Оттаму потврдија дека вчера го добиле известувањето од Хајрулахи а за сите понатамошни постапки уверуваат дека ќе бидат транспарентни.

-Првично сите случувања ги имаме од медиумите, меѓутоа во текот на вчерашниот ден до Советот на ЈО е доставено известување од страна на Вишиот јавен обвинител на Вишото ЈО во Скопје. Истото ќе биде предмет на разгледување од страна на сите членови на Советот. За сите преземени дејствија јавноста ќе биде информирана. Во овој момент можам да го споделам само тоа со вас дека известувањето од страна на Вишиот обвинител до Советот,- изјави – Душица Димитриеска – Претседател на Совет на ЈО.

Коцевски денеска присуствуваше на Седницата на Советот на ЈО, но по нејзиното завршување не сакаше да даде изјава за медиумите. Претходно пред членовите на Советот не се осврна на наводите на Хајрулахи но најави контроли во сите Виши ЈО.

-Не можам да разберам како и зошто во ниту едно Вишо ЈО не е извршена контрола. Требало два пати годишно да се изврши контрола во сите Виши јавни обвинителства и не знам од кои причини тоа не е направено, но во наредниот период тоа ќе се направи. Дури сум јас Јавен обвинител така ќе се продолжи и ќе има резултати. Ако имало незаконитости ќе се преземат дејствија. Во Вишото јавно обвинителство Скопје е извршена контрола и го чекам извештајот,- -Љупчо Коцевски – Јавен обвинител на РМ.

Од Советот ја јавните обвинители не открија што се има со известувањето на Вишиот јавен обвинител Хајрулахи, но вчера за Канал 5 потврди дека се работи за службени белешки од разговорот во кој тој тврди дека државниот обвинител му вршел влијание во врска со предметот за бонусите на СЈО.

-Ги доставив службените белешки, значи мојата службена белешка по однос на разговорот кој е воден со обвинителот, и службената белешка од страна на обвинителот Јован Цветановски кој го обработува предметот за бонусите на СЈО. А вршење притисок врз јавен обвинител за да донесе одлука е спротивно со Законот за ЈО според кој јавниот обвинител при донесување на своите одлуки треба да биде самостоен,- изјави – Мустафа Хајрулахи – Виш ЈО на Вишо ЈО Скопје.

Вчера Коцевски преку соопштение демантираше дека вршел притисок врз обвинители, а негираше и дека случајот со бонусите во СЈО бил предмет на контролата во скопското Вишо обвинителство. Што точно се случило, сега ќе треба да расчисти Советот на јавни обвинители.