка денеска ја поздрави и Сојузот на синдикати, Претседателот Слободан Трендафилов рече дека е неприфатливо сезонските производи да се продаваат по цени како надвор од сезона.
Премиерот Христијан Мицкоски денеска нагласи дека вакви мерки ќе бидат носени пред секој празник како божиќна, рамазанска, велигденска мерка.