Здравје

СЗО:Со правилно лекување на зголемениот крвен притисок, би се спречиле 76 милиони смртни случаи

Опасните ефекти од високиот крвен притисок се нагласени во новиот извештај на Светската здравствена организација (СЗО), кој ја идентификува состојбата како еден од водечките фактори на ризик за смрт и инвалидитет во светот.

СЗО посочува дека со соодветен третман, 76 милиони смртни случаи би можеле да се спречат на глобално ниво до 2050 година.

Објавен во вторникот, првиот извештај на СЗО за глобалното влијание на високиот крвен притисок, познат и како хипертензија, нуди препораки за начини за борба против „тивкиот убиец“.

Според извештајот, хипертензијата, категоризирана како отчитување на крвниот притисок од 140/90 mmHg или повисока, погодува 1 од 3 возрасни лица ширум светот. Ова обично води до голем број други здравствени проблеми, вклучувајќи мозочен удар, срцев удар, срцева слабост и оштетување на бубрезите.

„Хипертензијата може ефикасно да се контролира со едноставни, евтини третман, но само еден од пет лица со хипертензија ја имаат под контрола“, рече др. Тедрос Аданом Гебрејезус, генерален директор на СЗО.

Зголемувањето на бројот на луѓе кои ефикасно се лекуваат од хипертензија може да спречи 76 милиони смртни случаи помеѓу 2023 и 2050 година, вели СЗО.

Овие превентивни мерки вклучуваат здрава исхрана, одржување здрава тежина, избегнување алкохол и тутун и редовно вежбање, се вели во извештајот. Овие стратегии треба да се имплементираат во посебни услови како што се училиштата и работното место со цел дополнително да се промовираат изборите за поздрав начин на живот, се наведува во него. Друга тактика е да го намалите дневниот внес на сол.

„Повеќето срцеви и мозочни удари во светот денес може да се спречат со достапни, безбедни лекови и други интервенции, како што е намалувањето на солта“, рече Мајкл Блумберг, поранешен градоначалник на Њујорк и глобален амбасадор на СЗО за незаразни болести и повреди.

Препорачаниот внес на сол варира од земја до земја, но СЗО препорачува помалку од 5 грама сол дневно. Проценетиот глобален просечен внес на сол е повеќе од двојно , над 10,8 грама дневно, вели организацијата.

Во 2013 година, сите 194 земји-членки на СЗО ветија дека ќе го намалат внесот на сол за 30 отсто до 2025 година, но извештајот објавен оваа година покажа дека само 5 отсто имплементирале сеопфатни политики за намалување на солта.

СЗО, исто така, забележа дека хипертензијата и нејзините компликации резултираат со „огромни“ трошоци ширум светот за пациентите, здравствените системи и националните економии.

„Добрата нега за хипертензија е прифатлива, достапна и ја зајакнува примарната здравствена заштита“, рече др. Том Фриден, претседател и извршен директор на Resolve to Save Lives и поранешен директор на ЦДЦ.

„Предизвикот сега е да се премине од „на дофат“ во „постигнато“. Ова ќе бара посветеност на владите ширум светот“, додаде тој.

Свет

На три европски банки во Русија ќе им биде одземен имотот

 Русија ќе го заплени имот на трите европски банки „Дојче банк“ (Deutsche Bank), „Комерцбанк“ (Komercbank) и „УниКредит“ (UniCredit). Тие ќе останат без речиси една милијарда евра имот во Русија.

Како официјална причина за заплената на имотот на трите банки се наведува тоа што се повлекле од финансирањето на постројка за преработка на гас во руското пристаниште Уст-Луга на Балтичко Море.

Според судските документи во Санкт Петербург, на „Дојче банк“ и се одземаат хартии од вредност, недвижен имот и средства во износ до 238 милиони евра, вклучувајќи го и имотот на банката и нејзината филијала во Русија.

Додека на „Комерцбанк“ и е запленет имот во вредност од 93,7 милиони евра, хартии од вредност и зградата на банката во центарот на Москва.

Додека на „УниКредит“ запленет и е имот во висина од 463 милиони евра.

Постројката за преработка на гас не се изгради поради санкциите од западните земји кон Русија воведени поради војната против Украина. Како одговор на санкциите Русија заплени имот на голем број западни компании и инсталираше нов менаџмент во руските подружници.

Компаниите кои се повлекуваат од Русија се принудени да ги продаваат своите деловни проекти на руски компании по драстично ниски цени. Често за нив симболично се плаќа само една рубља. /МИА

Во живо

последно ажурирање пред 11 минути

Свет

Инцидент при слетувањето на хеликоптерот со кој патуваше претседателот на Иран, Раиси

По веста објавена од Иранската државна телевизија дека хеликоптерот, со кој патувал претседателот на Иран, Ебрахим Раиси, имал „тврдо слетување“ на терен се упатени 16 спасувачки тимови и беспилотни летала.

