Македонија

Состојба на патиштата

 Сообраќајот на државните патишта се одвива непречено, по наместа влажни коловози.

Сообраќајот на државните патишта се одвива непречено, по наместа влажни коловози.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.

Од 09.07.2024 11:00 часот, на десна коловозна лента на автопат Скопје - Куманово извршена била времена измена на режим на сообраќај, при што во должина од 1000 метри (пред НС Миладиновци до НС Миладиновци), сообраќајната лента за принудно запирање и сообраќајната лента за возење ќе бидат затворени, додека сообраќајот ќе се одвива по левата сообраќајна лента за претекнување.

Жикол Дооел Струмица известува дека поради вршење на градежни активности на објект: Реконструкција со проширување на регионален пат Р1109 делница Понов мост - влез во Богданци, сметано од 24.06.2024 година ќе биде поставен времен режим на сообраќај.

Времена измена на режим на сообраќај на регионален пат Р1306 делница Прилеп-Крушево -Сладуево, заради започнување со градежни активности во врска со проект Санација на оштетувања на регионален пат Р 1306 делница Прилеп-Крушево-Сладуево, во вид на слегнувања на трупот на патот на стационажа од км 15+100 до км 15+600. Заради тоа од 07.06.2024 год. сообраќајот ќе се одвива според одобрен сообраќаен проект за времен режим на сообраќај.

Времена измена на режим на сообраќај на автопат А1, делница Петровец - Катланово, заради извршување на градежни активности. Измената на режим на сообраќај ќе започне да се применува од петок, 31.05.2024, а во врска со проектот за завршување на работите на рехабилитација со проширување на наведената делница од автопатот.

Времена измена на режим на сообраќај на регионален пат Р1101 делница Прилеп - Битола заради интезивирање на градежни активности во врска со проект „Санација на трупот на патот кај мост на река Шемница на Државен пат Р1101 км 85+903, делница Прилеп - Битола“, и тоа од 27.03.2024 ќе има целосно затворање на делницата.

На 26.03.2024 година од 14.15 часот извршена е времена измена на режимот на сообраќајот на делницата од автопатот 300м после надвозник „Маџари“ до клучка „Белви“ за време на поправка и рехабилитација на државен пат А1/А2 делница Скопје-Куманово (десна коловозна лента) каде што со ветикална сообраќајна сигнализација во должина од 200м сообраќајот се канализира и успорува од левата (за претекнување) сообраќајна лента во средната (за возење) сообраќајна лента за да потоа во должина од 1500м целиот сообраќај ќе се одвива по сообраќајната лента за претекнување (левата), а средната и сообраќајната лента за принудно запирање ќе бидат затворени за сообраќај.

Од 18.03.2024 г. има измена на режимот на сообраќај на државниот пат Р1101, делница Прилеп – Битола, заради интезивирање на градежните активности во врска со проект Санација на патот, кај мост на река Шемница.

Започнувајќи од 11.12.2023 год. ќе биде изменет режимот на сообраќај на магистралниот пат A3, делница Прилеп - Битола поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект. Времениот режим на сообраќај е со важност од 6 месеци, односно се до завршување на градежните работи.

Започнувајќи од 05.12.2023 год. е изменет режимот на сообраќај на државен пат A2, делница Тетово - Гостивар во двата правци на движење поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект. Времениот режим на сообраќај е со важност од 6 месеци, односно се до завршување на градежните.

Oд 24.11.2023 година од 16:00 часот режимот на сообраќајот на делницата од автопатот А-1, Куманово – ГП „Табановце “поточно кл. Куманово-кл. Кр. Паланка, десната сообраќајна лента за присилно запирање и застанување ќе биде затворена за сообраќај во должина од 500м, додека сообраќајот ќе се одвива по сообраќајната лента за возење и претекнување.

ГД Гранит АД Скопје известува дека согласно ново издаденото одобрение за времен режим на сообраќај поради изведување на градежни работи на Автопат А4, делница ГП "Блаце" - Скопје (клучка "Стенковец") Подделница 1 – од 08.11.2023 г. постоечкиот локален пат до с. Блаце од магистраниот пат А4 пред граничниот премин ќе биде затворен, а пристапот до с.Блаце ќе биде обезбеден по привремен пат пред граничниот премин, согласно поставената сообраќајна сигнализација. Останува и претходно воспоставениот времен режим на сообраќај согласно кој на 2 км пред граничниот премин "Блаце" на местото на изведување на градежните работи сообраќајот се одвива по двонасочен режим на сообраќај (со два нови кружни тека) и поставена соодветна сообраќајна сигнализација.

