Овој значаен настан, кој е дел од иницијативата Отворен Балкан, претставува најголема платформа за промоција на регионалните кулинарски и вински богатства, каде што своето место ќе го заземе и Македонија со својот автентичен гастрономски идентитет.

Во рамки на саемот, се одржува „Македонска вечер“, организирана под покровителство на Владата на Република Македонија и претседателот на Владата, Н.Е. Христијан Мицковски.

На оваа вечер присуствуваат високи делегати, владини претставници и претставници од приватниот сектор, со што Македонија ќе има можност да ја презентира својата богата традиција во производството на вино и храна.

Оваа година, на саемот за вино, македонското учество на саемот ќе го опфатат голем број винарии и дестилерии, изложувачи на храна и ресторани со врвни македонски готвачи.

Преку нивната презентација, посетителите ќе имаат уникатна можност да ги вкусат врвните македонски вина, да уживаат во традиционалните вкусови и да се запознаат со гастрономските особености на нашата земја.

Министерот Минчев изрази задоволство што Република Македонија, преку вакви значајни регионални иницијативи, ја зајакнува својата улога во промоцијата на културниот и економскиот потенцијал на земјата, особено во областа на винската и гастрономската индустрија.

Кабинет на министер за Јавна Администрација

За убиство е осомничена мајката на детето (29), која на полицијата ѝ ја покажала кантата во која се наоѓало телото на новороденчето.

Телото на детето било пронајдено околу 10 часот утринава.

Според првите информации, мајката ја завиткала својата ќерка која имала само десет дена во најлонска кеса и ќебе, а потоа ја фрлила во канта во болницата. Се сомнева дека бебето најверојатно премрзнало до смрт, поради екстремно ниските температури во главниот град на Австрија.

Наредена е обдукција која треба да ја открие точната причина за смртта.

Полицијата на местото каде што е пронајдено телото се уште врши увид.

Да потсетиме, прво медицинската сестра од неонатолошкиот оддел вчера забележала дека детето го нема, а потоа веднаш ја известила мајката. Набрзо била алармирана и полицијата. Во текот на попладневните часови целата област околу болницата била блокирана, а во потрагата биле вклучени и кучиња трагачи.

Со оглед на тоа што пристапот до овој оддел не е слободен, полицијата веднаш ја насочила истрагата кон најблиските роднини и семејството. Мајката на девојчето била првоосомничена, а синоќа таткото бил сослушан во полициска станица.

Оваа ѕвезда, наречена WOH G64, е оддалечена неверојатни 160.000 светлосни години и е снимена благодарение на неверојатната острина на многу големиот телескопски интерферометар (VLTI) на Европската јужна опсерваторија.

- За прв пат во историјата, успеавме да зумираме и да снимиме ѕвезда што умира надвор од Млечниот Пат - изјави Кеичи Онака, астрофизичар од Универзитетот Андрес Бело во Чиле.

- Откривме лушпа во облик на јајце околу ѕвездата. Возбудени сме поради тоа бидејќи веројатно е поврзано со драстичното исфрлање на материјалот пред ѕвездата што умира да стане супернова - рече тој.

Астрономите досега направија десетици слики од ѕвездите во нашата галаксија, откривајќи ги нивните својства, безброј повеќе ѕвезди постојат во други галаксии, но досега набљудувањето на која било поединечна ѕвезда надвор од Млечниот Пат беше преголем предизвик.

Ѕвездата WOH G64 се наоѓа во Големиот Магеланов Облак, една од помалите галаксии кои орбитираат околу нашата. Астрономите знаат за оваа ѕвезда со децении бидејќи е огромна, околу 2.000 пати поголема од Сонцето, па затоа е класифицирана како црвен суперџин. Научен труд за оваа снимка беше објавен во Астрономија и астрофизика.

За оваа ѕвезда долго време се интересира тимот на Онака. Во 2005 и 2007 година, тие го користеле VLTI во пустината Атакама за да дознаат повеќе за неговите карактеристики и го проучувале со години, но не успеале да снимат слика од самата ѕвезда. За да успеат во ова, тие чекале развој на инструменти од втората генерација наречени GRAVITY. Откако ја споредиле со старите податоци, забележале дека ѕвездата станала потемнета во последната деценија.

- Откривме дека ѕвездата претрпе значителни промени во последните 10 години, што ни даде ретка можност да го следиме животот на ѕвездата во живо - рече Герд Вајгелт, професор по астрономија на Институтот за радио астрономија Макс Планк во Бон и еден од авторите на студијата.

Во последната фаза од својот живот, црвените суперџинови како WOH G64 ги фрлаат своите надворешни слоеви на гас и прашина во процес кој може да потрае илјадници години.

- Оваа ѕвезда е една од најекстремните од тој вид и секоја драстична промена може да и донесе експлозивен крај - изјави Јако ван Лун, директор на опсерваторијата на Универзитетот Кили и коавтор на студијата кој ја набљудува оваа ѕвезда уште од деведесеттите.