На ден 25. ноември 2024 година, амбасадорот на Република Турција, Н.Е. Фатих Улусој, оствари работна посета на седиштето на Бошњачкиот демократски сојуз (БДС). При посетата, амбасадорот Улусој се сретна со претседателот на БДС, г. Мунир Колашинац, заменик-претседателот на БДС, г. Зеќир Курбардовиќ и претседателот на Бошњачкиот национален совет- Џевад Хот.

Тема на разговорите беше продлабочувањето на соработката помеѓу Турција и Бошњаците во Република Македонија, како и унапредувањето на заедничките интереси во повеќе области, вклучувајќи ги политиката, економијата и културата. Амбасадорот Улусој посочи дека Турција останува посветена на помагање во развојот на земјата, додека пак Претседателот на БДС, г. Мунир Колашинац, ја поздрави посетата и истакна дека односите меѓу Турција и Бошњаците во Република Македонија се исклучително важни за развојот на регионот, додека заменик-претседателот, г. Зеќир Курбардовиќ, ја нагласи важноста на турската поддршка за бошњачката заедница во земјата, а претседателот на Бошњачкиот национален совет Џевад Хот, истакна дека континуираната поддршка на Турција е од клучно значење за зајакнување на правата на бошњачката заедница во Македонија и регионот. Оваа посета е уште еден чекор во зајакнувањето на историските и пријателските врски помеѓу двете земји и заедничкиот ангажман за стабилен и просперитетен Балкан.

Бошњачки демократски сојуз

По повод Меѓународниот ден за борба против насилството врз жените, градоначалникот Герасимовски ја истакна важноста од давање поддршка за жртвите и превенција во справувањето со овој сериозен проблем.

- Покрај психичкото и физичкото насилство врз жените кое е секојдневно, особено загрижува растечкиот тренд на онлајн насилство. Општина Центар ќе продолжи да создава поддржувачка средина, да ги поттикнува жртвите да го пријавуваат насилството, ќе ја засили соработката со институциите и стручните служби и ќе организира активности за едукација на младите за опасностите од дигиталнaта агресија, истакна Герасимовски, посочувајќи ги последните истражувања според кои речиси 70 проценти од жените во земјава биле изложени на ваков вид вознемирување.

Општина Центар преку соработка со Националниот совет за родова рамноправност овозможува бесплатни советодавни услуги од психолог, правник и социјален работник за граѓаните кои претрпеле насилство или биле било како злоупотребени. Овие услуги се обезбедуваат од страна на стручни тимови од различни области со цел да им се понуди соодветна помош и поддршка на сите на кои им е потребна.

Заедно можеме да изградиме безбедна средина за жените и девојчињата. Вашата акција е важна!

Општина Центар

Членот на преодниот претседателски совет на Хаити, Едгар Лебланк Филс, ги критикуваше изјавите на францускиот претседател Емануел Макрон, кој беше снимен како лидерите на оваа карипска земја ги нарекува „тотални морони“. Филс во изјавата рече дека Макрон со тоа ја навредил целата нација која „минува низ мрачни времиња“.

Макрон беше снимен како ги нарекува „морони“ на маргините на состанокот на Г-20 во Бразил претходно овој месец, додека ја критикуваше одлуката на Советот за ненадејно разрешување на премиерот Гери Конел по само шест месеци на функцијата.

Забелешките на Макрон го поттикнаа Министерството за надворешни работи на Хаити да го повика францускиот амбасадор на Хаити на брифинг кон крајот на минатата недела, нарекувајќи ги коментарите на францускиот лидер „непријателски и несоодветни“.

Лебланк рече дека „Макрон не се двоумел да интервенира во прашање што во суштина ги засега само властите на Хаити, изјавувајќи ја својата поддршка за поранешниот премиер Конил“.

Лебланк ја искористи можноста да критикува како Франција, нејзиниот поранешен колонијален господар, го принуди Хаити да му плати милијарда долари за да ја добие својата независност.

Хаити е зафатен од насилство на банди кои контролираат големи делови од земјата и главниот град Порт-о-Пренс. /МИА