-Руската страна ги осудува ваквите акции. Сметаме дека тие доведоа до значително дестабилизација на ситуацијата во регионот, рече Песков одговарајќи на новинарско прашање, пренесуваат руските медиуми.

Песков изјави дека неселективното бомбардирање на станбени области во Либан доведува до огромен број жртви, што ќе резултира со хуманитарна катастрофа каква што гледаме во Газа.

Од минатата недела израелските воздухопловни сили изведуваат масовни напади врз цели на Хезболах во Либан.

Израелски авиони извршија и неколку наменски воздушни напади врз Бејрут, а во еден од нив беше убиен лидерот на Хезболах.

- Ова е навистина тежок момент за него. Знам дека сите зборуваат за ова, пишуваат во вестите. Веројатно, како што кажа и самиот Карлос пред турнирот во Њујорк, луѓето почнаа да гледаат на него поинаку. Не знам како ќе биде, но дефинитивно ја разбирам неговата позиција. Се надевам дека овој проблем наскоро ќе биде зад нас, и тој ќе може да се фокусира на она што го сака, а тоа е играњето тенис и ќе продолжи напред, изјави Алкараз за „Tennis-Infinity“.

Синер пролетта имал два позитивни теста за анаболичен стероид клостебол. Независен трибунал одлучи дека забранетата супстанца влегла во телото на тенисерот преку спреј за лекување на исеченици купени од неговиот фитнес тренер. Физиотерапевтот го користел за да ја залечи раната на раката. Подоцна, тој го масирал Синер без ракавици.

Дваесет и тригодишниот Италијанец е шампион на два Грен слем турнири во сингл (Австралија Опен 2024 и УС Опен 2024). Вкупно има 17 АТП титули.

Американскиот весник „Њузвик“ (Newsweek) објави дека операциите на израелските командоси во јужниот дел на Либан против Хезболах е дел од подготовките за евентуална копнена инвазија, што може да се случи во текот на неделата.

Неименуван израелски претставник за британскиот весник „Телеграф“ потврди дека елитните трупи се фокусирани на инфраструктурата на Хезболах, вклучително локациите со оружје и командните и контролните центри.

Израелската армија соопшти дека мобилизирала уште три баталјони резервисти, а две бригади веќе се испратени во северен Израел како подготовка за можната копнена операција.

Додека „Волстрит журнал“ (Wall Street Journal) објави дека израелски специјални сили ја преминале границата со Либан и испраќаат трупи во тунелите на Хезболах. И американскиот весник тврди дека тоа претходи на евентуална голема копнена офанзива.

Израелските медиуми јавија дека нападите врз Либан не само што ќе продолжат туку ИДФ се подготвува и за копнена операција. Неименуван безбедносен извор изјави дека иако сè уште не е донесена политичка одлука, ИДФ привршува „значајни операции“ како подготовка за копнена инвазија врз јужен Либан.

- Целта на копнените маневри е да се уништат целите, но и да се проектира моќта на Израел и ИДФ на Блиски Исток, особено врз Хезболах, истакна тој.

Според процена на Израел мрежата на тунели на Хезболах долга е неколку стотина километри. Се претпоставува дека Хезболах ги користи тунелите за влез во Израел, иако дел од нив се уништени во 2019 година од страна на израелската армија.

При нападите врз јужниот дел на Либан утрово елиминиран е лидерот на Хамас, Фатех Шериф Абу ел Амин. Во нападот врз палестинскиот бегалски камп во Тир загинаа и сопругата, ќерката и синот на Амин.

ИДФ, првпат од војната во 2006 година, изврши напад врз центарот на Бејрут. Во денешните напади загинаа тројца припадници на палестинската милитантна група Народен фронт за ослободување на Палестина (ПФЛП).

Израелското военовоздухопловство од минатата недела интензивно напаѓа цел на Хезболах во различни области на Либан. Во воздушниот напад врз Бејрут загинаа неколку високи команданти на Хезболах, вклучително и лидерот Сајед Насрала.

Хезболах одговори со ракетни напади насочени првенствено кон северен Израел.