Свет

Украинската Рада за 12 милијарди долари ги зголеми буџетските расходи за одбрана

 Украинскиот парламент денеска за 500 милијарди украински гривни (12,05 милијарди долари) го одобри зголемувањето на расходниот дел од државниот буџет на земјата, објави УНИАН.

Дополнителните средства ќе бидат насочени кон одбранбениот сектор на земјата опустошена од руската воена агресија, наведуваат украинските пратеници.

Со денеска одобреното зголемување, расходниот дел од украинскиот буџет се зголемува за околу 13 отсто на речиси 90 милијарди долари. Дополнителните средства се потребни за исплата на „воените надоместоци“ на војниците и офицерите кои се борат со руската армија, забележа ДПА.

Украинската економија е тешко оштетена откако Русија во февруари 2022 година ја започна својата инвазија врз земјата. Владата во Киев се соочува со буџетски дефицит од 400 милијарди до 500 милијарди украински гривни (од 9,64 до 12,05 милијарди долари), наведуваат украинските власти. Тие посочуваат дека владата планира годинава да го покрие буџетскиот дефицит со зголемување на даноците, намалување на социјалните трошоци и преку нови заеми, вклучително и од Европската унија.

Украинската Централна банка постепено ја обезвреднува украинската гривна за да го обезбеди реализирањето на буџетот. ДПА забележува дека од почетокот на годината, националната валута - гривна, поевтини за околу осум отсто во однос на доларот и за речиси 10 отсто во однос на еврото.

Украинската влада од почетокот на годинава доби помош во износ од околу 16 милијарди долари од западните земји кои ја поддржуваат Украина. Според податоците на Министерството за финансии во Киев, од февруари 2022 година до крајот на 2023 година, меѓународната помош за земјата изнесува 73,6 милијарди долари./МИА

Забава

Видео: Џорџ Клуни и Бред Пит ги воодушевија жените во елегантно издание

Најголемите холивудски заводници, актерите Џорџ Клуни и Бред Пит повторно ги воодушевија жените. 

Модно координирани, елегантни и расположени Бред Пит и Џорџ Клуни се појавија на премиерата на филмот „Волци“ во Лос Анџелес. Џорџ Клуни и Бред Пит беа модерно усогласени - и двајцата избраа елегантни одела.

Бред Пит носеше беж костум, бела кошула и беж чевли. Лежерно го откопча костумот, а на неговиот лежерен изглед му додадоа и очилата за сонце. Неговиот колега и колега во филмот „Волци“, Џорџ Клуни, се одлучи за елегантен црн костум.

Клуни под добро скроениот костум облече црна кошула, а избра ремен со дискретна тока. Актерите изгледаат неверојатно во шеесеттите години и пленат со шарм каде и да се појават. Покрај тоа, тие се и добри пријатели познати по одличната смисла за хумор. Тие одлично се забавуваа додека го промовираа својот нов филм. Така беше и на премиерата во Лос Анџелес, каде весело им позираа на бројните фоторепортери, пренесува Информер.

Шоу биз

Видео: Меланија Трамп за совите голи фотки: Гордо стојам зад нив

Сопругата на американскиот милијардер и екс претседател Доналд Трамп, убавата Меланија Трамп неодамна ја најави својата нова книга, мемоари, која ќе биде исполнета со фотографии од различни периоди од нејзиниот живот,.

Сопругата на американскиот милијардер и екс претседател Доналд Трамп, убавата Меланија Трамп неодамна ја најави својата нова книга, мемоари, која ќе биде исполнета со фотографии од различни периоди од нејзиниот живот, вклучувајќи ја и долгата кариера како модел.

Нејзиното најново промотивно видео беше објавено неодамна на мрежите, а таа не штедеше труд да ги велича своите фотографии, споредувајќи ги со делата на најголемите уметници, како што е Микеланџело.

- Зошто гордо стојам зад мојата гола манекенска работа? Поважното прашање е зошто медиумите решија внимателно да ја разгледаат мојата прослава на човечкото тело во модната фотографија? Дали веќе не можеме да ја цениме убавината на човечкото тело? - вели Меланија. Целото видео е придружено со нејзиниот глас, додека прикажува фотографии од уметнички дела, како што е статуата на Давид од познатиот Микеланџело. Секако, таа не ги откри своите фотографии.

- Низ историјата мајсторите уметници ја почитувале човечката форма, предизвикувајќи длабоки емоции и восхит. Треба да ги почитуваме нашите тела и да ја прифатиме безвременската традиција на користење на уметноста како моќно средство за самоизразување, вели таа.

Ова е четврто видео што Меланија Трамп го објави на своите профили на социјалните мрежи пред објавувањето на нејзините мемоари, кои ќе бидат објавени на 1 октомври. Многу необична маркетинг стратегија за да ги натера луѓето да ја нарачаат однапред нејзината книга.

Свет

Украина за прв пат учествуваше во вежба на НАТО за борба со дронови

 Украина за првпат учествуваше во вежбата со беспилотни летала на НАТО, што се одржа од 10 до 20 септември во Холандија, соопшти прес-службата на алијансата.

Повеќе од 450 претставници од 19 земји на НАТО и три земји партнери учествуваа на годишната вежба, на која беше тестирана техничката интероперабилност на мерките за спротивставување на беспилотни летала.

-За првпат Украина учествува заедно со претставници на приватниот сектор и научната заедница, соопшти прес-службата на НАТО, додавајќи дека сојузниците тестирале повеќе од 60 системи и технологии како што се сензори, системи за водење беспилотни летала, заглавувачи и кибер-пресретнувачи.

Учеството на Украина е усогласено со Патоказот за иновативна соработка меѓу НАТО и Украина, одобрен на Самитот на Алијансата во Вашингтон.

притисни ентер