пред 11 минути18:27

ИРНА: Сè уште се трага по хеликоптерот

Државната Иранска новинска агенција (ИРНА) објави дека во тек е опсежна операција за пребарување и спасување откако хеликоптерот со иранскиот претседател Ебрахим Раиси беше принуден да изврши „тврдо слетување“ во планинскиот регион во северозападниот дел на Иран.

Инцидентот се случи денеска во шумата Дизмар помеѓу градовите Варзакан и Џолфа во иранската провинција Источен Азербејџан. Раиси се враќаше од Азербејџан, каде присуствуваше на отворање на брана со азербејџанскиот Илхам Алиев.

Неименуван ирански претставник за западните медиуми изјави дека хеликоптерот со кој се превезуваа иранскиот претседател Ебрахим Раиси и министерот за надворешни работи Хосеин Амирабдулахиан се урна додека летал над планинска област во иранската провинција Источен Азербејџан, изјави.

Тој истакна дека „животите на Раиси и Амирабдолахиан „се загрозени по хеликоптерската несреќа“.

- Сè уште се надеваме, но информациите кои ни доаѓаат од местото на несреќата се многу загрижувачки, наведе неименуваниот ирански претставник.

Како што јави ИРНА, повеќе од дваесет целосно опремени тимови за пребарување и спасување, вклучително беспилотни летала и кучиња трагачи, се испратени во областа. Иранските вооружени сили распоредија командоси и специјални сили за да помогнат во операцијата за пребарување.

Поради нерамниот терен на регионот и тешките временски услови, особено густата магла во областа, операцијата за пребарување и спасување би можела да потрае некое време.

Портпаролот на Иранската служба за итни случаи изјави дека осум амбулантни возила се испратени во регионот.

пред 11 минути17:20

Иранска новинска агенција (ИРНА) на англиски јазик објави дека се случила несреќа односно хеликоптерот се урнал. Иранската државна телевизија, како и ИРНА не јавија дали Раиси или други лица се повредени.

Претходно иранската новинската агенција Мехр објави дека операцијата за пребарување и спасување ќе потрае извесно време поради непроодноста на теренот, планинските и шумските услови, како и неповолните временски услови, особено густата магла.

Дел од иранските медиуми објавија дека некои од придружниците на претседателот во хеликоптерот успеале да стапат во контакт со централните власти, истакнувајќи оти тоа надеж дека нема жртви во инцидентот.

Конвојот на претседателот се состоеше од три хеликоптери. Во другите две летала се превезувале други ирански функционери, меѓу кои и министерот за надворешни работи Хосеин Амирабдолахиан и гувернерот на иранската провинција Источен Азербејџан.

Раиси патувал во Источен Азербејџан, а инцидентот се случи во близина на градот Џолф, во близина на границата со Азербејџан, на околу 600 километри северозападно од главниот град на Иран, Техеран.

Раиси на претседателската функција стапи во август 2021 година.

На социјалните мрежи се појави и видео од насобрани луѓе кои се молат за здравјето на Раиси.

Македонија

Заврши истрагата за сите инволвирани во убиствата на Вања и Панче, освен за Палчо

Истрагата за убиството на 14 годишната Вања Ѓорчевска и 74 годишниот велешанец Панче Жежовски е завршена за сите осомничени освен за првоосомничениот Љупчо Палевски Палчо.

Влатко Кешишов, Велибор Манев и Боре Видевски, кои се осомничени за кривични дела – две грабнувања и две убиства на свиреп начин, како и таткото на Вања, Александар Ѓорчевски осомничен за помагање при грабнување и уште едно лице осомничено за помагање по извршеното кривично дело, го добиле известувањето од обвинителството за завршена истрага. За нив тече рокот од 15 дена во кои можат да предлагаат дополнителни докази или сослушувања на сведоци.

За Палевски се уште се преземаат истражни дејствија. Откако беше екстрадиран во земјава, тој првин треба да даде исказ. Кога тоа ќе се случи нема прецизна информација.

-Минатата недела информиравме дека финишира истрагата за притворените, но не и за екстрадираното лице. Осомничениот допрва ќе дава исказ и за него се уште се преземаат истражни дејствија,велат кратко од скопското обвинителство.

Засега е извесно дека во текот на следната недела Палевски ќе биде изведен пред судија на претходна постапка во скопскиот Кривичен суд за да се изјасни за притворот кој му беше определен во отсуство.

Од она што засега е познато и како информација беше споделено со јавноста од страна на истражните органи, Палевски на 27 ноември лани им давал насоки на Кешишов, Манев и Видевски, со автомобилот на претходно убиениот Панче Жежовски да ја грабнат Вања од зградата. Сознанијата за нејзиното излегување ги имале од нејзиниот татко. Откако ја киднапирале и ставиле во автомобил, по пат им се приклучил и Палевски и заедно се упатиле кон Бразда каде е извршено убиството. Палевски потоа беше во бегство во Турција, а тројцата соизвршители кои на 6 декември беа уапсени признаа вина.

притисни ентер