Македонија

Трипуновски: За шест месеци исплатени над 4,3 милијарди денари субвенции

За шест месеци исплатени над 4,3 милијарди денари субвенции, за два дена префрлени над 1,7 милијарди денари на околу 78 000 земјоделци.

Министерот за земјоделство, шумарство и водостопанство, Цветан Трипуновски денеска, на прес-конференција во Владата, соопшти дека за шест месеци се исплатени над 4,3 милијарди денари субвенции, а за два дена се префрлени над 1,7 милијарди денари на околу 78 000 земјоделци.

Како што истакна Трипуновски, Владата ја покажува грижата за македонските земјоделци на дело.

-Владата со ребалансот обезбеди над 1 250 000 000 денари за да ги исплати заостанатите обврски кон македонските земјоделци. Работевме напорно изминатите шест месеци и ги исплативме сите заостанати обврски од претходните години во висина од над 2,5 милијарди денари. Претходните два дена, пак, исплаќавме субвенции за 2024 година. Над 294 милиони денари кон 4 533 производители за кравјо, овчо и козјо млеко се исплатени за првите шест месеци од годинава, со околу 83 милиони денари кон 10 727 македонски земјоделци е исплатена мерката 1.4 Директни плаќања за обработлива земјоделска површина, а повеќе од 392 милиона денари кон 23 626 земјоделци се реализирани за мерката 1.1. Директни плаќања за обработливa земјоделска површина за сите поледелски култури, рече министерот.

Според него, реализирани се и преку 233 милиони денари денари кон 9 172 македонски земјоделци за мерката 1.2 Дополнителни директни плаќања за подмерка 1.1 за употреба на сертифициран семенски материјал, околу 118 милиони денари кон 8 729 земјоделци за мерката 1.8 односно Директни плаќања за обработливa земјоделска површина за одржување на постоечки овошни насади, 146 милиони денари кон 13 412 земјоделци за мерката 1.11 Директни плаќања за обработливa земјоделска површина за одржување на постоечки лозови насади, како и околу 417 милиони денари кон 8 680 земјоделци за сточарско производство од Програмата за 2024 година.

Трипуновски напомена дека секој во земјава што решил да се занимава со земјоделство, заслужува навремена и тековна исплата на финансиската поддршка.

-Во минатото сервисирањето на тековните субвенции кон нашите земјоделци беше мисловна именка, а денес е реалност. За изминативе шест месеци од кога е формирана Владата предводена од ВМРО-ДПМНЕ се исплатени над 4,3 милијарди денари кон македонските земјоделци. Бројките и делата говорат дека не пишуваме политички флоскули, ниту кажуваме лажни ветувања, напротив, нашиот збор и нашето ветување кон земјоделците е реалност. Земјоделците овојпат имаат вистински партнер во Владата и во Министерството. Заедно ќе креираме нови мерки за 2025 година и нови политики за да го вратиме македонското земјоделство на пиедесталот, потенцира Трипуновски.

Бројот на регистрирани земјоделци во земјава денес е околу 65 000, за разлика од пред десетина години кога изнесуваше 90 000, лозарството е во сериозен пад, а сточарството брои 140 000 грла крупен добиток иако пред речиси една деценија имаше 260 000, вели министерот за земјоделство, шумарство и водостопанство Цветан Трипуновски.

Трипуновски денеска, на прес-конференција, рече дека Владата се занимава со исплаќање заостанати субвенции кои требало да бидат тековно исплатени кон сите земјоделци.

На новинарско прашање, кое е најоптимистичкото сценарио или за колку време би се вратила состојбата на македонското земјоделство како пред 10 години, Трипуновски е дециден дека за да се покажат првите резултати, мора да помине барем една производна година.

Според министерот, идната година приоритет ќе бидат стратешките култури, пченицата, јачменот, пченката, градинарството, како и сточарското и млекопроизводството.

-Од претходната неуспешна влада наследивме ситуации кои таа ги креираше. Сега ги залечуваме раните, ги враќаме состојбите во нормала. Од наредната година ќе имаме сериозни показатели дека навистина имаме зголемено земјоделско производство. Сега, практично, исплаќаме заостанати субвенции што требало да бидат тековно исплатени и тоа е една од причините зошто нашето земјоделство има сериозен пад. Затоа и повеќе увезуваме од што произведуваме, а ги имаме сите предиспозиции за квантитетно и квалитетно земјоделско производство. Она што изминатите шест месеци Владата и Министерството го покажаа кон земјоделците е враќање на нивната доверба кон институциите. Историската исплата што ја реализиравме кон македонските земјоделци е показател дека навистина сме посветени Македонија да ја вратиме да биде лидер во земјоделското производство. Со новите програми што ги проектираме за 2025-та и со оваа историска исплата што ја правиме годинава, праќаме сигнал дека навистина сакаме и ќе бидеме сериозен партнер на земјоделците, рече Трипуновски.

Тој напомена дека Владата со ребалансот и со пренамена на други програми, со префрлање средства на сметката на Платежната агенција, ги затвори сите заостанати обврски наследени од претходната власт.

