За време на вчерашниот состанок во Порт Судан, генералот Абдел Фатах ал-Бурхан побара од турскиот заменик министер за надворешни работи Бурханетин Дуран да му пренесе на турскиот претседател Реџеп Таип Ердоган дека суданските лидери ја прифаќаат иницијативата на турската страна за позитивно решавање на конфликтот. Ова го соопшти суданскиот министер за надворешни работи Али Јусеф.

- На Судан му требаат браќа и пријатели како Турција, рече Јусеф, додавајќи дека иницијативата може да доведе до мир во Судан.

На почетокот на декември, Едроган за време на телефонскиот разговор со генералот Бурхан рече дека Турција може да посредува за решавање на разликите меѓу Судан и Обединетите Арапски Емирати и за постигнување мир и стабилност во Судан.

Суданската влада, поддржана од суданската армија, во неколку наврати ги обвини Обединетите Арапски Емирати дека ги поддржуваат паравоените сили на Силите за брза поддршка. ОАЕ ги отфрла овие тврдења.

Во декември, суданската влада ги обвини Силите за брза поддршка за соборување на беспилотни летала составени во ОАЕ од територијата на соседен Чад.

По средбата со генералот Бурхан, турскиот заменик-министер за надворешни работи Дуран изјави дека на мировниот процес му требаат заеднички напори и дека Турција е подготвена да игра улога во мобилизирањето на другите регионални играчи за да помогне во надминувањето на пречките за ставање крај на конфликтот.

Минатата недела ОАЕ ги поздравија дипломатските напори на Турција за решавање на актуелната криза во Судан.

Војната во Судан однесе десетици илјади животи и принуди 12 милиони луѓе да ги напуштат своите домови. Исто така, ја турна земјата на работ на глад. /МИА

Според Полициската управа од Корча, возилото го управувал М.Ч. (25), а затекнатото лице во багажникот е А.Б.(20), двајцата од пограничното гратче Прењас.

М.Ч. е уапсен и ќе одговара за кривично дело „помош за илегално преминување на државната граница“, а за сторено кривично дело „недозволено преминување на државната граница“ ќе одговара А.Б.

Европа се соочува со тешки зимски услови кои предизвикаа сериозни нарушувања во авио-сообраќајот, железницата и секојдневниот живот на северот и западот на континентот.

Силното невреме, проследено со снежни врнежи и леден дожд предизвика хаос од Британија до Скандинавија, со сериозни последици по инфраструктурата и сообраќајот.

Во Германија снежните врнежи и дождот предизвикаа откажување на повеќе од 100 летови на најголемите аеродроми. На франкфуртскиот аеродром се откажани 120 полетувања и слетувања од вкупно 1.090 планирани, додека во Минхен се откажани 35 летови.

Слични проблеми се забележани и во Британија, а скандинавија се подготвува за уште поекстремни зимски услови.