Македонија

Свечена Aкадемија за 80 години слободен Велес, врачени највисоките општински награди

По повод 80 години од ослободувањето на Велес, а воедно и Денот на Општната, синоќа во големата сала на театарот во Велес се одржа Свечена академија на која беа врачени традиционалните највиски општински награди и признанија.

На проф. д-р Јордан Нојков му беше врачена престижната награда за животно дело „Гемиџии“ за 2024 година. Тој е познат специјалист анестизиолог, сега во пензија, а добитничка на наградата за најстудент „Професор д-р Ѓорѓи Шоптрајанов“ е студентката Тамара Коцевска.

На Свечената академија, Спомен плакета на Општина Велес беа врачени на директорот на Државен завод за ревизија, Максим Ацевски и на граѓанската организација Извиднички одред „Димитар Влахов“- Велес.

Благодарница 9 Ноември ќе им биде доделена на над 20- те учесниците на XXIV „Вардарска регата Гемиџии 2024“, а која регата годинава пловидбата по Вардар од Велес не ја заврши во Гевгелија и за првпат продолжи и пловеше по Вардар се до вливот кај Солун.

Благодарници добија и писателката м-р Десанка Николова, д-р Теодора Тодорова, четиричлената планинарска експедиција во состав Зоран Јаневски, Никола Ангелов, Марјан Малинов и Николче Василев, како и организаторите на ултрамаратон „Велес- Лопушник“: Верољуб Додевски, Зоран Димов, Трајче Михов, Томислав Спасевски и Љубиша Андриевиќ, како и Здружението на граѓани за доброволна работа „Велешки акцијаши“ Велес и Здружение на граѓани ,,ОК Борец ветерани” Велес.

Врачени беа им 9-тто Ноемвриски пофалници на Јадранка Мајсторова, Елица Николова, Горан Алексов, Неформална група „Клисура Пешти“ во состав Слободан Ѓорѓиев, Борче Јовчевски и Сашко Ѓорѓиев, како и Здружение за безбедност на вода и планина „Македонски спасител“ Велес.

На присутните им се обрати градоначалникот Марко Колев кој им ги честита наградите, искажувајќи почит и благодарност за ослободители на Велес од 9 ноември 1944 година.

Свечената Академија беше заокружена со концерт во чест на наградените насловен „Кондензиран воздив по тебе“.

Инаку, вчера во рамките на програмата беше положено цвеќе на Спомен костурницата на загинатите борци од Народноослободителната војна, а се оджа и придодна културно-уметничка програма.

Вчера во спортската сала „Гемиџии“ се одигра и веќе традиционалниот Меѓународен турнир на ракометни ветерани „Велес 2024“ што го организира Здружението на спортски ветерани во соработка со Општина Велес.

Во рамките на програмата „80 години слободен Велес“ во среда напладне во големата сала на Општина Велес ќе се одржи и свеченост во чест на наградените ученици и ментори кои добиле највисоки домашни и меѓунардни награди на разни натпревари во оваа 2024 година, а кои дополнително за афирмацијата на градот ќе добијат и награди од Општина Велес.

Оваа недела во четврток, петок и сабота на 14,15 и 16 ноември во Велес ќе се одржи и богатата програма на 57- те Детски Рацинови средби кои се под покровителство на Општина Велес, а во рамките на програмата „80 години слободен Велес“.

Свет

Мајка задремала и кога се разбудила ѝ го снемало 5- годишниот син, три дена нема трага од него

Мајка која се разбудила по попладневната дремка во мирен град во Орегон видела дека нејзиниот 5-годишен син со аутизам е исчезнат, соопшти полицијата.

Џошуа Џејмс Мекој (5) исчезнал од својот дом во округот Кус, Орегон на 9 ноември и оттогаш не е виден.

Неговата мајка на полицијата ѝ рекла дека во саботата околу 13 часот отишла да спие со момчето, но дека тој не бил во куќата кога се разбудила околу 17.30 часот.

Канцеларијата на шерифот на округот Кус започнале потрага следниот ден. Полицијата соопшти дека пронашле траги, но ништо дефинитивно. Тие не кажале ништо повеќе за претресот, пренесува Daily Mail.