-Имаше заостанати обврски за 2023, 2022, 2021, па дури и за 2020 година. Сега ја затвораме календарската 2023-та и имаме сериозна исплата на субвенции од тековната 2024 година. Вкупно 1 700 000 денари се за исплата за 2024 година. Ова никогаш не се случило во македонското земјоделство, покажуваме дека навистина и премиерот и Владата и Министерството со оваа финансиска инјекција за македонските земјоделци сакаме да го вратиме секторот таму каде што некогаш беше, подвлече Трипуновски.

Министерот порача дека фокус во Програмата за 2025 година ќе биде се што дозволуваат климатските услови во земјава за квалитетен производ.

Автомобилизам

Драматично опадна продажбата на Сајбертрек на Тесла

Иако Tesla Cybertruck во 2024 година забележа одлични резултати на пазарот, продажбата на овој модел почнува да губи на интензитет.

Сè подолгиот период на чекање за продажба и падот на бројот на регистрации укажуваат на промена на интересот на клиентите.

Според последните податоци, просечниот Cybertruck сега се чека на продажба дури 75 дена, додека во мај тој период бил само 27 дена. Паѓаат и регистрациите на овој модел: од 5.428 нови единици регистрирани во август, бројката падна на 4.335 во септември и 4.039 во октомври.

Тесла се обидува да ја зголеми продажбата со агресивно намалување на цените. Лизингот за Cybertruck беше намален од 999 долари на 899 долари месечно во ноември, со дополнителни поволности како што се три месеци бесплатно брзо полнење и технологија за целосно самостојно возење за сите нарачки испорачани до крајот на годината.

Експертите наведуваат дека проблемот лежи во самиот производ. Уникатниот дизајн на Cybertruck привлекува внимание, но не успева да ги придобие поконзервативните купувачи на пикапи, кои претпочитаат да се одлучат за докажани модели од Ford, Chevrolet и GMC. Додека тие модели често чинат слично колку Cybertruck, купувачите знаат што добиваат, за разлика од моделот на Tesla кој предизвикува двоумења.

Овој пад не ја одразува состојбата на пазарот на електрични возила во целина – на пример, европскиот пазар на електрични возила расте. Сепак, штрајкот во Тесла доаѓа во клучен момент кога конкуренцијата сè поагресивно влегува во игра.

Како Tesla ќе одговори на овој предизвик зависи од нивната способност да понуди модели со пристапни цени и да ја освежи нивната моментална постава. Контроверзната репутација на Маск дополнително ја комплицира ситуацијата, но иднината на компанијата останува интригантна.

Свет

Данската премиерка: Направив резерви со конзервирана храна поради страв од напад

Данската премиерка Мете Фредериксен рече дека три дена складирала конзервирана храна и други основни работи поради страв од руски напади.

„Ги следам препораките на властите и верувам дека Данците треба да го сторат истото... Исклучително е важно да се држиме заедно“, изјави Фредериксен за dr.dk.

Според неа, потребно е да се складира не затоа што се очекува напад врз Данска, туку наводно поради ризик од сајбер или хибриден напад.

Фредериксен нагласи дека поголема одговорност за безбедноста на Данска мора да се преземе во текот на 2025 година.

Оваа година, данската агенција за управување со вонредни состојби ги советуваше Данците како да се подготват за кризни ситуации и препорача секој жител на Данска да се снабди со три литри вода дневно, храна за три дена, комплет за прва помош со лекови, лични хигиенски производи и топла облека, пренослив полнач, фенерче, готовина, свеќи, кибритчиња и радио приемник.

Рускиот претседател Владимир Путин во интервју за американскиот новинар Такер Карлсон изјави дека Русија нема да ги нападне земјите на НАТО. Путин истакна дека западните политичари редовно го заплашуваат своето население со наводната руска закана за да го одвлечат вниманието од внатрешните проблеми.

Скијање

Со хеликоптер е пренесен тешко повредениот скијач од патеката во Бормио- излета од патеката

Страшни сцени се случија денеска во Италија, во Бормио, каде на тренинг францускиот скијач и ѕвезда Сипријано Саразан тешко се повреди кога излетал од патеката и завршил во заштитна ограда.

На моменти се чинеше дека Сипријано е неподвижен, но добрата вест која ја пренесува Еуроспорт е дека е свесен.

Но, поради природата на повредите тој морал итно со хеликоптер да биде пренесен во болница, а на социјалните мрежи се појавија видеа од самиот чин на извлекување на францускиот скијач од патеките во Бормио.

Сипријано изгуби контрола по еден скок, а Француската скијачка федерација најави дека во болницата ќе бидат извршени дополнителни контроли.

Претходно беше познато дека Бормио ја има една од најнеизвесните патеки на целото Светско првенство и несреќите не се ретки. Тука ќе се одржуваат и трки на Олимписките игри во 2026 година.

- Патеката е многу ледена и е голем предизвик ако ја споредиме со Вал Гардена (каде се одржа претходната трка), а сите знаеме какви опасности демнат - изјави за Еуроспорт швајцарскиот скијач Застан Мауриције.

притисни ентер