На 07.11.2023 година од 13:00 ч. извршена е времена измена на режимот на сообраќајот на делницата од Автопат А1, Пeтровец – Катланово - рехабилитација со проширување на автопатот А1 (лево и десно коловозот во двата правца) во должина од 6000 м, сообраќајот ќе се одвива по новоизградената коловозна лента (Катланово - Петровец) двонасочно, со вертикално поставена сигнализација, додека коловозната лента Петровец - Катланово ќе биде затворена за сообраќај.

Oд 24.10.2023 година ќе се започне со реконструкција на регионалниот пат 1301 (Охрид-Свети Наум). Сообраќајот ќе се одвива непречено и ќе биде регулиран со содветна сообраќајна сигнализација.

ГД Гранит АД Скопје известува дека согласно издаденото одобрение за времен режим на сообраќај на Автопат А4, делница ГП "Блаце" - Скопје (клучка „Стенковец“) Подделница 1 - проширување на постоен пат А4 од ГП "Блаце" до с. Блаце до ниво на автопат и изградба на дел од автопат со клучка за поврзување со локален пат до с. Блаце, на 2км пред Граничниот Премин "Блаце" од 06.10.2022 г. на местото на изведување на градежните работи се одвива нов времен двонасочен режим на сообраќај (со два нови кружни тека) со поставена соодветна соорбаќајна сигнализација. Сообраќајот се одвива континуирано без застој. Препорака до возачите за прилагодена брзина на движење и почитување на поставената сообраќајна сигнализација.

Oд 11.9.2023 г. воспоставен е времен режим на сообраќај во тунелот на патниот правец Блаце – Скопје, поради изведување на градежни работи – санација на тунелот. Поставена е светлосна сигнализација со наизменично пропуштање на возилата.

БИОН ДОО Тетово известува дека од 20.05.2023 година на патниот правец „Државен пат А3, делница: Буково - Охрид, подделница Буково - влез во Охрид“ ќе има измена на времениот режим на сообраќај поради изведување работи што се предвидени на објектот "Поставување на сообраќајна сигнализација и опрема на државен пат А3, делница Буково - Охрид, подделница Буково - влез во Охрид". Режимот ќе биде според сообраќајниот проект. Работите на објектот се предвидени да завршат на 29.02.2024.

Од 14.06.2023 година почнува проектот „Санација на трупот на патот Р1303, делница Македонски Брод – Прилеп, премин Барбаpос. Сообраќајот на овој патен правец ќе се одвива непречено со ограничување на максимална брзина до 30 км/час.

Поради изведување на градежни работи (реконструкција на коловозот) на патниот правец Подмоље – Охрид на магистралниот пат А3, сообраќајот ке биде пренасочен преку регионалниот пат Р-1208. Работите започнуваат на 09.6.2023 г., а на местото ќе биде поставена соодветна сообраќајна сигнализација.

Почнувајќи од 06.03.2023 г., на автопатот А1, делница Петровец – Катланово, започнуваат градежни активности поради што има изменет режим на движење на возилата. Сообраќајот се одвива непречено и се препорачува внимателно пристапување.

Поради изведување на работи на експресниот пат од Градско до Дреново на државен пат А1, делница Велес-Неготино, ќе се применува времена измена на режим на сообраќај. Времениот режим ќе се применува во двата правци на автопат Е-75. Сообраќајот ќе се одвива непречено, со брзина од V=80km/h во зона на градилиште. Режимот ќе се применува се до целосна изградба на новата клучка Градско.

На патниот правец Градско - Прилеп се изведуваат градежни активности и затоа препорачуваме внимателно возење и прилагодена брзина на движење.

На патниот правец Кичево - Охрид, поради градежни работи на повеќе делници, сообраќајот се одвива со девијации. Поставена е соодветна сообраќајна сигнализација и затоа препорачуваме строго почитување на истата и прилагодена брзина на движење.

Регион

Поплави и во Хрватска: Премиерот Пленковиќ го посети поплавениот Огулин

Претседателот на Владата на Хрватска, Андреј Пленковиќ го посети погоденото подрачје на Огулин од поплавите.

Претседателот на Владата на Хрватска, Андреј Пленковиќ го посети погоденото подрачје на Огулин од поплавите, каде што беа ангажирани Хрватске воде, Хрватската планинска спасувачка служба и други надлежни служби поради покачувањето на водостојот на реките Добра и Купа поради обилните дождови. Во моментот околу 20 куќи се поплавени во нивните подруми, но нема поголеми штети, објави Индекс.

„Им благодарам на сите служби, на префектот, на градоначалникот и на претставниците на Хрватски води, како и на сите што се максимално ангажирани на терен. Владата помага онолку колку што е потребно во вакви ситуации“, рече Пленковиќ за време на посетата.

