Македонија

Трипуновски: Струмичани пијат неисправна вода, Општината недоволно се справува со хаваријата

Владата се нуди за помош.

Со оваа денешна прес конференција не е за да креваме паника помеѓу граѓаните, туку како Министерство и како Влада сакаме да ставиме акцент и да понудиме помош и поддршка со итно да се реши проблемот во делот на снабдување со вода за пиење во општина Струмица.

Деновиве ова што се случува во општина Струмица е сериозен проблем и претставува еден вид на еколошка катастрофа.

Жителите на општина Струмица се оставени повеќе дена без пивка вода за пиење, со што здравјето на граѓаните е сериозно загрозено.

Во Струмица не може да се користи водата за пиење од градскиот водовод поради неможноста фабриката за вода која што ја поседува општина Струмица да ја прочисти до фаза да биде вода за пиење.

Истата вода која што се снабдува од браната Турија во тој регион. Водата може едноставно да се користи како техничка вода.

Ова што деновиве се случува е резултат на долгогодишното лошо менаџирање од страна на општината Струмица. Лошото менаџирање во последните неколку години во делот на водоснабдувањето е директна причина за ова што денес се случува.

Градоначалникот со неговиот тим требаше многу порано да превенира за да не дојде до оваа ситуација во која што се соочуваат денеска граѓаните на општина Струмица.

Костадинов треба да одговори на своите сограѓани зошто до денес не е воопшто инвестирано во нов и подобрување на систем за филтрација на водата, без ниту еден проект или било каква инвестиција со цел ставање во целост на функција на водоводната мрежа во општина Струмица.

Ако Костадинов ги имал сите информации, зошто досега не свикал Совет или да имал било каква координација, да формира било какво кризно тело, и да побара помош од другите општини или од Владата.

Почитувани,

Додека градоначалникот смогне сили да одговори искрено на струмичани каде отидоа парите и зошто денес се соочуваат со немање на пивка вода, ние како Влада го прашуваме што треба да се направи за да ние како Влада излеземе во пресрет на граѓаните и да се реши оваа ситуација во која што се наоѓаат струмичани.

Затоа што едно од основните човекови права е да се има пристап до пивка вода до секој еден граѓанин во Република Македонија.

Иако Министерството за земјоделство, шумарство и водостопанство не е надлежно за оваа ситуација, како обврска имаме сите како Влада да помогнеме во оваа ситуација и стоиме на целосно располагање да се реши овој проблем.

Но, по ова Костадинов треба да одговори пред граѓаните и пред законот зошто дозволил да се случи цела оваа ситуација и околу 50.000 жители да останат без пивка вода за пиење.

На крајот од денот надлежните институции треба да покренат и една истрага затоа што првичните информации говорат дека и во минатото пред да се донесе забраната од Агенцијата за храна и ветеринарство за пуштање на вода во системот за пиење во општина Струмица имало зголемено количество на манган и присуство на одредени бактерии во овој систем.

Тоа оставаме институциите да го проверат, ние овојпат се нудиме како Влада да помогнеме се со цел да ги спасиме овие жители кои што ја живеат голготата заради неспособноста на локалната самоуправа, Директорот на Јавното комунално претпријатие и сите оние надлежни локални институции во делот на водоснабдувањето.

Живот

Најскапиот квадрат во Србија се продава во комплексот „Белград на вода“- 9.125 евра

Најскапиот стан продаден за 955.000 евра.

Во Србија според Републичкиот геодетски завод во вториот квартал годинава највисоки цени за станови се постигнати во Белград, каде што најскапиот квадрат е продаден по цена од 9.125 евра во комплексот „Белград на вода“, додека на истата локација најголема сума од 955.000 евра, издвоена е за стан со вкупна површина од 145 квадратни метри. Најскапата куќа е продадена во општина Савски Венац во Белград за 1,5 милиона евра, додека најскапото паркинг место е платено за 60.000 евра, јави дописникот на МИА од Белград.

Вредноста на прометот со недвижности во Србија во вториот квартал годинава изнесува 1,8 милијарди евра и е за 8,2 отсто поголем во однос на вториот квартал од 2023 година, соопшти Републичкиот геодетски завод и констатира дека бројот на продажби на недвижности е зголемен за 0,6 отсто и изнесува 30.837.

