Свет

Тепачка во авион: Патник се обидел да ја отвори вратата, токму пред слетувањето (ВИДЕО)

Патник на летот на Копа ерлајнс се обидел да ја отвори вратата од авионот непосредно пред да слета во Панама.

Членовите на екипажот и другите патници се обиделе да го задржат, при што дошло до физичка пресметка.

Инцидентот се случил во вторникот на летот на Копа ерлајнс меѓу Бразилија и аеродромот Токумен во Панама. Само неколку минути пред Боингот 737 MAX 9 да слета во Панама Сити, еден од патниците станал од своето место, отишол до вратата за итен излез и се обидел да ја отвори.

Гледајќи што се обидува да направи патникот, еден од членовите на кабинскиот екипаж притрчал до него во обид да го спречи, но тој, наводно, се спротивставил, објави Сан.

Другите членови на персоналот и патниците притрчале да помогнат, обидувајќи се да го задржат човекот.

Успеале да го врзат, но не пред да дојде до сериозна физичка пресметка.

Екипажот успеал безбедно да го приземји авионот и покрај инцидентот. Припадниците на безбедносните сили влегле во Боингот и го привеле веќе врзаниот патник.

Сличен инцидент се случи на крајот на мај минатата година кога еден од патниците ја отвори вратата од Ербас А321 на Азијана ерлајнс пред да слета. За разлика од летот на Копа ерлајнс, патникот во авионот на Азијана ерлајнс успеал да ја отвори вратата. Неколку лица биле хоспитализирани по слетувањето поради проблеми со дишењето.

Свет

Мајка задремала и кога се разбудила ѝ го снемало 5- годишниот син, три дена нема трага од него

Мајка која се разбудила по попладневната дремка во мирен град во Орегон видела дека нејзиниот 5-годишен син со аутизам е исчезнат, соопшти полицијата.

Џошуа Џејмс Мекој (5) исчезнал од својот дом во округот Кус, Орегон на 9 ноември и оттогаш не е виден.

Неговата мајка на полицијата ѝ рекла дека во саботата околу 13 часот отишла да спие со момчето, но дека тој не бил во куќата кога се разбудила околу 17.30 часот.

Канцеларијата на шерифот на округот Кус започнале потрага следниот ден. Полицијата соопшти дека пронашле траги, но ништо дефинитивно. Тие не кажале ништо повеќе за претресот, пренесува Daily Mail.

„По завршувањето на првичната проценка, локалните тимови почнаа да ги пребаруваат околните области и нивните напори се интензивираа утрото на 10 ноември, користејќи беспилотни летала, надзор и детективи“, велат тие во ажурирањето вчера вечерта.

Одделот додаде дека „ништо не е исклучено во овој момент и тие ги разгледуваат сите опции“.

„Се надеваме дека Џошуа ќе биде пронајден жив и здрав“, додаваат тие.

Полицијата ја замоли јавноста да се држи подалеку од областа за пребарување бидејќи е загрижена дека доказите може да бидат уништени.

Свет

Германец си ја убил и ограбил сопругата и избегал со љубовницата од Романија, ги уапсиле

Германец, осомничен дека заедно со љубовницата од Романија ја убил сопругата во Германија, бил уапсен на граничниот премин меѓу Романија и Унгарија, кога се обидел да побегне од земјата.

Според медиумите, Германецот (39) живеел со сопругата (68) во германскиот град Трир. Тие двајца често изгледале како совршено семејство, но реалноста била поинаква, објавија романските медиуми.

Германецот водел двоен живот и имал љубовница, жена (36) од Романија, со која смислил план да ја убие сопругата.

Телото на несреќната жена го пронашол роднина пред една недела во нејзиниот стан и веднаш повикал полиција. Обдукцијата покажала дека се работи за убиство.

За убиството се осомничени нејзиниот сопруг и неговата љубовница, кои веднаш по злосторството побегнале во Романија.

Окружниот суд во Трир издал европска потерница поради сомневање за заедничко убиство. Во соработка меѓу германските и романските власти, осомничените биле уапсени во Романија минатиот петок.

Јавното обвинителство во Трир, наводно, побарало екстрадиција на обвинетите во Германија. Одлуката сега е на романските судски власти.

Според романските медиуми, двајцата по убиството се сокриле во стан во романскиот град Сату Маре. Меѓутоа, кога мажот се обидел да ја напушти земјата преку граничниот премин со Унгарија, едноставна контрола му ги расипала сите планови. Згора на тоа, по проверка на багажот на осомничениот, полицијата пронашла сто грама дрога.

Неговата љубовница и соучесничка набрзо биле фатени од агентите и двајцата сега се зад решетки.

Се сомнева дека ја убиле жената од алчност. Од станот се украдени пари, накит и други вредни предмети, додека истрагата продолжува.

Живот

Снимката од полноќ на Антарктикот е сензација, има милиони прегледи (ВИДЕО)

Мети Џордан работи во една од истражувачките лаборатории на Антарктикот и редовно објавува видеа на TikTok.

Неодамна на следбениците им откри „како изгледа полноќ“ на најстуденото место на планетата – и ги остави сите без зборови.

Многу истражувачи го нарекуваат Антарктикот „најважната природна лабораторија“, како и место со „голема убавина и чудо“.

Настаните на најјужната точка на земјата се мистерија за голем дел од населението, а Џордан сака да ги информира луѓето за најинтересните работи.

Така стигнуваме до поларниот ден или полноќното сонце, природен феномен што се случува северно од арктичкиот круг.

За време на овој феномен, Сонцето е видливо 24 часа на ден.

Времетраењето на чудесниот период зависи од географската положба, варира од 20 часа на самите кругови до шест месеци на половите. Спротивниот феномен се нарекува поларна ноќ - кога Сонцето воопшто не изгрева.

Џордан го покажа часовникот на својот телефон - кој покажува шест минути по полноќ - а потоа излезе надвор. Веднаш беше „удрен“ од најсветлата сончева светлина што можете да ја видите.

Многу гледачи останаа збунети, а особено ги интересираше како некој може да спие кога нема темнина, пренесува LadBible.

Еден корисник на шега напиша: „Барем имате сонце, во Британија имаме неколку часа сиво небо, а потоа повторно е темно“.

@mattykjordan This is what Antarctica looks like at midnight during 24 hour sun #antarctica #24hoursun #midnightsun ♬ original sound - Matty Jordan | Antarctica

За кратко време видеото „собра“ повеќе од 6,7 милиони прегледи.

притисни ентер