Видеото е прикажано на конференцијата на организацијата на Трамп American Priority во ризортот на претседателот во Мајами , а станува збор за монтирана верзија на масакр од мрачната комедија "Kingsman" од 2014, oбјави ЦНН.
Главата на Трамп е поставена на телото на агентот Колин Фирт, кој убива луѓе во филмска сцена во црква. Во изменета верзија објавена од приврзаниците на Трамп, американскиот претседател убива новинари или познати демократи како што се Ненси Пелоси, Барак Обама, Берни Сандерс, Бил и Хилари Клинтон. Една од жртвите е сенаторот на републиканците, Мит Ромни, кој често го критикува Трамп, меѓу кои е и новинарот на МСНБЦ, Мика Бжезески, актерката Рози О Донал и Џорџ Сорос. Медиумите што Трамп ги убива во црквата се НБЦ, НПР, Хафингтон пост, Вокс, Вицес њуз, „Бизфид њуз“ и др.
Портпаролот на кампањата на Трамп, Тим Муртагу изјави дека не знае ништо за видеото и потврди дека не е направено во нивниот штаб.
И поранешната секретарка за печат на Белата куќа, Сара Хакаби Сандерс, која исто така присуствуваше на конференцијата, рече дека не го видела видеото.
Организаторот на конференцијата Алекс Филипс објасни дека видеото е објавено на конференцијата, но дека отганизацијата на Трамп не стои зад неговата изработка.
Видеото завршува со тоа што Трамп убива личност на Си-Ен-Ен, а потоа погледнува наоколу и се смешка.
"За жал, ова не е првпат претседателските приврзаници да промовираат насилство во медиумите преку видео-снимки што ги сметаат за забавни - но оваа е далеку најлоша. Претседателот, неговото семејство, Белата куќа и изборната единица на Трамп веднаш мора да го осудат. Секоја друга реакција е премолчено одобрување на насилството и повеќе не треба да се толерира “, се вели во соопштението на Си-Ен-Ен.
Патем, контроверзното видео беше објавено на ЈуТјуб уште минатиот јули.