Од 1,8 милијарди евра, 446,4 милиони евра доаѓаат од делумно регулираниот пазар.

Најголемо учество во вкупниот промет на недвижен имот зазема продажбата на станови, 979,5 милиони евра, со учество од 56 отсто од вкупната вредност во тргувањето.

За куќи се издвоени 150,2 милиони евра, што е девет отсто од вкупната вредност, за градежно земјиште 147,2 милиони евра, осум отсто од вкупната вредност, за деловен простор 77 милиони евра, четири отсто и за земјоделско земјиште 52,5 милиони евра или три отсто од вкупната вредност.

Што се однесува до начинот на плаќање, 10 отсто од сите истргувани недвижности се финансирани преку кредити, што претставува зголемување за три процентни поени во однос на претходната година.

Кредитните средства најмногу се искористени за купување станови, при што 23 отсто од сите купувања се остварени на овој начин, што е забележително зголемување во однос на истиот период лани кога тој процент изнесуваше 16,5.

Бројот на купопродажни договори во вториот квартал е значително зголемен во однос на истиот период лани во Нови Сад за 22,5 отсто, во Крагуевац за 22,9 отсто и во Ниш за 15,6 отсто, додека благо намалување од 1,1 отсто е забележано во Белград.

Во овој период за станови во Белград се издвоени 555,6 милиони евра.

Регион

Јабланица во БиХ под вода: Официјално 17 загинати во поплавите, над 40 исчезнати (ВИДЕО)

Катастрофалните поплави кои го зафатија Јабланичкиот крај најтешко го погодија селото Доња Јабланица.

Екипата на порталот Klix.ba сними фотографии на кои јасно се гледа степенот на оваа катастрофа.

Фотографиите покажуваат големо количество ѓубре и други материјали што ги нанаеле поројните води, што укажува на сериозноста на штетите и опасностите што им се закануваат на жителите.

Спасувачките екипи со поддршка на локалното население неуморно ги раскопуваат урнатините во потрага по преживеани. Блокиран е патот од Јабланица кон околните градови, што уште повеќе го отежнува пристапот и работата на спасувачите.

Досега е потврдена смртта на 17 лица во поплавените подрачја, додека голем број се уште се водат како исчезнати на подрачјето на Јабланица и Коњица. Меѓу загинатите има и едно бебе, додека лекарите во Мостар се борат за животот на мајката.

Властите на Херцеговско-Неретванскиот кантон побарале помош од повисоките нивоа на власта, вклучително и вооружените сили на Босна и Херцеговина, со цел да се обезбеди потребната поддршка во оваа вонредна ситуација. Спасувачките служби се соочуваат со огромни предизвици и многу е потребна поголема помош.

Поради обилните врнежи, поплави ги зафатија и другите делови од БиХ, меѓу кои Кисељак, Фојница и Крешево, каде исто така се забележани големи штети. Состојбата во Коњиц, Крешево и Кисељак останува драматична бидејќи многу куќи се под вода, а граѓаните се принудени да ги напуштат домовите во потрага по побезбедно место.

Свет

„Вашингтон Пост“: Барак Обама ќе учествува во кампањата на Камала Харис

Поранешниот американски претседател Барак Обама ќе води кампања за потпретседателката и демократска претседателска кандидатка Камала Харис во неделите пред изборите на 5 ноември, пренесуваат британските медиуми, повикувајќи се на Вашингтон пост.

Обама ќе ја започне кампањата следниот четврток со патување во Питсбург (Пенсилванија), објави весникот, цитирајќи висок претставник на персоналот на Харис.

Обама и неговата сопруга Мишел уште во јули ја поддржаа претседателската кандидатура на Камала Харис.

На Демократската национална конвенција во август, во Чикаго, Обама ги повика Американците да ја поддржат Харис.

-Америка е подготвена за ново поглавје, Америка е подготвена за подобра приказна. Ние сме подготвени за претседателката Камала Харис, рече тогаш тој.

Харис на изборите на 5 ноември ќе се соочи со републиканскиот кандидат Доналд Трамп. /МИА