„По завршувањето на првичната проценка, локалните тимови почнаа да ги пребаруваат околните области и нивните напори се интензивираа утрото на 10 ноември, користејќи беспилотни летала, надзор и детективи“, велат тие во ажурирањето вчера вечерта.

Одделот додаде дека „ништо не е исклучено во овој момент и тие ги разгледуваат сите опции“.

„Се надеваме дека Џошуа ќе биде пронајден жив и здрав“, додаваат тие.

Полицијата ја замоли јавноста да се држи подалеку од областа за пребарување бидејќи е загрижена дека доказите може да бидат уништени.

Свет

Германец си ја убил и ограбил сопругата и избегал со љубовницата од Романија, ги уапсиле

Германец, осомничен дека заедно со љубовницата од Романија ја убил сопругата во Германија, бил уапсен на граничниот премин меѓу Романија и Унгарија, кога се обидел да побегне од земјата.

Според медиумите, Германецот (39) живеел со сопругата (68) во германскиот град Трир. Тие двајца често изгледале како совршено семејство, но реалноста била поинаква, објавија романските медиуми.

Германецот водел двоен живот и имал љубовница, жена (36) од Романија, со која смислил план да ја убие сопругата.

Телото на несреќната жена го пронашол роднина пред една недела во нејзиниот стан и веднаш повикал полиција. Обдукцијата покажала дека се работи за убиство.

За убиството се осомничени нејзиниот сопруг и неговата љубовница, кои веднаш по злосторството побегнале во Романија.

Окружниот суд во Трир издал европска потерница поради сомневање за заедничко убиство. Во соработка меѓу германските и романските власти, осомничените биле уапсени во Романија минатиот петок.

Јавното обвинителство во Трир, наводно, побарало екстрадиција на обвинетите во Германија. Одлуката сега е на романските судски власти.

Според романските медиуми, двајцата по убиството се сокриле во стан во романскиот град Сату Маре. Меѓутоа, кога мажот се обидел да ја напушти земјата преку граничниот премин со Унгарија, едноставна контрола му ги расипала сите планови. Згора на тоа, по проверка на багажот на осомничениот, полицијата пронашла сто грама дрога.

Неговата љубовница и соучесничка набрзо биле фатени од агентите и двајцата сега се зад решетки.

Се сомнева дека ја убиле жената од алчност. Од станот се украдени пари, накит и други вредни предмети, додека истрагата продолжува.

Живот

Снимката од полноќ на Антарктикот е сензација, има милиони прегледи (ВИДЕО)

Мети Џордан работи во една од истражувачките лаборатории на Антарктикот и редовно објавува видеа на TikTok.

Неодамна на следбениците им откри „како изгледа полноќ“ на најстуденото место на планетата – и ги остави сите без зборови.

Многу истражувачи го нарекуваат Антарктикот „најважната природна лабораторија“, како и место со „голема убавина и чудо“.

Настаните на најјужната точка на земјата се мистерија за голем дел од населението, а Џордан сака да ги информира луѓето за најинтересните работи.

Така стигнуваме до поларниот ден или полноќното сонце, природен феномен што се случува северно од арктичкиот круг.

За време на овој феномен, Сонцето е видливо 24 часа на ден.

Времетраењето на чудесниот период зависи од географската положба, варира од 20 часа на самите кругови до шест месеци на половите. Спротивниот феномен се нарекува поларна ноќ - кога Сонцето воопшто не изгрева.

Џордан го покажа часовникот на својот телефон - кој покажува шест минути по полноќ - а потоа излезе надвор. Веднаш беше „удрен“ од најсветлата сончева светлина што можете да ја видите.

Многу гледачи останаа збунети, а особено ги интересираше како некој може да спие кога нема темнина, пренесува LadBible.

Еден корисник на шега напиша: „Барем имате сонце, во Британија имаме неколку часа сиво небо, а потоа повторно е темно“.

@mattykjordan This is what Antarctica looks like at midnight during 24 hour sun #antarctica #24hoursun #midnightsun ♬ original sound - Matty Jordan | Antarctica

За кратко време видеото „собра“ повеќе од 6,7 милиони прегледи.

притисни ентер