Тенис

Медведев по повлекувањето од Мадрид: Ногата одби да работи

Само две победи во Мадрид го делеа Данил Медведев од седмиот триумф на Мастерсот - по елиминацијата на Карлос Алкараз и Јаник Синер, тој беше највисоко рангиран учесник - но судбината не сакаше така.

Четвртиот тенисер во светот се предаде откако го загуби првиот сет против Чехот Лехечка со 6:4.

- Ногата одби да работи. Ја почувствував болката во моментот кога направив ретрн. Тој одигра сервис волеј, ја скрати топката, а јас тргнав напред. Се обидов да забрзам, но наеднаш почувствував како ми се заглави колкот. Не можев да спринтам, како кога чувствувате грч или искривување. Јас самиот не знам кое од овие две е точно, изјави Медведев.

Повика физиотерапевт, но третманот не помогнал.

-Го прашав дали состојбата може да се влоши, ми рече дека може ако е исчашување, но не може ако е грч. Се обидов да трчам кон мрежата, не почувствував болка, но сфатив дека е подобро да не ризикувам ништо, исакна Русинот за повредата.

За Медведев повредата дојде во незгодно време. Не само затоа што имаше шанса за прв пат да стигне до финалето во Мадрид, туку уште повеќе затоа што следната недела ја брани титулата во Рим.

-Нема сомнеж дека моето учество таму е доведено во прашање. Морам да одам на преглед и да разговарам со моите тренери. Би било фантастично да се игра во Рим по минатогодишниот триумф, но прво треба да ја видам ситуацијата со повредата.

Свет

Пекинг со тврдење дека ниту САД ниту Кина нема да имаат корист од трговска војна

Ниту САД, ниту Кина нема да победат од трговска војна, изјави портпаролот на кинеската амбасада во Вашингтон, Лиу Пенгвеи во денешното соопштение.

Изјавата доаѓа откако новоизбраниот американски претседател Доналд Трамп се закани дека ќе воведе дополнителни 10 отсто царини за сите кинески стоки кога ќе ја преземе функцијата.

Кина верува дека американско-кинеската економска соработка е заемно корисна по природа, додаде портпаролот.

Кинескиот амбасадор во Австралија, Сијао Чианг, денеска изјави дека трговската политика на САД кон Кина и другите земји, исто така, ќе има влијание врз односите меѓу Канбера и Пекинг.

„Американската трговска политика кон Кина и другите земји ќе има влијание и е важен елемент што треба да го разгледаме“, рече Сијао на прес-конференција во Канбера на прашањето дали планираните можни царини на Трамп за трговијата со Кина ќе влијаат на билатералните односи меѓу Австралија и азискиот економски гигант.

Сијао ги даде забелешките набргу откако Трамп ги објави плановите за воведување дополнителни царини од 10 отсто за увоз од Кина, како и 25 отсто за целиот увоз од Мексико и Канада.

Македонија

Лидерот на СДСМ на средба со претседателката Сиљановска-Давкова

Лидерот на опозициската СДСМ, Венко Филипче и претседателката на државата Гордана Сиљановска – Давкова денеска ќе одржат работна средба.

Како што соопштија од СДСМ, средбата ќе биде во Кабинетот на претседателката во Вила Водно со почеток во 15 часот. По средбата, најавена е изјава за медиуми на лидерот на СДСМ.

Македонија

Приведен криминалец баран со потерница

Како што информираат денеска од Министерството за внатрешни работи, тој бил предаден во Казнено – поправната установа Затвор Тетово за издржување на казната. 

Полициски службеници од Полициското одделение Галате вчера напладне во селото Неготино, гостиварско, го привеле Н.Ќ.(34) од гостиварско Ѓурѓевиште, кој бил баран по потерница за издржување на затворска казна од една година за сторено кривично дело „тешка кражба“.

Како што информираат денеска од Министерството за внатрешни работи, тој бил предаден во Казнено – поправната установа Затвор Тетово за издржување на казната.

притисни ентер