Регион

Уништена лабораторија за кокаин и хероин во Приштина, уапсени две лица

Косовската полиција соопшти дека во акција, спроведена по десетмесечна истрага, синоќа во подрум на куќа во населбата Сончев брег Приштина открила и уништила лабораторија за обработка на кокаин и хероин, при што уапсила две лица.

Косовската полиција соопшти дека во акција, спроведена по десетмесечна истрага, синоќа во подрум на куќа во населбата Сончев брег Приштина открила и уништила лабораторија за обработка на кокаин и хероин, при што уапсила две лица, јави дописникот на МИА од Приштина.

Во акцијата на Единицата за антидрога и на Управата за борба против трговијата со наркотици на Полицијата на Косово, откриени се и одредена количина дрога хероин и кокаин и работен алат за преработка на наркотични материи, како и околу седум килограми дрога во цврста состојба.

-Постојат сомнежи дека оваа лабораторија за преработка на наркотичните супстанции хероин и кокаин осомничените ја користеле подолг временски период, при што по преработка на истите материи ги пакувале во мали дози за продажба во различни региони на земјата. Косовската полиција со своите единици за борба против дрогата останува посветена на спречувањето и сузбивањето на употреба, одгледување или продажба на наркотични супстанции, а строги законски мерки ќе бидат преземени против сите инволвирани во такви кривични дела кои на еден или на друг начин ги загрозуваат здравјето и безбедноста на нашите граѓани, се вели во соопштението на полицијата.

Свет

Шри Ланка избра нов претседател

 Шри Ланка за нов претседател го избра марксистичкиот Анура Кумара Дисанајаке (55), кој ветува дека ќе се бори против корупцијата и ќе го поттикне кревкото економско закрепнување по најтешката финансиска криза во последните децении.

Дисанајаке ги победи актуелниот претседател Ранил Викремесинге и лидерот на опозицијата Саџит Премадаса и стана 10-ти претседател на Шри Ланка.

Изборите, исто така, претставуваа референдум за Викремесинг кој го води кревкото закрепнување на силно задолжената земја од економскиот колапс во 2022 година.

Дисанајаке доби три отсто од гласовите на последните избори.

Мерките за штедење кои беа клучни за тоа закрепнување придонесоа за нејзиниот пораз.

Тој заврши на третото место со 17 отсто од гласовите.

Дисанајаке освои 5,6 милиони или 42,3 отсто од гласовите, што е огромен скок од три отсто што ги доби на последните претседателски избори во 2019 година.

Премадаса беше втор со 32,8 отсто по првиот круг пребројување на гласовите.

По втор пат во историјата на Шри Ланка, претседателската трка беше решена со втор круг на броење, откако двајцата водечки кандидати не ги освоија потребните 50 отсто од гласовите за да бидат прогласени за победници на изборите.

Шоу биз

Џеј Ло „уловена“ пред клиника

Светската музичка ѕвезда Џенифер Лопез закажала операција на една очна клиника во Лос Анџелес, долго време го има овој проблем.

Додека процесот на развод со актерот Бен Афлек е при крај, мегапопуларната Џеј Ло решила да се фокусира на себе и на своето здравје. Таа е фотографирана пред клиника во Лос Анџелес.

„Жешката„ латиноамериканка веќе подолго време има проблеми со видот и сега дошла на клиниката за да се консултира за операција на окото, а болничкиот персонал чекал на паркингот и ја упатил понатаму.

Пејачката е фотографирана во крајно опуштено, но и модерно издание. Во широки фармеки кои се апсолутен хит оваа сезона.

Фудбал

Германската фудбалска федерација го сака Клоп за селектор

 Спортскиот директор на германската репрезентација Руди Фелер одговори на прашањето кој би можел да го наследи Јулијан Нагелсман на местото селектор на националниот тим.

-Доколку Јулијан Нагелсман во одреден момент одлучи дека би било подобро тој повторно да биде тренер на друг клуб, тогаш секако дека ќе го земеме предвид Клоп.

Клоп долго време работеше надвор од Германија. Се разбира, ние во федерацијата многу го цениме. Јирген Клоп имаше неверојатна кариера, изјави Фелер за тамошните медиуми.

Минатото лето Клоп го напушти Ливерпул, каде работеше од октомври 2015 година. Германскиот стручњак кон крајот на јули објави дека се повлекува од тренерската кариера.

Нагелсман ја презеде германската репрезентација во септември минатата година. Неговиот договор со репрезентацијата е до летото 2026 година.

притисни ентер