Рецепти

ВИЕНСКИ РОЛАТ

Рецепт на: ВАЛЕНТИНА КОСТОВСКА

Потребни состојки:

за пандишпан: 6 јајца, 6 лажици шеќер, 6 лажици мелени ореви и 3 лажици брашно.

за крем: 600 мл. млеко, 170 гр. шеќер, 2 пудинга од ванила, 100 гр. маргарин и 100 гр. чоколада.

за смеса за салама: 200 гр. ореви, 150 гр. бисквити, 150 гр. шеќер во прав, 1 филџан млеко, 100 гр. маргарин, 100 гр. чоколада и 2 лажици рум.

Постапка:

Во подлабок сад се матат со миксер 6 јајца и се додаваат 6 лажици шеќер.

Потоа се додаваат 6 лажици мелени ореви и 3 лажици брашно.

Состојките добро се мешаат и добиената смеса се распоредува во плех со готварска хартија.

Се пече во загреана рерна 15 минути на 200 степени.

Во тенџере со 600 мл. млеко се става 170 гр. шеќер и 2 пудинга од ванила и се вари се додека не се згусти пудингот.

Во друго тенџере на оган се ставаат: 150 гр. шеќер во прав, 200 гр. мелени ореви, 100 гр. маргарин и 1 филџан млеко.

Состојките се варат и потоа се додава 100 гр. чоколада.

Откако ќе се стопи чоколадата, тенџерето се трга од оган и се додаваат 150 гр. мелени бискити.

Сите состојки, заедно со 2 лажици рум треба добро да се измешаат.

Од добиена смеса со фолија се формира салама која се остава да се излади во фрижидер.

Во подлабок сад со миксер се мати изладениот пудинг и маргарин.

Добиената смеса се дели на два дела.

Во едниот дел се додава 100 гр. стопена чоколада, а другиот останува жолт.

На пандишпанот се нанесува чоколадниот фил на целата површина, а врз него жолтиот фил.

Врз нив се става саламата и се витка ролат.

Ролатот се става во фрижидер да се стегне и потоа се филува со чоколада или крем по желба.

Свет

Украина соопшти дека во изминатата ноќ соборила 23 дронови лансирани од Русија

Украинската противвоздушна одбрана соопшти дека синоќа соборила 23 од вкупно 24 дронови камикази лансирани од Русија на територијата на Украина.

Соопштението било објавено на социјалната мрежа Телеграм од украинските воздухопловни сили.

Оттаму посочија дека беспилотните летала биле лансирани од територијата на Курската област во Русија и Крим. Се додава дека воздушниот напад бил одбиен, а беспилотните летала биле соборени над регионите Харков, Херсон и Дњепропетровск, забележува Укринформ.

НБА

Јокиќ: Минесота е одличен и талентиран тим, ќе се бориме до крај

Кошаркарот на Денвер, Никола Јокиќ изјави дека Минесота е голем и талентиран тим, но истакна дека Нагетс ќе се борат за пласман во следната фаза од плејофот во НБА лигата, пренесуваат американските медиуми.

Минесота вечерва го победи Денвер со 106:99 и поведе со 1:0 во полуфиналето од плејофот на Западната конференција на НБА.

-Тие се одличен тим, талентирани. Покажаа зошто беа први на табелата во поголемиот дел од оваа сезона, изјави Јокиќ на прес-конференцијата по натпреварот.

Српскиот ас на прес-конференцијата се пошегува кога го прашаa што треба да се поправи и што да прави бидејќи играчите на Минесота постојано му се менувале во одбрана.

-Би сакал да имам клон, знаеш, да излезам да одморам и тој да игра. Потоа се враќам свеж. Ми ставија високи играчи, добри скокачи, дефанзивци... Беа агресивни. Јас сум среќен со ударите што ги упатив, некои не, но тоа е кошарката, ќе се обидеме да ги победиме во следниот натпревар, додаде Србинот.

Фудбал

Меси се запиша во историјата на МЛС лигата – гол и пет асистенции

Мајами веројатно беше разочаран од НБА тимот кој беше елиминиран на стартот од плеј-офот, но затоа уживаат во фудбалскиот тим и вештините на Лионел Меси. 

Интер ја задржа лидерската позиција во Источната конференција и по 12. коло декласирајќи го Њујорк Ред Бул со 6:2 во дербито, со гол и пет асистенции на Меси и „хет-трик“ на Луис Суарез.

Водството на гостите од Њујорк на полувремето (Ванциер 30), го инспирираше Лео Меси да испише историја на МЛС. На Рохас му „сервираше“ два гола (48, 62), во меѓувреме донесе предност (50), а потоа трипати му испрати асистенција на Луис Суарез (69, 75, 81). Тој стана првиот играч во сезоната со 10 постигнати голови и прв играч во историјата на оваа лига со пет асистенции на еден натпревар.

Голот на Емил Форсберг во седмата минута од судиското надополнување ни малку не го расипа славјето.

Откако се опорави Меси, Интер е незапирлив, води на Истокот по 12 меча со 24 бода, Синсинати има три помалку и меч помалку. Торонто е трет со 19, а Њујорк останува четврти со 17 бодови.

притисни ентер