Премиерот истакнал дека се вложуваат значителни средства во одбраната од поплави и оти за време на неговиот мандат се вложени 650 милиони евра за зајакнување на превенцијата. Сепак, како што посочи, потребни се дополнителни инвестиции поради сѐ почестите екстремни временски услови.

„За жал, екстремните временски услови стануваат наша сигурна иднина, која ќе носи сѐ повеќе природни катастрофи“, заклучи Пленковиќ. Во Огулин затворени се бројни патишта, а од водата е загрозена и трафостаницата во центарот, поради што е исклучена, а дел од населението останало без струја.

Автомобилизам

Пежо го претстави новиот целосно електричен Е-408 (ФОТО)

Семејството на електрични возила на Peugeot сега е комплетирано.

Новиот Peugeot E-408 изби на сцената за да ја означи посветеноста на францускиот производител за одржлива мобилност. Од поважните информации, познато е дека 100 отсто електричната верзија на Peugeot 408 надминува 200 КС и има автономија од над 450 километри, пишува Klix.ba.

Однадвор, Е-408 речиси не се разликува од конвенционалниот модел. Забележливи се само низа карактеристични елементи кои јасно го покажуваат статусот на возило со нулта емисија. Решетката има хромирана завршница што се вклопува во предниот дел. Матрикс LED фаровите се тенки и елегантни. Идентитетот на брендот го отелотворуваат задните LED светла кои симулираат облик на три канџи, а има и нов натпис кој ќе го разликува од бензинските и хибридните автомобили.

На страна се издвојуваат елементи кои му овозможуваат да се вклопи во некои SUV купеа. Долниот дел од телото е заштитен со низа облоги. Инаку, опремен е со тркала од 19 инчи со графитна завршница. Ако ја оставиме на страна надворешноста, доколку влеземе во внатрешноста на новиот Е-408, брзо ќе се најдеме во дигитално опкружување. Кабината има футуристички дизајн и открива широк спектар на технолошка опрема. Зад компактниот волан се наоѓа 10-инчен 3D дигитална инструментална табла.

Покрај новиот надворешен дизајн и технолошката опрема, сите погледи се вперени во електричниот погонски систем. Развиен на платформата EMP2, „срцето“ на новиот E-408 е литиум-јонска батерија од 58,2 kWh. Батеријата е стандардно поставена во подвозјето на автомобилот, помеѓу тркалата, со цел да се избегне губење на просторот во патничкиот простор.

Енергијата складирана во батеријата главно се користи за придвижување на моторот со 214 КС со 345 Nm максимален вртежен момент. Оваа моќ се постигнува со возење во спортски режим. Во нормалниот режим на работа, моќта е намалена на 190 КС и 300 Nm максимален вртежен момент, а во случајот со режимот Еко, максималната моќност е 170 КС и 270 Nm вртежен момент.

Новиот E-408 има домет од 453 километри според циклусот WLTP. Досега која според Peugeot е повеќе од доволна за значителен дел од возачите да ги покријат секојдневните патувања.

Времето на полнење се разликува, се разбира, во зависност од типот на „електричен штекер“. За полнење со директна струја (DC), E-408 може да се справи со моќност на полнење до 120 kW, што овозможува батеријата да се наполни од 10 до 80 проценти за нешто повеќе од 30 минути и да поврати речиси 100 километри досег за околу 10 минути полнење.

Peugeot потврди дека книгата за нарачки за новиот електричен 408 ќе се отвори веднаш на одредени пазари. Цените се уште не се дефинирани, но како референца може да се земе цифрата од 49.000 евра, колку чини најмоќната plug-in хибридна верзија на овој модел во ЕУ. Е-408 ќе биде во сличен опсег на цени.

Новиот Е-408 ќе се произведува во Франција. Конкретно, процесот на сериско производство на новиот E-408 ќе се одвива во фабриката Stellantis во Мулхаус. Купувачите на одредени земји од ЕУ ќе имаат корист од новата програма за гаранција Allure Care до осум години или 160.000 километри.

Свет

Русија нема доволно војници- Путин потпиша закон со кој криминалците се ослободуваат од вина

Рускиот претседател Владимир Путин потпиша закон со кој осудениците кои служат војска се ослободуваат од кривична одговорност, пренесува РИА.

Законот ги дополнува одредбите од Кривичниот законик и Законот за кривична постапка на Русија, а особено предвидува дека обвинетите кои служат воена служба за време на мобилизација или кои склучиле договор за воена служба се ослободуваат од кривична одговорност.

Се очекува сличен правен механизам да се прошири и на осудените лица за кои пресудата е изречена, а не стапила во сила, пренесува РИА.

Русија има се повеќе проблеми да регрутира нови војници без да ја објави мобилизацијата бидејќи Кремљ стравува од пад на популарноста на претседателот Путин.

притисни ентер